Amosando publicacións coa etiqueta Taxas. Amosar todas as publicacións
Amosando publicacións coa etiqueta Taxas. Amosar todas as publicacións

mércores, novembro 08, 2017

Socamex, a socia privada de Emafesa (49%), mais a súa única responsábel da xestión (100% privada), ameaza con solicitar a disolución da empresa nos xulgados - O Alcalde Jorge Suárez resposta convocando un Pleno extraordinario para recuperar a Taxa do Partido Popular, para este venres, 10 de novembro de 2017, pola mañá, ás 9:30hs

Concentración ante Emafesa, 2 de marzo de 2017

Socamex, a socia privada da mixta Emafesa (49%), mais a súa única responsábel da xestión (100% privada), en escrito con rexistro de entrada do 3 de novembro, ameaza ao Concello coa tramitación xudicial de disolución da Empresa Mixta de Augas de Ferrol, S.A., para o que ten de prazo até o 21 deste mesmo mes de novembro. Ademais pregunta-se como aínda non se deu curso ao padrón municipal que posibilitaría o cobro dos recibos anteriores á suspensión que ascende a 1,91 milhóns de euros (Moita antención). Achegamos o citado escrito de Socame.

O Alcalde, Jorge Suárez, convoca o Pleno extraordinario da Taxa de Depuración, para a mañá deste venres día 10 de novembro de 2017, ás 9:30hs. Cun único punto do na orde do día, recuperar a Taxa do Partido Popular: "Proposta de declarar finalizada a suspensión da aplicación da Ordenanza Fiscal reguladora da taxa pola depuración de augas residuais, publicada no BOE de data 3 de setembro de 2014". Este punto xa fora abordado na Comisión de Economía, Facenda, Emprego e Recursos Humanos que tivo lugar o pasado día 6 de outubro, nunha moi interesante reunión, onde tomaron posicións os grupos municipais e non adscritas, deixando para o pleno as súas, Ciudadanos, mentres o Partido popular non se pronunciou [Acta da Comisión]. Mais o Partido Popular a través da súa portavoz e integrante da Comisión solicita, para pronunciar-se a moi significativa documentación que a continuación relacionamos:
  • Información sobre a situación económica e patrimonial de EMAFESA.
  • Actas do Consello de Administración e Xunta de Accionistas de EMAFESA.
  • Certificado de todos os expedientes que derivan do acordo de suspensión.
  • Compromiso co saneamento da Zona Rural.
  • Convenio entre Concello de Ferrol, Narón e Comunidade Autónoma e compromiso do Concello de Narón sobre o pago da cantidade que lle corresponda.
  • Escrito presentado por EMAFESA recollendo as súas alegacións sobre a auditoría que se lle realizou.
  • Situación do servizo de depuración antes do 3 de abril deste ano.
A Plataforma na Defensa dos Servizos Públicos, pola Remunicipalización, xa se ten manifestado contraria a esta viraxe do Goberno Municipal na súa política co respecto do servizo da auga e máis en concreto do sistema de saneamento e depuración, abandonando o seu programa, as súas propostas electorais e o programa de goberno polo que foi investido Alcalde, así como os acordos plenarios e de goberno dos meses de xullo, agosto e setembro de 2015, en todo o referente á auga, abastecemento, saneamento e depuración.

Reiteramos as nosas demandas e reivindicacións ante os continuos incumprimentos por parte da empresa mixta EMAFESA, e ante as irregularidades no corpo contractual:
1º Cumprir xa a súa obriga e compromiso de facer unha auditoría real sobre a xestión e a situación económica financeira de EMAFESA.

2º Denunciar o Convenio con Augas de Galicia e entregar a xestión do sistema de saneamento e depuración a quen é o seu único responsábel -a Xunta de Galicia, até que se cre un sistema supramunicipal de xestión, como así posibilita a primeira encomenda entre a Confederación Hidrográfica Miño-Sil e Augas de Galicia.

Devolver a taxa indebidamente cobrada á veciñanza e comezar cun proceso transparente e participado.

Iniciar o proceso de recuperación da xestión do servizo, cumprindo cos acordos do pleno municipal de xullo de 2015.

Ferrol, a 7 de novembro, de 2017.

Documentación:

Escrito de Socamex dirixido ao Concello de Ferrol, con data de rexistro  de entrada do 3 de novembro de 2017. | Acceder/Baixar.

Convocatoria de Pleno Extraordinario. para o 10 de novembro de 2017. | Acceder/Baixar.

Acta da Comisión de Economía, Facenda... celebrada o 6 de outubro de 2017 | Acceder/Baixar.



PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!
  • Alexandre Carrodeguas | 690612737
  • Fernando Ramos | 622932443
  • Pablo Portero | 659855805
  • Bernardo Rego | 603772650
  • Lupe Ces | 652201003
remunicipalizacion.plataforma@gmail.com

https://plataformaferrol.blogspot.com.es
---

mércores, xuño 22, 2016

O Xulgado da-lle a razón ao Concello de Ferrol, ante un recurso de Socamex/Urbaser, a parte privada de EMAFESA, dando por bo o acordo plenario de suspensión da taxa de depuración, suspensión á que só se opuxera o Partido Popular


O Xulgado do Contencioso-Administrativo nº1 de Ferrol, da-lle a razón ao Concello de Ferrol, ante un recurso de Socamex/Urbaser -a parte privada de EMAFESA, dando por bo o acordo plenario, do
18 de setembro do 2015, de suspensión da taxa de depuración, suspensión á que só se opuxera o Partido Popular.

A XUSTIZA DÁLLE A RAZÓN AO CONCELLO NO LITIXIO CONTRA URBASER POLA SUSPENSIÓN DA TAXA DE SANEAMENTO


O pleno suspendeu en setembro o cobro dunha taxa que se lles facturaba aos veciños pero que non se destinaba a sanear a ría porque a instalación segue incompleta O auto ditamina que debe prevalecer "o interese dos cidadáns en non aboar unha taxa por un servizo que está a ser cuestionado" e desbota os prexuízos económicos que aduce o grupo ACS.

A Xustiza ven de darlle a razón ao Concello de Ferrol no litixio que mantén contra Socamex/Urbaser, a división de augas do grupo empresarial de Florentino Pérez e que é o socio privado de Emafesa -a empresa mixta de augas da cidade- pola suspensión do cobro da taxa polo saneamento da ría.

Un tributo que se lles cargaba aos veciñ@s/usuari@s na factura por un feito impoñible -a depuración integral- que non se estaba a producir xa que a Estación de Augas Residuais (EDAR) de Cabo Prioriño está aínda incompleta e pendente de reparacións.

Un acordo plenario aprobado o 18 de setembro do 2015 cos votos favorables da equipa de Goberno e o respaldo dos grupos municipais de BNG e Ciudadanos, suspendeu a aplicación da ordenanza fiscal na que se sustentaba o cobro deste tributo por unha depuración das augas negras que non era real.

A firma privada recorreu este acordo plenario cun recurso de reposición no Rexistro do Concello que foi desestimado na Comisión Extraordinaria de Economía e Facenda celebrada o 23 de novembro.

Agora, o xulgado do contencioso-administrativo número 1 de Ferrol ven de ditar un auto de sete páxinas -datado o 14 de xuño- no que tamén desestima o recurso interposto por Socamex na vía xudicial e dálle a razón ao Concello de Ferrol, que deixou sen efecto o cobro dunha taxa por unha depuración inexistente.

A xuíz, no seu ditame, estima que “non se acreditan os prexuízos económicos irreversibles” aos que aduce Urbaser e que debe prevalecer "o interese dos cidadáns para non aboar unha taxa por un servizo cuxa prestación está a ser cuestionada".

Ferrol, a 22 de Xuño de 2016.-

Fonte: Concello de Ferrol. | Ir a Web.

Foto: Visita ao Edar, de cando J.M. Rrey Varela era Acalde de Ferrol e presumía que o EDAR xa depurará máis dun millón e medio de litros de augas residuais, cando non era certo, non depurara nada de nada. Non lle importou mentir ao pobo de Ferrol e cobrar-lle unha inxusta taxa por depuración. Todo unha grande mentira en complicidade EMAFESA e a súa parte privada Socamex/Urbaser.

Enlace relacionado.-

Ártabra 21: Diferentes organizacións sociais, políticas, veciñais e sindicais de Ferrol, convocan unha mobilización unitaria contra a abusiva nova Taxa de Depuración e Saneamento. |  15.02.2015.

Enviado por:
André M. Ces
-andre.martinez.ces@gmail.com-
22 de junho de 2016 16:02
______________ ---

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN

Abonda de saqueo! Hai outras alternativas! Si se pode!
Pódese, débese e precísase!

Coordinadora Promotora da Plataforma

    Alexandre Carrodeguas.
    Fernando Ramos Armesto.
    Pablo Portero.
    Bernardo Rego Gárate.
    Lupe Ces.

correo-e:
remunicipalizacion.plataforma@gmail.com

Blogue:
https://plataformaferrol.blogspot.com.es/
____________________

mércores, marzo 21, 2007

Diario de Ferrol: Vistos para sentenza 14 recursos contra a taxa do saneamiento rural en Narón

Polo interese da noticia transcribimos a mesma neste Blog, co ánimo de informar deste conflicto social en Narón, que co rogo de publicación e divulgación, hai uns días que a Agrupación de Asociacións Veciñais da Zona Rural do Concello Narón informounos do mesmo e da convocatoria dunha manifetación para o vindeiro domingo 25 de marzo, teñen convocado, con saída ás 12 domediodía desde o Asilo de Piñeiros, para posteriormente dirixirse até a Praza de Galiza, diante da casa do Concello de Narón.

Diario de Ferrol

Ferrol | Mércores, 21 de Marzo de 2007


Vistos para sentenza 14 recursos contra a taxa do saneamiento rural en Narón

A titular do Xulgado do Contencioso Administrativo de Ferrol deixou vistas para sentenza onte as 14 primeiras reclamaciones presentadas por veciños da zona rural contra a taxa de saneamiento cobrada polo Concello de Narón. Na actualidade hai tramitadas outras 80 e espéranse máis.

CARMELA LÓPEZ > FERROL

O desenvolvemento das vistas no Xulgado foi seguido de preto por ao redor dun centenar de veciños do rural naronés, que portaban pegatinas nas que podía lerse "Estamos aquí porque queremos xustiza. Saneamento se, negocios non", xunto con outras nas que se recollían as diferenzas existentes coas taxas doutros concellos polo mesmo cometido. En concreto, sinálanse os prezos da conexión do saneamiento en Neda -40 euros-, Cabanas -90,15-, zona rural de Ferrol -350 euros-, Ares -87,46 euros- e Narón -850 euros-.

Segundo a información facilitada polo secretario da AVV de Castro, Arturo Llago, o problema iniciouse cando o Concello acordou dotar de saneamiento as parroquias rurales e aprobou as taxas polas conexións. En resposta, en agosto de 2005 presentáronse ao redor de 1.300 alegaciones, que foron desestimadas na súa totalidade, polo que as asociacións de veciños, o 28 de decembro do mesmo ano, interpuxeron un recurso contencioso administrativo ante o Tribunal Superior de Xustiza, que aínda está sen resolver.

En agosto do ano pasado, o Concello comezou a remitir aos beneficiarios as notificaciones polas conexións ao auga e ao alcantarillado, por un importe conxunto de 1.100 euros.

Para as persoas de escasos recursos, Servizos Sociais ten establecido un baremo de exención das taxas. Tamén existe a posibilidade de facer os pagos en varios prazos.

A raíz desas primeiras comunicacións, os veciños comezaron a presentar reclamaciones pola vía contencioso administrativa e onte víronse as primeiras 14, quedando pendentes outras 80, que os veciños din que van ser moitas máis, dado que o Concello continúa efectuando notificaciones.

As parroquias afectadas pola primeira fase do saneamiento rural que está acometiendo a empresa mixta Cosma afecta ás parroquias Castro, Ou Val e San Xiao, o que representa ao redor de 750 vivendas.

Nos recursos que se están vendo solicítase a nulidad da liquidación recorrida por vulneración dunha serie de artigos do texto refundido da Lei reguladora das Facendas Locais, infracción do artigo 34 do Reglamento de Servizos das Corporacións Locais e por desviación de poder e infracción da Lei Xeral Tributaria.

Os veciños teñen convocada unha movilización cidadá para o próximo día 25, que conta co apoio do BNG.
__________
Noticia orixinal no Diario de Ferrol