Amosando publicacións coa etiqueta O Val. Amosar todas as publicacións
Amosando publicacións coa etiqueta O Val. Amosar todas as publicacións

venres, abril 26, 2019

Sobre a senda peonil e ciclista de O Val, a retirada do proxecto, e a devolución dos terreos expropiados pola Xunta de Galicia


Sobre a senda peonil e ciclista de O Val, a retirada do proxecto, e a devolución dos terreos expropiados pola Xunta de Galicia.


André Abeledo indicou durante o Pleno que as xestións para a devolución dos terreos expropiados son un tramite administrativo individual, no que o Concello pode colaborar cos afectados para indicarlles cales son ditos trámites e como xestionalos. E pedimos ao Goberno que actúe neste sentido. Pero que tanto as expropiacións como a devolución dos terreos son responsabilidade da Xunta de Galicia. 

Debemos remarcar que a senda peonil e ciclistas de O Val era un proxecto da Xunta de Galicia, e que as expropiacións e a devolución dos terreos expropiados tamén son responsabilidade da Xunta de Galicia.

Non entendemos a postura dun PP que fai un xogo hipócrita, sabendo que a responsable é unha Xunta onde son eles os que gobernan, pero pretendendo pasar a pelota ao tellado do Concello. 

Abeledo tamén manifestou no seu momento a súa opinión sobre a escusa que puxo a Xunta de Galicia para retirar finalmente o proxecto, “parécenos infantil, pouco sería e irresponsable, o feito de sentirse maltratados durante unha asemblea para explicar un proxecto non é motivo suficiente nin defendible”.

Dende o primeiro momento manifestamos o noso pesar porque un importante investimento para O Val e para Narón puidera perderse.

Entendiamos que unha senda peonil e ciclista é algo positivo, aporta seguridade e dá valor aos terreos.

Un proxecto da Xunta pode ser modificado nun 10% sen necesidade de ser retirado, pos iso anímamos no seu momento ao dialogo da Xunta coa mediación do Goberno Local, con aqueles veciños que se sentían perxudicados para poder sacar adiante o proxecto.

Insistimos que a Xunta de Galicia responsable deste proxecto non fixo o esforzo necesario para negociar coa veciñanza, o PP responsable do proxecto dixo que non se ía facer porque a veciñanza non o quería, agoara o pretenden colgarse a medalla de ter retirado o seu propio proxecto e dar a imaxe de que agora o responsable do problema creado é do Concello de Narón.


https://www.facebook.com/naronpordiante/

https://twitter.com/naronpordiante




Enviado por:
Naron Esquerda Unida
-eu-naron@esquerdaunida.org-
26 de abril de 2019 09:04

________________

luns, abril 22, 2019

Os afectados da senda peonil e ciclista d'O Val plántanse na alcaldía para conseguir entrevista coa Alcaldesa



O 4 de marzo publicábase no DOG a aprobación do expediente de información pública e definitivamente o proxecto de construción do itinerario peonil e ciclista na AC-116 (treito AC-114 – Meirás). O mesmo día os veciños afectados pola senda solicitaban unha entrevista coa alcaldesa.

Con data 14 de marzo sae publicado no DOG o decreto para a urxente ocupación das propiedades deste tramo, e o 19 de marzo responde a alcaldesa que “unha vez nos sexa remitido o proxecto definitivo, … poderá fixarse unha data para a devandita reunión”.

Con todo, a comunicación da data nunca chegou, a pesar de que o 4 de abril a Axencia Galega de Infraestruturas (AXI) sacou a licitación a obra, facéndose público o novo proxecto.

O novo proxecto está amplamente transformado, e ten pouco que ver co anteriormente exposto ao público en 2016, deixando amplas zonas sen actuación ningunha, mentres que outras resultan moito máis afectadas e con maiores expropiacións, cun claro agravio comparativo.

O pasado día 4 de abril a Conselleira de infraestruturas acudiu a un acto de campaña do seu partido en O Val para dar explicacións. A Sra. Concelleira dixo aos afectados que solicitasen a devolución dos terreos e a cancelación da senda en O Val para poder ela xustificalo, e que esta solicitude debía preferentemente de canalizarse a través do Concello.

En consecuencia, a través dunha moción de Eliximos Narón, os veciños solicitan:

1. Proceder a cancelar o proceso iniciado de expropiación para a primeira fase, xa suspendida.

2. Non iniciar a expropiación das propiedades de O Val na súa segunda fase.

3. Comunicalo á Consellería de infraestruturas e á AXI.

Esta moción tratábase na Xunta de Portavoces celebrada hoxe luns, polo que unha representación dos veciños concentráronse ás portas do Concello en apoio á mesma. Todos os partidos con voto na Xunta (é dicir, todos excepto ENE) abstivéronse, pero deixaron bastante claro que non tiñan intención de apoiala no pleno.

Ante esta situación os veciños solicitaron por rexistro intervir no próximo pleno, e ocuparon a sala de espera da alcaldía indicando que non se irían ata que a alcaldesa concertase a reunión solicitada. Finalmente a citación produciuse, quedando os veciños convocados para o vindeiro luns día 29 de abril ás 13:30 horas.

Eliximos Narón
(Recortes Cero – Grupo Verde)

673141822 - eliximos@gmail.com
Narón, moito  por facer
...fagámolo, xuntos podemos.
Web  |  TwitterFacebook


Enviado por:
ENE Eliximos Narón Electores
-eliximos@gmail.com-
22 de abril de 2019 16:0

_____________

sábado, novembro 17, 2018

O domingo día 18 de novembro, están convocadas todas as persoas socias da asociación veciñal d'O Val (Narón), para elixir a nova directiva - Dende a candidatura 'Traballando polo Val' presentan programa e candidatura


A candidatura “Traballando polo Val” á directiva da A.VV.


Este domingo día 18 de novembro de 2018, están convocados os socios e socias da A.VV do Val para, entre outros asuntos escoller a nova directiva. Este ano xurdiu unha candidatura alternativa que trata de recuperar o dereito da veciñanza a tomar as súas decisións, á vista de que a actual directiva non contaba con eles e incluso dáballe as costas á veciñanza fronte a problemas como: a parcelaria, o carril-bici, rede de sumidoiros, pago das acometidas, contribución (IBI), patacas, xabarís, etc. Unha directiva condicionada porque varios dos seus membros son con militantes activos de TEGA e parecían defender ao Goberno de Narón no lugar de cos seus veciños.

Chegamos a tal situación que se está excluíndo de participar e opinar a aqueles que lles resultan incómodos, entre eles aos que deixaron parte da súa vida loitando polo Val.

A lei de asociacións recolle como criterios fundamentais a estrutura democrática das asociacións e a súa ausencia de fins lucrativos, así como garantir a participación das persoas nestas, e a participación mesma das asociacións na vida social e política.

A lei tamén esixe o rexistro da asociación e datos sobre a mesma como, por exemplo, os seus cargos. Sen embargo, o pasado mes de outubro solicitouse ao Rexistro de asociacións da Xunta de Galicia información sobre a composición da xunta directiva e respondeu que:

Dende o ano 2013 non tramitaron ante o rexistro a inscrición da modificación da xunta directiva, e tendo en conta que segundo os estatutos a duración dos cargos é de 1 ano, xa non están en vigor os que constan no arquivo.

A realidade da A.VV. do Val dista moito da democracia, os seus estatutos non recollen as regras e procedementos necesarias para a elección es substitución dos seus membros e contando incluso son artigos contraditorios e non democráticos como o que esixe una antigüidade para poder optar a un cago na directiva.

Así encontrámonos na práctica con que o actual proceso de elección que incumpre aspectos básicos como:

  • Impoñer una elección por candidaturas, algo que non figura nos estatutos nin na lei.
  • Fixar un número de compoñentes e cargos para a candidatura, cando os estatutos só recollen un número mínimo pero non máximo de compoñentes.
  • Non informar nin facilitar a lista e composición das candidaturas, co cal os socios descoñecen a que van a votar ata a asemblea.
  • Non publicar o censo electoral, o que non permite a libre comprobación da inscrición de socios.
  • Non acordar as regras da votación (membros da mesa, interventores, prazo de tempo para votar, etc.).
  • Esixir o carné de socio para a votación, cando debera ser suficiente o DNI, carné de conducir ou outro medio de identificación eficiente da identidade da persoa.

Ademais, prodúcense outras actitudes e comportamentos que están impedir ou dificultar os dereitos dos asociados e a súa convivencia libre e democrática que preferimos non relatar.

Queremos recuperar o espírito valexo, que aínda está entre nosoutros, que O Val volva a ser un pobo soberano e decida sobre o seu futuro.

Estamos convidando aos veciños do Val a que participen tanto na candidatura como compartindo os seus problemas a través de reunións o xoves día 15 de novembro as 8 da tarde ao Bar O Marinito, ou o sábado 17 as 7 da tarde no local social, e para que acudan a votar na asemblea do próximo domingo 18 as 10:30 da mañá.

Programa e Candidatura.-
Clicar na imaxe para ampliar o Programa e a Candidatura


Enviado por:
Diego Paz
-diegopazlopez1988@gmail.com-
16 de novembro de 2018 10:37

_____________

domingo, agosto 26, 2018

Posición da asemblea de afectadas pola senda peonil e ciclista d'O Val tras a visita de técnicos da Xunta - Nota de Eliximos Narón Electores (ENE)


Posición da asemblea de afectados pola senda peonil e ciclista de O Val tras a visita de técnicos da Xunta.

Celebrada este sábado día 25 unha asemblea, para tratar sobre a visita dos técnicos de Xunta polas casas dos afectados, chegouse as seguintes conclusións:

1. Tanto os veciños como os técnicos da Xunta foron vítimas dunha basta manipulación por parte dos concelleiros do tripartito, aos primeiros dicíndolles que ían modificar o proxecto e incluso que xa non lles ían a expropiar e tirar os peches, pedíndolles que cando pasasen os técnicos da Xunta para volver marcar, que non se preocupasen e que lles deixasen facer o seu traballo; mentres que aos segundos dixéronlles que os veciños xa estaban de acordo co proxecto. Pouco tardou en destaparse as mentiras porque os técnicos xa dixeron que o proxecto non mudara e os veciños que non estaban de acordo con el.

2. O concelleiro de obras, Pablo Mauriz, presente en boa parte da visita dos técnicos dedicouse a negar as súas anteriores palabras chegando a insinuar que os veciños mentían, e chamando á Garda Civil, sen ningún motivo, cando un grupo de veciños se acercaron a interesarse polo que estaba a acontecer. Actitudes que a asemblea rexeita como indignas dun concelleiro que tiña que estar a dialogar e a mirar polos intereses dos naroneses.

3. O diálogo co Goberno de Narón descubriuse como algo estéril e inútil.

Como consecuencia, adoptáronse algúns acordos para este próximo mes de setembro:

a) Establecer un calendario de concentracións e manifestacións (aínda por concretar) que terán lugar este mes de setembro comezando por unha concentración diante do edificio administrativo da Xunta na praza de España de Ferrol.

b) Asistir aos próximos plenos para rexeitar as actuacións do Goberno neste tema e pedir as dimisións dalgúns concelleiros polas súas actuacións, ou pola falta dela noutros casos.

c) Rexeitar calquera diálogo tanto a nivel persoal como colectivo en canto non se presente un proxecto modificado da obra.

O Val, a 25 de Agosto, de 2018

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron


facebook:
https://www.facebook.com/groups/Eleximos.Naron/


Enviado por:
ENE Eliximos Narón Electores
-eliximos@gmail.com-
26 de agosto de 2018 11:55

____________

sábado, agosto 25, 2018

Eliximos Narón Electores (ENE) presenta as conclusións da reunión dalgúns veciños coa Deputación e Concello polas obras da estrada de O Trece - Crítica de Eliximos ao goberno municipal: 'A tensión crece en O Val polas manipulacións do Tripartito'


Conclusións da reunión dalgúns veciños coa Deputación e Concello polas obras da estrada de O Trece.

Este xoves 23 de agosto un grupo de veciños afectados pola estrada de O Trece asistiron a unha reunión convocada dende o Concello en colaboración coa Deputación para explicar o Modificado 2º ás obras de ampliación e mellora da estrada.

Para esta reunión, que inicialmente pretendían facer contando só coa presenza da directiva da A.VV., o Concello puxo condicións como que o grupo de veciños fose reducido (sendo 11 veciños) e que se celebrase en dependencias da alcaldía, en horario de mañá dun día laborable. Evidentemente, con estas condicións, xa se entendía que non se trataba de escoitar aos veciños senón de volver dar unha imaxe pública dun suposto achegamento e participación dos veciños, á vez que vender por bo o Modificado.

Foi unha reunión selectiva por parte do Sr. Fojo, alcalde en funcións, que non dos membros da Deputación como eles manifestaron, na que non se admitiu a presenza do concelleiro de  Eliximos, que asistía en representación dalgúns veciños que así llo pediron por non ter posibilidade de asistir e por non ter representación na mesma nin ser socios da A. VV.

As explicacións chegan tarde, unha vez pasado o período de alegacións a devandito modificado, a pesar de que foi solicitada desde principios de mes pola Asociación de Veciños, ao que hai que sumar que tampouco se facilitou copia do proxecto, nin sequera no día de hoxe e a pesar de ser solicitadas por rexistro tanto pola A. VV como por Eliximos, para que os veciños puidesen ver o Modificado sen ter que desprazarse a Coruña, todo iso a pesar de que técnicos e persoal da Deputación desprázanse case a diario á obra.

A anterior reunión o asesor técnico da Deputación e concelleiro do PSOE Pablo Couto, en compañía de concelleiros do Tripartito, terminou sendo un caos. Caos consentido polos convocantes (Deputación e Concello) porque en realidade non lles interesaba escoitar aos veciños (que xa comunicaran publicamente e por rexistro á Deputación as súas demandas) senón que viñan cumprir co seu interese de dar unha imaxe pública de achegamento aos veciños e a vender promesas que acalasen as reclamacións veciñais, por exemplo, a promesa de construír algúns tramos de cuneta accesibles nas zonas de maior concentración de casas, promesa que se traduciu nunha cuneta totalmente inaccesible, aínda que menos profunda e perigosa que no resto do trazado.

Nestas datas, tras o labor informativo de  Eliximos, xa os veciños coñecían en esencia o Modificado e presentaron as súas alegacións en tempo e forma (o pasado martes, día en que expiraba o prazo de reclamacións), polo que xorde a pregunta de cal é a misión desta reunión. A conclusión que obtivemos é que viñeron a contarnos unha nova película, con promesas que se saen do guión do proxecto, pois din (de palabra) que van executar máis accesos que os recolleitos no Modificado, algo evidente ilegal, o que se suma ao resto de afirmacións ata agora incumpridas e que xa non convencen aos veciños.

Tamén se desprende da reunión que o Goberno de Narón actúa de comparsa da Deputación e que non tivo ningunha iniciativa para defender as reclamacións veciñais, que non son máis que dereitos recolleitos e recoñecidos pola lexislación autonómica e nacional, todo iso en aras dunha suposta e mal entendida lealdade institucional, aínda que en realidade non é outra cousa máis que covardía, a covardía duns políticos que foxen de batallas xustas para o seu pobo e que só lles preocupa manter o seu asento nas próximas eleccións.

A tensión crece en O Val polas manipulacións do Tripartito.


Estamos a asistir a un novo espectáculo do Tripartito que se dedicou nestas semanas pasadas a ir polas casas dalgúns dos veciños directamente afectados polo trazado da senda peonil e ciclista de O Val. Ata tres concelleiros xuntáronse algúns días para dicirlles que xa non lles ían a expropiar e tirar os peches, que ían pasar os técnicos da Xunta para volver marcar, que non se preocupasen e que lles deixasen facer o seu traballo.

O que parecía unha boa nova agora descóbrese como un novo engano pois algúns traballadores pasaron onte marcando as mesmas expropiacións que antes, mentres que os técnicos da Xunta pasaban hoxe dicíndolles que non cambiara nada e que seguía sendo o mesmo proxecto.

A tensión foi moi alta porque un dos concelleiros, que pasaran dicindo que ían librar os peches, hoxe viña cos técnicos da Xunta dicindo o contrario e negando as súas palabras, o cal indignaba aos veciños que sentían estafados e manipulados.

Posiblemente a cousa non foi a máis porque “de forma misteriosa” presentáronse no lugar dúas patrullas da Garda Civil.

Manipulacións e mentiras de covardes que se esconden detrás da Garda Civil e dos funcionarios.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Narón, moito  por facer
...fagámolo, xuntos podemos.

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/

Foto de José Pardo. | 14 de xullo de 2018.

Enviado por:
ENE Eliximos Narón Electores
-eliximos@gmail.com-
23 de agosto de 2018 16:22

23 de agosto de 2018 18:34
__________

domingo, xuño 17, 2018

Conclusións sobre a asemblea d'O Val cos técnicos da senda peonil e ciclista - A veciñanza asistentes transmitiron aos técnicos que a senda estaba mal concibida desde o primeiro momento porque todos os puntos de interese importantes estaban ao outro lado da calzada

Conclusión s sobre a asemblea d'O Val cos técnicos da senda peonil e ciclista

Resultou evidente, dende un primeiro momento, que a reunión estaba mal exposta por que pretendían vender a súa actuación como algo moi bo para O Val, á vez que se cuestionaba o rexeitamento aos problemas expostos á mesma, sen que nin sequera fixesen un esforzo por entender as devanditas cuestións.

Nunca se pretendeu o diálogo por parte dos responsables asistentes ao acto, non eran os interlocutores adecuados xa que se trataba de técnicos sen as competencias necesarias para decidir sobre a reforma de proxecto.

Os veciños asistentes transmitiron aos técnicos que a senda estaba mal concibida desde o primeiro momento porque todos os puntos de interese importantes estaban ao outro lado da calzada (praias, monumentos, edificios públicos e centros sociais, etc.), en resposta ao cal os técnicos deixaron entrever que a solución exposta (aínda que pouco funcional) respondía basicamente a criterios económicos.

O desenvolvemento técnico do proxecto tamén se rexeitaba por nin sequera cumprir cos requisitos básicos fixados para este tipo de actuacións, e que debese de pasar por un mínimo control de calidade, criticándose un malgaste de diñeiro público.

Tamén lles fixeron ver que había uns problemas xerais da senda para resolver, que afectaban a todos os veciños, e que a súa estratexia de división, baseada no diálogo individualizado cos afectados para venderlles a resolución de problemas individuais (á marxe de solucións recollidas no proxecto) non era aceptada.

A maioría dos asistentes ao acto asinaron unha folla coas 10 reclamacións básicas para a reforma e execución do proxecto, que se acompañaba cuns gráficos onde se recollían os desprazamentos ao eixo da estrada propostos para reducir as afeccións sobre as propiedades; folla que foi entregada aos técnicos solicitándolles que lla transmitisen aos responsables políticos para o seu estudo, á vez que se lles comunicase a esixencia dos veciños de que non se empezasen as obras ata ter resoltas as deficiencias do proxecto.

As citadas reclamacións esixen á Xunta: unha reforma do proxecto para a construción da senda de forma que teña dous partes diferenciadas (ciclista e peonil) en todo o trazado, que non se expropien parcelas con peches existentes, que recolla todos os accesos a vivendas e parcelas, e que instale todos os servizos e preinstalacións non existentes. Ademais piden outras medidas como que as pontes sexan de formigón armado, o cumprimento da normativa de accesibilidade, e a instalación de dous pasos de peóns, un no Cruceiro e outro fronte ao colexio.

Os veciños falaron alto e claro, mostrando un sentimento común fronte ao problema e que a xente do Val ten unha actitude esixente e comprometida co desenvolvemento da parroquia.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Narón, moito  por facer
...fagámolo, xuntos podemos.

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/

Enviado por:
ENE Eliximos Narón Electores
-eliximos@gmail.com-
15 de junho de 2018 09:02
______________

Enlace relacionado de interese:

A nova en 'La Voz de Galicia', unha reportaxe de
Narón /

sábado, xuño 09, 2018

O Val, pobo soberano, preparase para a acción - A asociación de veciños de O Val, a petición dos afectados pola senda peonil e ciclista, convoca aos seus veciños a unha asemblea, que se celebrará o vindeiro sábado día 9 ás 7:30


O Val, pobo soberano, como xa demostrou en ocasións anteriores, preparase para a acción.

A asociación de veciños de O Val, a petición dos afectados pola senda peonil e ciclista, convoca aos seus veciños a unha asemblea, que se celebrará o vindeiro sábado día 9 ás 7:30, cun único punto da orde do día sobre a citada senda.

O pasado sábado día 2, na súa reunión semanal, os afectados pola senda acordaron os puntos básicos que esixirán á Xunta: unha reforma do proxecto para a construción da senda de forma que a senda teña dous partes diferenciadas (ciclista e peonil) en todo o trazado, que non se expropien parcelas con peches existentes, que recolla todos os accesos a vivendas e parcelas, e que instale todos os servizos e preinstalacións non existentes. Ademais piden outras medidas como que as pontes sexan de formigón armado, o cumprimento da normativa de accesibilidade, e a instalación de dous pasos de peóns un en O Cruceiro e outra fronte ao colexio.

Rexéitase un proxecto mal concibido e mal desenvolvido que non cumpría nin sequera cos requisitos básicos fixados para este tipo de actuacións, e que debese de pasar por un mínimo control de calidade, criticándose un malgaste de diñeiro público, habitual nas nosas Administracións, en chapuzas que logo hai que ir remendando e que nunca darán un bo resultado.

A reunión, que contou coa presenza do portavoz do Partido Popular no Concello e co concelleiro de Eliximos Narón, acordou un diálogo coa Xunta sobre os problemas do conxunto do proxecto antes de falar de casos individualizados como propoñía a Xunta a través da alcaldesa e do portavoz popular.

A estratexia do Partido Popular, baseada no “divide e vencerás” e en a “compra-venda de favores” para a resolución de problema individuais á marxe de solucións recollidas no proxecto, foi rexeitada por ser outra forma de corrupción (habitualmente usada polo PP e outros partidos) que deixa aos veciños sen garantías, débiles e indefensos, ante unha Administración que xoga con toda as vantaxes.

Transcorridos xa 14 días dunha suposta oferta de diálogo da Xunta aínda non hai noticias reais sobre o mesmo, motivo polo que O Val prepárase para entrar en acción.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Narón, moito  por facer
...fagámolo, xuntos podemos.

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/

Enviado por:
ENE Eliximos Narón Electores
-eliximos@gmail.com-
6 de junho de 2018 10:07

_______________

Foto: Narón Aberto.
____________________