O Comité de Empresa reune-se coa asemblea do colectivo de pasivos de Navantia Fene

COLECTIVO DE PASIVOS DE NAVANTIA FENE

Na terceira concentración na porta de entrada ao estaleiro relacionada coa entrega dos paquetes de Nadal e a requirimento do colectivo de pasivos acudíron dous membros do Comité de Empresa que logo de escoitar a demanda de aclaracións sobre como proceder para retirar o paquete nas instalacións do Fróiz de Narón estando este concello pechado perimetralmente a consecuencia do alto nivel de contaxio que mantén na actualidade, procederon a informarlles de que mantiveran na mañá de hoxe unha reunión con representantes de Navantia da cal concluíase o seguinte:

O peche perimetral a que está sometido Narón NON fai posíbel acceder ao lugar do reparto ao persoal non residente neste concello polo cal e mentres non se proceda ao levantamento desa medida de restrición aconsellan non acudir a retirar devandito paquete, xa que contrariamente aos bulos que circulan nos últimos días a carta enviada pola empresa aos interesados NON serve como xustificante para desprazarse a ningún lugar sometido a confinamento perimetral, como é o caso.

Manifestan á súa vez que a empresa Navantia comunicoulles que ningún dos beneficiarios quedaríase sen o paquete que lle corresponde.

Ante esta información, seguen a suscitarse dúbidas ao respecto por parte do colectivo, sobre todo xurdía a pregunta de porqué a empresa Navantia non buscou unha alternativa a esta situación deixando que pase o tempo o cal fará inviábel o actual sistema de reparto.

Tendo en conta que a cadea Fróiz ten tendas en case todos os concellos outra alternativa é posible, repartir por medio da súa cadea de distribución os paquetes aos distintos lugares xa que é coñecido o número de beneficiarios que reside en cada un deles evitando así o inconveniente das pechaduras perimetrais.

Así as cousas, e ante a falta de solucións ao problema a asemblea concentración queda convocada de novo para o vindeiro xoves día 17 co compromiso da asistencia do comité de empresa para informar das novidades, si as houbera.

José Francisco Salceda Gómez
Portavoz del colectivo.

Enviado por:
José Francisco Salceda Gómez
-pepinsalceda@gmail.com-
10 de dezembro de 2020 17:32
_______

Foto de Fermín Goiriz Díaz. | Navatia Fene, 14 de novembro de 2008.
_______

Concentración do persoal pasivo de Navantia Fene ás portas do estaleiro por segundo xoves consecutivo, ante a falta de resposta tanto da Direción cono do Comité, para o vindeiro xoves día 10 de decembro, volven concentrar-se en nova Asemblea ate que se solucione a entrega, aos beneficiarios, do paquete de nadal

COLECTIVO DE PASIVOS NAVANTIA FENE

Na segunda concentración do persoal pasivo de Navantia Fene ás portas do estaleiro por segundo xoves consecutivo, o colectivo constatou o nulo interese que o problema do reparto suscita entre a representación sindical, é dicir, o Comité de Empresa de Navantia Fene, pois malia haberlles feito entrega dun escrito a semana anterior, nin se dignaron a achegarse á asemblea a informar das xestións que se realizan, supoñendo que o fixeron.

Na concentración de hoxe, xoves día 3 de decembro puidemos constatar o gran desconcerto que reina entre o colectivo, e que conste que entre os presentes só había persoas dos Concellos con pechadura perimetral, posto que os que residen en Cedeira, Valdoviño, Cabanas, San Sadurniño, Pontedeume, Miño, Bemantes, Capela, etc etc. non poden asistir por razóns obvias.

O desconcerto increméntase polo feito de que non existe en Navantia Fene ningún estamento ao que poder dirixirse a fin de informarse, e polos teléfonos que se asignan pola empresa para suscitar as dúbidas pertinentes ninguén responde.

As cartas que se envían aos domicilios dos beneficiarios do paquete non chegan a todos e as que o fan non explican en absoluto como debe proceder o persoal que reside fóra do peche perimetral, e para máis pitorreo denominan ao paquete "obsequio" cando lles consta perfectamente que non se trata de ningún agasallo.

A todo isto, dada a falta de atención que tanto a dirección de NAVANTIA, como dos nosos representantes no Comité de Empresa nos prestan queremos facer públicas as seguintes cuestións:

✔ As autoridades competentes van permitir o acceso a Narón á xente que resida fose do perímetro pechado?
✔ De ser así, e dado que é un lugar moi concorrido nestas datas, está previsto o problema que pode xurdir polas limitacións de aforo?
✔ De NON ser así, que solución nos suscita Navantia? Vannos a facilitar un "pase" especial para poder circular ata o Concello de Narón?
✔ Van dispoñer de lugares de entrega fóra do peche perimetral?
✔ Quedaremo-nos sen poder recoller o paquete, ou nolo darán xa xunto co do próximo ano?

Dado que o vindeiro luns está previsto que comece o reparto sería moi conveniente que quen armou semellante e innecesario berenxenal puxese algo de luz neste asunto pois está claro que a cousa non está nin moito menos para bromas.

Fene, a 3 de decembro, de 2020

AVISO

Quedamos convocados para unha nova asemblea para o vindeiro xoves día 10 de decembro.

Enviado por:
José Francisco Salceda Gómez
-pepinsalceda@gmail.com-
6 de dezembro de 2020 14:53
_______