Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
MANIFESTACIÓN EN FERROL POR UN TRANSPORTE PÚBLICO DE CALIDADE
Convocada pola Plataforma para un transporte público de calidade para Ferrol e comarca, vai-se celebrar unha manifestación, pola restauración da liñas de transporte de viaxeiros por estrada: Que ninguén quede na parada!, esta prevista para o mércores 20 de abril, ás 8 da tarde, diante do edificio da Xunta de Galicia (Praza Amada Garcia). _______
Desde a delegación de Adega de Ferrolterra, achegamos tres enlaces que se corresponden a tres vídeos feitos pola OMS, que tratan de porque debemos deixar os carros particulares aparcados na casa e mover-nos sempre que poidamos, por medios non contaminantes ou pouco contaminantes, como o tren e o autocarro. Son vídeos cortos moi interesantes e pedagóxicos e desde a delegación pedimos-vos, que lle dediquedes uns poucos minutos a velos.
O camiño a casa
17 de outubro, de 2016
Nove de cada dez acodes respiran un aire insalubre. A contaminación do aire é un asasino invisíbel que pode estar axexando, por exemplo, no camiño de volta a casa e ate nos nosos fogares.
Cal é a causa de 1 de cada 9 mortes? Que afecta a máis do 80% da poboación urbana, pero adoita ser invisíbel?
A Organización Mundial da Saúde (OMS) e a Coalición do Clima e Aire Limpo para Reducir os Contaminantes do Clima de Curta Vida (CCAC) uniron-se nunha campaña de sensibilización internacional chamada Respira a vida. A campaña centra-se en aumentar a conciencia sobre a contaminación do aire como unha ameaza tanto para a saúde pública como para o clima.
Como a contaminación do aire afecta ao teu corpo 13 de marzo, de 2018
A contaminación do aire é unha ameaza invisíbel que axexa á nosa contorna, afectando a mozas e maiores. Aprende como ataca e se desliza silenciosamente máis aló das defensas do noso corpo, causando mortes por ataque cardíaco, derrames cerebrais, enfermidades pulmonares e cancro. Axuda a respirar vida de novo nas nosas cidades e a tomar medidas para protexer nosa saúde e o noso clima.
Miguel Anjo González Garcia Secretario Adega-Ferrolterra
Asociación para a Defensa Ecolóxica de Galiza
Delegación de Ferrolterra
Apartado de correos 481; 15480 Ferrol, (A Coruña).
Correo: adegatrasancos@adega.gal
Páxina electrónica: www.adega.info
Enviado por adegatrasancos@adega.gal
-adegatrasancos@adega.gal-
9 de novembro de 2020 16:51
_______
