Nin quedos nin calados, o 27 de outubro todos á rúa - Pintan bastos para a Sanidade Pública en Galicia, ... Por Xosé Miguel López Pérez

Por Xosé Miguel López Pérez

24.10.2011

Coa chegada ó goberno da Xunta do Sr. Feijoo e a Sra. Farjas, comezan os ataques furibundos en contra da Sanidade Pública, repetindo como nunha letanía que é insostible e que coa crise fai falla facer importantes recortes nas prestacións, nos servizos e tamén no persoal do Sergas.

Dito e feito:

Paralizan o Plano de Mellora na Atención Primaria que, ademais de reducir as listas de espera ó ter unha atención primaria máis resolutiva e máis coordinada cos hospitais, ía crear centos de postos de traballo, moitos deles na Área Sanitaria de Ferrol.

Paralizan o Plan Galego de Saúde Mental e aproban un decreto de transporte sanitario que deixa as portas abertas para que os doentes que acoden a recibir tratamentos de diálise, rehabilitación, quimioterapia, etc, teñan que pagar ese transporte. Nese decreto desaparece a obriga do Sergas de facerse cargo do mesmo

Suspenden o Acordo Retributivo, que melloraba os salarios do persoal do Sergas e que fora asinado por un Goberno e os representantes do persoal. Un feito gravísimo.

Agora xa anuncian que van endurecer as condicións de asistencia sanitaria pública ós inmigrantes.

Por vez primeira, desde que a Sanidade está transferida a Galicia diminúen os ornamentos destinados á Sanidade, tanto no 2011 como nos anunciados do 2012 (Nestes aumenta a partida para os Hospitais Concertados).

Se privatiza a construción e a xestión do novo Hospital de Vigo, reducindo o número de camas e os servizos cos que ía contar no anterior proxecto, e triplicando o seu custo de 500 millóns de euros para a 1500 millóns.

Este mesmo sistema se pretende aplicar no novo Hospital de Pontevedra e a moitos novos centros de saúde. Privatizar a construción e a xestión encarecendo o custo.

En Ferrol suspenderon o investimento de 63 millóns de euros que estaban comprometidos para a mellora do Hospital Naval en tres anos, Deixan a Área Sanitaria fora do Plan de Alta Tecnoloxía e dos novos centros de saúde que se ían construír en Ares, A Capela, Cedeira e Narón, non temos noticias.

Por cada 9 euros que se dedican á Sanidade Pública na Unión Europea en Galicia se dedican 6 euros e, aínda así, temos unha Sanidade Pública equiparable á de calquera país da UE. Por suposto que se debe mellorar a xestión, a mala xestión do Sr. Feijoo e a Sra Farjas, pero o sistema é sostible.

Quen acaba de despilfarrar millóns de euros en socorrer ós bancos e ás Caixas para que os seus directivos cobren millóns de euros de indemnizacións, dinnos que a Sanidade Pública é insostible? É ofensivo que se nos diga iso.

Fronte a esta situación non podemos ficar nin quedos nin calados e temos que saír á rúa como fará a cidadanía de toda Galicia o xoves 27 de outubro en defensa da Sanidade Pública, contra a privatización e o copagamento. En Ferrol será na Praza de Armas.

Se non nos mobilizamos agora , despois será tarde e sucederá o mesmo que en Madrid, Valencia e Cataluña, con peches de centros sanitarios e despedimentos de persoal.

[*] Xosé Miguel López Pérez, portavoz da Plataforma pola Defensa da Sanidade Pública de Ferrol.

Enlaces relacionados:

SOS Sanidade Pública.
http://www.sos-sanidadepublica.org/

Plataforma pola Defensa da Sanidade Pública de Ferrol.
http://plataformadspferrol.blogspot.com/


Enlace de referencia:

Outro interesante escrito de Miguel López, publicado en Xullo deste ano.
Repago sanitario, ... Por Xosé Miguel López Pérez
__________________

Repago sanitario, ... Por Xosé Miguel López Pérez

Por Xosé Miguel López Pérez [*]

16.07.2011

Coa cegada do Partido Popular á Xunta de Galicia, comeza unha campaña para implantar en

Galicia, desta vez coa escusa da crise económica, modelos privatizadores da Sanidade Pública que este partido político xa viña aplicando, con resultados desastrosos tanto no económico como na prestación da asistencia sanitaria, en Valencia e, sobre todo, en Madrid, modelos que xorden na época de Margareth Thacher no Reino Unido e que levaron a sanidade nese Estado a unha situación que o actual mandatario o Sr. Cameron, do mesmo partido conservador, quere reverter por mor do seu estrepitoso fracaso.

Agora o Sr. Feijoo e algúns economistas centran a súa cruzada no establecemento do repago sanitario por que o sistema, segundo o Sr. Feijoo é insostible e favorecer así ás aseguradoras privadas.

Sabe moi ben o Presidente da Xunta de Galicia e a Conselleira de Sanidade que a Sanidade Pública xa se paga a través dos impostos que cada un de nós aporta á Facenda Pública. Tamén sabe que hai copago nas receitas de farmacia onde se paga o 40 % do seu valor de referencia, ben é certo que os pensionistas, neste concepto, non pagan nada, con independencia da contía da súa pensión, e este tema si que pode ser obxecto dun debate sereno.

Pero ademais o Sr. Feijoo da por feito que o sistema insostible e ademais fai culpables ós usuarios polo mal uso, que segundo el, fan do sistema sanitario publico de que sexa insostible.

Non di nada de que a culpa sexa por como o seu Goberno xestiona a Sanidade Pública, de como ceden ás esixencias e presións continuas da industria farmacéutica, dos escandalosos beneficios que obteñen as Mutuas de Accidentes de Traballo, que cada vez teñen máis poder na xestión das baixas, , a conta de cargar o custo á Sanidade Pública de enfermidades profesionais, que presentan como enfermidades comúns. No ano 2010 tiveron uns beneficios de 5.000 millóns de euros. E sobre todo o que non di é o escaso orzamento que se dedica á Sanidade Pública, no Estado Español é onde menos diñeiro se dedica dos países da UE e Galicia estamos nos furgóns de cola.

Cumpre sinalar que nos orzamentos da Xunta de Galicia do ano 2011 os orzamentos da Consellería de Sanidade e do Servizo Galego de Saúde, por vez primeira desde que a sanidade está transferida, diminuíron considerablemente.

Sr Feijoo a súa mala xestión e os escasos recursos que a Xunta de Galicia lle dedica á Sanidade Pública é a que pode facer insostible un sistema que é perfectamente sostible, para quen cree nela que non é o seu caso, unha Sanidade Pública que é un dos máximos xeradores de emprego en Galicia.

Noutra ocasión falarei do compromiso, ou mellor dito da falla de compromiso que ten Vostede e a Conselleira de Sanidade, Dona Pilar Farjas, coa Área Sanitaria de Ferrol.

Ferrol a 15 de xullo de 2011.
Asdo./ Xosé Miguel López Pérez, portavoz da Plataforma pola Defensa da Sanidade Pública de Ferrol.

[*]  Xosé Miguel López Pérez, presidente da Asociación Veciñal de Esteiro, portavoz da Plataforma pola Defensa da Sanidade Pública de Ferrol.




__________________