A Autoridade Portuaria de San Cibrao-Ferrol fai balanzo da actividade nos portos da súa competencia, sen nomear o tráfico do gas natural licuado, polo que hai que sospeitar que non son moi positivos para Reganosa

A Autoridade Portuaria de San Cibrao-Ferrol fai balanzo da actividade nos portos da súa competencia no transcurso de 2017, sen nomear o tráfico de do gas natural licuado (LNG), polo que hai que sospeitar que non son moi positivos para Reganosa, empresa que está en tramites para ampliar a súa capacidade de almacenaxe e regasificación, para o proxecto do hub europeo, proxecto a todas luces, ademais de moi perigoso, totalmente non necesario, dado que Reganosa está moi por debaixo da súa capacidade de actividade prevista.

Os tráficos da Autoridade Portuaria superan os 13 millóns e medio de toneladas en 2017

- A cifra provisional é de 13.549.787 no acumulado, o que supón un 8,24% máis respecto de 2016

- A mercancía xeral e os graneles sólidos rexistran un incremento do 3,16% e 11,11% e destacan mercancías como a madeira, os aeroxeneradores, o carbón, a pedra e o biodiesel.

- Recibíronse un total de 1.107 escalas e a cifra de pasaxeiros que pasaron pola Autoridade Portuaria ascende a 30.049

Os tráficos da Autoridade Portuaria superan os 13 millóns e medio de toneladas en 2017. A cifra provisional é de 13.549.787 no acumulado, o que supón un incremento do 8,24% respecto de 2016. É o sétimo ano consecutivo que o organismo supera os 12 millóns de toneladas, e o terceiro en superar os 13 millóns. Ademais, mantívose o ritmo de actividade esperada pola Autoridade Portuaria dun millón de toneladas por mes.

Dentro do grupo de mercancía xeral rexístrase un incremento do 3,16% respecto de 2016, con 779.030 toneladas de acumulado. Destacan mercancías como a madeira cun incremento do 25% onde, ademais das liñas habituais, levouse a cabo a exportación de madeira a Chinesa. Doutra banda, os aerogeneradores, tráfico relevante dentro das exportacións da industria da zona, superaron de novo as 100.000 toneladas.

En canto aos graneles sólidos movéronse 10.451.516 de toneladas, o que supón un 11,11% que no ano anterior. O carbón rexistra un incremento do 25%, cun total de 4.796.067 de toneladas movidas. Tamén, dentro deste apartado, en 2017 iniciouse un novo tráfico, a pedra de exportación, granito, do que se moveron un total de 79.232 toneladas.

Durante o pasado exercicio, dentro dos graneles líquidos, destaca o bo comportamento dos aceites e o biodiésel cun incremento no acumulado do 14,09% e 35,72% respectivamente.

As saídas de tráfico por ferrocarril superaron as 80 mil toneladas, o que implica un incremento porcentual do 33,41% con respecto ao ano anterior, e o tráfico ro-ro mantense cunhas cifras similares a 2016, destacando o incremento do papel nun 3,80%.

Na actividade pesqueira rexistráronse un total de 219 toneladas de capturas, cun valor de 1.696.636 euros. Noutra orde de cousas, nos peiraos da Autoridade Portuaria fornecéronse avituallamentos a buques, como auga ou combustíbeis, por un total de 20.265 toneladas, o que supón un incremento do 67,6%.

Buques e pasaxeiros

En canto a buques, entre os portos de Ferrol e San Cibrao, recibíronse un total de 1.107 escalas, o que supón un 5% máis que o ano anterior. No que se refire a cruceiros turísticos, realizaron escala en Ferrol 22 e a cifra de pasaxeiros que pasaron pola Autoridade Portuaria 30.049, incluíndo o pasaxe interior.
Desde a APFSC valóranse positivamente estes resultados, que son o reflexo dunha profesional e diversificada comunidade portuaria, e poñen de manifesto a capacidade e competividade das instalacións portuarias, que é outra das claves para poder alcanzar estas cifras.

Ferrol, 16 de xaneiro do 2018.

Fonte: Autoridade Portuaria.

Foto: Visiones de Ferrolterra
____________________

A Autoridade Portuaria informa dalgunhas cifras: Os tráficos superan os 11 millóns de toneladas até outubro - En canto aos graneles líquidos, o seu movemento sitúase aínda lixeiramente por baixo do realizado a estas alturas de 2016, en concreto un 3,47% por baixo... - Contas anuais e Memoria Económica de 2016

Os tráficos da APFSC superan os 11 millóns de toneladas até outubro. | Alcanzáronse ata outubro un total de 11.094.051 toneladas no acumulado, un 8,71% máis que no mesmo período de 2016. | Os graneles sólidos e a mercancía xeral rexistran un incremento do 11,73% e do 7,32%, respectivamente, respecto ao ano anterior. | Destaca a boa evolución do taboleiro e a pedra de exportación, granito, un tráfico iniciado este ano.

Os tráficos da Autoridade Portuaria de Ferrol-San Cibrao superaron, a 31 de outubro, os 11 millóns de toneladas. En concreto, o movemento acumulado desde o 1 de xaneiro alcanzou os 11.094.051 toneladas, un 8,71% máis que no mesmo período de 2016.

Dentro dos distintos capítulos nos que se clasifica a mercancía, segundo a súa forma de presentación, os graneis sólidos alcanzan un total de 8.599.206,45 toneladas de acumulado e a mercancía xeral 665.889,07 toneladas, un 11,73% e un 7,32% máis respectivamente, que o ano anterior no mesmo período.

En canto aos graneles líquidos, o seu movemento sitúase aínda lixeiramente por baixo do realizado a estas alturas de 2016, en concreto un 3,47% por baixo, pese a que certos tráficos dentro deste grupo, como os aceites, os biocombustíbeis ou a sosa que se move en San Cibrao experimenten un bo comportamento.

En canto ao tipo de mercancía, destaca a boa evolución do taboleiro, cun incremento do 32,19% e 18.065,16 toneladas de acumulado, e a pedra de exportación, granito, un tráfico iniciado este ano, e do que se moveron ata outubro un total de 79.231,79 toneladas.

Tamén é de destacar o crecemento das saídas de madeira por ferrocarril, que superaron xa as 60 mil toneladas no que vai de ano, o que implica un incremento porcentual do 5,54% con respecto ao mesmo período de 2016.

Finalmente, en canto ao tráfico de carga rodada (ro-ro) refírese, outubro pechou cun acumulado de 57.752 toneladas movidas desde comezos de ano, cifra practicamente idéntica á de outubro de2016.
Pasaxeiros e buques.

Polo que aos pasaxeiros se refire, entre cruceiristas e tráfico interior de ría, utilizaron o porto de Ferrol entre xaneiro e outubro 28.030 persoas, cifra tamén moi similar á de 2016.

Outubro viu entre os portos de Ferrol e San Cibrao un total de 90 escalas de buques, que elevaron o montante anual a 924, fronte ás 865 que se rexistraron a esta mesma altura do pasado ano.

Ferrol, 6 de novembro de 2017

Fonte: Novas da Autoridade Portuaria Ferrol - San Cibrao.

Información de Interese:

A Autoridade Portuaria é un organismo público con personalidade xurídica e patrimonio propios, así como plena capacidade de obrar; dependen do Ministerio de Fomento, a través de Portos do Estado; e rexe-se pola unha lexislación específica, polas disposicións da Lei Xeral Orzamentaria que lle sexan de aplicación e, por extensión, pola Lei 6/1997, de 14 de abril, de Organización e Funcionamento da Administración Xeral do Estado.

Contas anuais e Memoria Económica de 2016, da Autoridade Portuaria de Ferrol-San Cibrao. | Balance, Conta de Perdas e Ganancias, Estado de Fluxos de Efectivo, Estado do Patrimonio... | Resolución de 4 de xullo de 2017, da Autoridade Portuaria de Ferrol-San Cibrao, pola que se publican as contas anuais do exercicio 2016 e o informe de auditoría. | Acceder/Baixar. | No BOE nº 189, do 9 de agosto de 2017. | Acceder/Baixar.

Fonte: Información económico Financeira da APFSC.

Diario de Ferrol - 10.08.2017 | O Porto de Ferrol pechou o pasado ano cun beneficio de 4,2 millóns. | A Autoridade Portuaria de Ferrol-San Cibrao mellorou a súa conta de resultados o pasado ano pechando o exercicio de 2016 cunha cifra de negocio de 17,2 millóns de euros de facturación, o cal tradúcese en 3,5% máis que en 2015. | Ir á Web.
______________