Amosando publicacións coa etiqueta República. Amosar todas as publicacións
Amosando publicacións coa etiqueta República. Amosar todas as publicacións

luns, abril 18, 2022

Albums fotográficos dos actos celebrados en Narón e Cedeira do pasado 14 de abril, na conmemoración do 91 aniversario da proclamación da II República e de homenaxe ás represaliadas da ditadura franquista


Albums fotográficos dos actos celebrados en Cedeira e Narón do pasado 14 de abril, na conmemoración do 91 aniversario da proclamación da II República e de homenaxe ás represaliadas da ditadura franquista


CEDEIRA: DÍA DA REPÚBLICA

Onte, tivo lugar en Cedeira a tradicional ofrenda floral, organizada polo Concello e a Sección local da Asociación Cultural Memoria Histórica Democrática., en lembranza das persoas que sofriron a represión da Ditadura.

As intervencións do Alcalde Pablo Moreda e de José Luis Vergara pola Asociación e a participación das e dos presentes foron unha entrañable homenaxe para sofreron por defender uns ideais de igualdade, fraternidade e progreso social pagaron coa vida, o cárcere, a persecución o desterro o exilio…  

A todas e todos a nosa gratitude hoxe e sempre. Viva a República!!

Álbum fotográfico
 


NARÓN: DÍA DA REPÚBLICA

O 14 de Abril, Día da República, a nosa Asociación xunto con Esquerda Unida e PSOE de Narón, fixemos as xa habituais ofrendas florais lembrando as persoas deste Concello vítimas da represión polas súas ideas de fraternidade, igualdade e progreso social. Visitamos os Cemiterios de O Val e San Mateo e na árbore de Gernika, fronte ao Pazo da Cultura, lembramos aos soterrados en Castro, San Xiao, Canido e Serantes e fixemos un chamamento a paz e ao entendemento entre os pobos e unha condena a todas as guerras. Viva a República!!

Álbum fotográfico


Asociación Cultural Memoria Histórica Democrática
https://www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol @memoriaferrol
 
Enviado por:
Memoria Histórica Democrática
-memoriahistoricademocratica@gmail.com-
15 de abril de 2022 23:18
15 de abril de 2022 23:10

_______

martes, abril 17, 2018

EU Narón participou nas homenaxes as vítimas do franquismo - Abeledo entende que estes actos de homenaxe as vítimas do fascismo e de conmemoración da II República deben servir tamén para a reivindicación da necesidade da chegada da III República


EU Narón participou nas homenaxes as vítimas do franquismo. | Abeledo entende que estes actos de homenaxe as vítimas do fascismo e de conmemoración da II República deben servir tamén para a reivindicación da necesidade da chegada da III República.

André Abeledo explica que “quen esquece a súa historia esta condenado a repetila”, o dixo hai séculos Marco Tulio Cicerón, gran verdade histórica que precisamos ter na memoria.

Tamén Miguel Hernández, ese gran poeta comunista que rematou a súa luminosa vida no mes de marzo de hai 74 anos nunha cadea fascista, deixounos dito: “Xamais renunciaremos nin ao máis vello dos nosos soños”.

A guerra civil non foi unha guerra, foi un golpe de estado perpetrado por traidores contra un goberno lexitimo referendado nas urnas, a II República foi un corto e intenso período de esperanza, de avances, de unidade, que rematou cun golpe brutal que nos levou a unha guerra, non podemos esquecer que no estado español houbo un xenocidio ideolóxico, as cunetas seguen cheas da semente dun pobo que se quería libre.

A II República promoveu o avance na transformación da nosa sociedade, na defensa das liberdades individuais e colectivas, e na consecución da xustiza social.

Este sistema democrático acabou coa derrota na Guerra Civil para dar paso a máis de 40 anos de franquismo, de represión e de retrocesos.

O 14 de abril ten que ser unha data reivindicativa para reclamar o dereito á República e facer unha homenaxe a todos  os alcaldes e concelleiros dos concellos daquel período, así como condenar o golpe de estado franquista contra a II República.

A II República, o primeiro réxime democrático da nosa historia que instaurou  un verdadeiro Estado de Dereito e proclamou a primeira constitución democrática de España. Esta Constitución plasmou o principio de igualdade dos españois ante a lei, ao proclamar España como “unha república de traballadores de toda clase que se organiza en réxime de Liberdade e de Xustiza”, o principio  de soberanía popular, establece o sufraxio universal para homes e mulleres maiores de 23 anos.

En economía a propiedade privada quedou suxeita aos intereses da economía nacional, constituíuse un “Estado integral, compatible coa autonomía dos Municipios e as  Rexións”, o principio de laicidade “o Estado, as rexións, as provincias e os Municipios, non manterán, favorecerán, nin auxiliarán economicamente ás Igrexas, Asociacións e Institucións relixiosas”, ademais recoñeceuse o matrimonio civil e o divorcio así como o ensino primario laico, gratuíto e obrigatoria, e recoñécese a liberdade de cátedra.

A II República promoveu o avance na transformación da nosa sociedade, na defensa das liberdades individuais e colectivas, e na consecución da xustiza social.

Este sistema democrático acabou coa derrota na Guerra Civil para dar paso a máis de 40 anos de franquismo, de represión e de retrocesos.

O 14 de abril ten que ser unha data reivindicativa para reclamar o dereito á República e facer unha homenaxe a todos  os alcaldes e concelleiros dos concellos daquel período, así como condenar o golpe de estado franquista contra a II República.

Algúns din que cando falamos de memoria, xustiza e reparación se reabren feridas, pero, como se vai reabrir o que nunca se pechou?; como se pode perdoar cando nunca se pediu perdón? Teñamos presente que na Alemaña negar o holocausto é delito. Non se debe esquecer sen máis.

Quero recordar una vez mais neste Pleno que por Narón, polo noso concello tamén pasou a besta fascista. As cifras contan unha pequena parte do horror e o terror que se viviu, pero só temos datos estimados, tan só coñecemos a punta do iceberg da barbarie, posto que algúns aínda teiman en perder a Memoria.

Temos documentados un total de 93 asasinados en Narón, unha parte deles mariñeiros que se mantiveron fieis á República, á legalidade, cando o golpe. No Val foron fusilados e enterrados no cemiterio 48 mariñeiros do acorazado “España” e do vapor “Domine”. En San Mateo foron fusilados e enterrados no cemiterio 17 mariñeiros do “Mar Cantábrico”.

Nove veciños de Narón foron fusilados, quince foron paseados e asasinados nas nosas cunetas, un foi apaleado ata a morte, dous morreron en enfrontamento armado, outro morreu en prisión…

Estas 93 persoas foron asasinadas, pero tamén están os represaliados, os que foron depurados, os desterrados, os escapados e exiliados, os presos, os multados…

Como terrible anécdota do terror das hordas Nacional Católicas do Franquismo, destas beatas persoas que loitaban por “Deus” e “España”, esta o feito de que o día 26 de Decembro, supoño que para celebrar o Natal, no Val foron fusilados máis de 20 mariñeiros do citado acorazado “España”.

Dende EU Narón entendemos que os actos de homenaxe as vítimas do fascismo e de conmemoración da II República deben servir tamén para a reivindicación da necesidade da chegada da III República.

Honor e Gloria aos nosos mártires.

Saúde e República. A pola terceira.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
16 de abril de 2018 21:05
_______________

mércores, xaneiro 25, 2017

Presentación do libro 'Amada García e os seus arredores' de Bernardo Máiz Vázquez. Xoves 26 de xaneiro ás 19,30 h. no Ateneo Ferrolán


Xoves día 26 de xaneiro ás 19,30 h. no AteneoFerrolán

Presentación do libro 
"Amada García e os seus arredores" de Bernardo Maiz Vázquez. 

Edicións Embora

Intervirán: Miguel Toval, Xoán Rubia, Amada Toimil e o autor Bernardo Maiz.


"Amada García e os seus arredores" é o último libro do historiador Bernardo Maiz. Amada é o fío condutor deste estudo, figura simbólica dun pobo que viu coutadas as súas esperanzas cando tomaba ao fin o protagonismo histórico. 

Preséntanos o autor unha Amada García histórica, fidedigna, contextualizada, lonxe da ficción, extraendo da documentación escrita, “do rastro que deixou”, só o que acredita como verdadeiro, que non é o máis épico nin o máis tenro nin o máis dramático, aspectos estes case sempre esaxerados e inexactos. A historia real supera á ficción. 

Bernardo Maiz Vázquez (1950), catedrático xubilado, doutor en historia, é recoñecido como pioneiro e como traballador infatigable na investigación do tempo histórico contemporáne da Galiza e no estudo do patrimonio marítimo. Por tal condición no ano 2010 recibiu o Premio Manuel Murguía ao labor e Mérito Historiográfico da Asociación Galega de Historiadores.



domingo, abril 03, 2016

Moción aprobada polo Pleno do Concello de Narón para a conmemoración do 14 de Abril, e a proclamación da II República que saíu aprobada cos votos favorables de BNG, EU NARÓN, PSOE e TEGA


MOCIÓN DE ESQUERDA UNIDA DE NARÓN PARA A CONMEMORACIÓN DO 14 DE ABRIL, E A PROCLAMACIÓN DA II REPÚBLICA.

ESTA MOCIÓN SAÍU APROBADA COS VOTOS FAVORABLES DE EU NARÓN, TEGA, PSOE E BNG.


ELEXIMOS SE ABSTIVO E O PP VOTOU EN CONTRA.

O CONCELLEIRO DE “EU NARÓN” ANDRÉ ABELEDO, NO PLENO DE MARZO DO CONCELLO DE NARÓN DEFENDENDO A MOCIÓN DO 14 DE ABRIL E A REPÚBLICA.

Miguel Hernández, ese gran poeta comunista que rematou a súa luminosa vida no mes de marzo de hai 74 anos nunha cadea fascista, deixounos dito: “Xamais renunciaremos nin ao máis vello dos nosos soños”.

O 14 de abril de 1931-teñamos ben presente que como consecuencia da vitoria nas eleccións municipais das forzas republicanas, cuestión nada banal que adoita esquecerse- proclamouse a II República. Cúmprense, pois, 85 anos do que foi o primeiro réxime democrático da nosa historia, dun sistema que instaurou un verdadeiro Estado de Dereito e proclamou a primeira constitución democrática de España. Esta Constitución plasmou o principio de igualdade dos españois perante a lei, ao definir España como “unha república de traballadores de toda clase que se organiza en réxime de Liberdade e de Xustiza”. O principio de soberanía popular, estableceu o sufraxio universal para homes e mulleres maiores de 23 anos. En economía a propiedade privada quedou suxeita aos intereses da economía nacional. Constituíuse un “Estado integral, compatible coa autonomía dos Municipios e as Rexións”. O principio de laicidade establecía que “o Estado, as rexións, as provincias e os Municipios, non manterán, favorecerán, nin auxiliarán economicamente ás Igrexas, Asociacións e Institucións relixiosas”, recoñecendo, ademais, o matrimonio civil e o divorcio, así como o ensino primario laico, gratuíto e obrigatorio, e con liberdade de cátedra.

A II República promoveu o avance na transformación da nosa sociedade, na defensa das liberdades individuais e colectivas, e na consecución da xustiza social.

Este sistema democrático acabou coa derrota na Guerra Civil para dar paso a máis de 40 anos de franquismo, de represión e de retrocesos.

O 14 de abril ten que ser unha data reivindicativa para reclamar o dereito á República e facer unha homenaxe a todos os alcaldes e concelleiros dos concellos daquel período, así como condenar o golpe de estado franquista contra a II República. Moitos dos que estamos hoxe aquí de vivir en aquel momento histórico houbésemos sido paseados.

Quen esquece a súa historia esta condenado a repetila”, dixo hai séculos Marco Tulio Cicerón, gran verdade histórica que precisamos ter na memoria.

Porque a mal chamada Guerra Civil non foi unha guerra ad usum, senón a resposta a un golpe de estado perpetrado por militares traidores perpetrado ao ditado da oligarquía que temía perder os seus privilexios; un golpe de estado contra un goberno lexitimo xurdido das urnas; un golpe de estado covarde que provocou unha guerra brutal, onde os golpistas do chamado bando Nacional contaron con a inestimable axuda dos gobernos fascista Benito Mussolini e nazi de Adolf Hitler, que puxeron tropas e armamento de todo tipo ao servizo dunha causa que acabaría masacrando unha boa parte do pobo español, nun verdadeiro xenocidio ideolóxico que acabaría enchendo de cadáveres, moitos deles aínda sen identificar, todo o territorio español. Mais, convén lembrar aquel pe dun dos debuxos de guerra de Castelao: “Non enterran cadáveres, enterran semente”.

Algúns din que cando falamos de memoria, xustiza e reparación se reabren feridas, pero, como se vai reabrir o que nunca se pechou?; como se pode perdoar cando nunca se pediu perdón? Teñamos presente que na Alemaña negar o holocausto é delito. Non se debe esquecer sen máis.

Por Narón, polo noso concello tamén pasou a besta fascista. As cifras contan unha pequena parte do horror e o terror que se viviu, pero só temos datos estimados, tan só coñecemos a punta do iceberg da barbarie, posto que algúns aínda teiman en perder a Memoria.

Temos documentados un total de 93 asasinados en Narón, unha parte deles mariñeiros que se mantiveron fieis á República, á legalidade, cando o golpe. No Val foron fusilados e enterrados no cemiterio 48 mariñeiros do acorazado "España” e do vapor "Domine”. En San Mateo foron fusilados e enterrados no cemiterio 17 mariñeiros do “Mar Cantábrico”.

Nove veciños de Narón foron fusilados, quince foron paseados e asasinados nas nosas cunetas, un foi apaleado ata a morte, dous morreron en enfrontamento armado, outro morreu en prisión...

Estas 93 persoas foron asasinadas, pero tamén están os represaliados, os que foron depurados, os desterrados, os escapados e exiliados, os presos, os multados...

Como terrible anécdota do terror das hordas Nacional Católicas do Franquismo, destas beatas persoas que loitaban por “Deus” e “España”, esta o feito de que o día 26 de Decembro, supoño que para celebrar o Natal, no Val foron fusilados máis de 20 mariñeiros do citado acorazado "España”.

O próximo día 13 de Abril Memoria Histórica acompañada por todas e todos os que queremos ter Memoria fará no cemiterio do Val e no de San Mateo unha ofrenda floral en homenaxe a todas e todos os represaliad@s.

Honor e Gloria aos nosos mártires.

Saúde e República. A pola terceira.

https://youtu.be/ec9XsLY8XEE vía @YouTube


Grupo Municipal de Esquerda Unida de Narón


Contas de Esquerda Unida Narón no facebook e no twitter.

Achegate xunta Nós, fagamos un novo Concello mais social, mais democrático, participativo e de Tod@s.



Enviado por:
André Abeledo Fernández
-andre1474@gmail.com-
1 de abril de 2016 16:57

____________

sábado, xuño 21, 2014

Convocatoria unitaria a todas as forzas políticas, sociais e sindicais da nosa comarca para chegar a un acordo de mínimos que posibilite unha dinámica unitaria "Pola República e o Dereito a Decidir" - Para o vindeiro día 27 de xuño ás 19:30 horas nos locais do Ateneo Ferrolán


O pasado venres 20 de xuño de 2014, tivo lugar unha xuntanza no Ateneo Ferrolán, reunidos en réxime de autoconvocatoria as organizacións políticas: ANOVA - IRMANDADE NACIONALISTA, COMPROMISO POR GALICIA (CXG), ESPAZO ECOSOCIALISTA GALEGO, ESQUERDA UNIDA (EU) e NÓS - UNIDADE POPULAR.

Que despois de deliberar acordaron facer un chamamento a todas as forzas políticas, sociais e sindicais da nosa comarca para chegar a un acordo de mínimos que posibilite unha dinámica unitaria "Pola  República e o Dereito a Decidir".

Polo que decidiron convocar unha nova reunión para o vindeiro venres día 27 de xuño ás 19:30 horas nos locais do Ateneo Ferrolán (Rúa Madalena 202-204).

Información baseada na enviada por:
Anova Ferrol
-ferrolanova@gmail.com-
20 de junho de 2014 21:18

_________

xoves, xuño 19, 2014

Hoxe, 19 de Xuño, están convocadas, en réxime de autoconvocatoria, dúas concentracións contra a monarquía borbónica: unha pola República Galega e outra polo dereito a decidir Referendum xa!



Hoxe están convocadas dúas concentracións contra a monarquía borbónica en réxime de autoconvocatoria, polo fin da monarquía e a apertura dun proceso democrático onde a cidadanía e os pobos do Estado poidan decidir o seu futuro.

En toda Galiza e no resto do estado multiplican-se as protestas e actos polo dereito a decidir e de reafirmación republicana.


Unha das concentracións realizara-se, ás 8 da tarde, na Praza do Himno Galego,  apoiada polas organizacións maioritarias do nacionalismo galego, contra a monarquía española e a prol da República Galega.

A outra das mobilizacións, tamén en réxime de autoconvocatoria, está convocada ás 8 da tarde na Praza do Concello de Ferrol, diante do Pazo Municipal, polo dereito a decidir Referendum Xa!

___________