Ante o anuncio da entrada na Ría de Ferrol dun novo buque cargado con GNL, está convocada unha acción de protesta este Luns 26 de Xaneiro de 2009

NOTA ACLARATORIA POSTERIOR Á PUBLICACIÓN DESTE POST: Queremos pedir desculpas por unha imprecisión na información causado por un erro das fontes da mesma. Pois hoxe [27.01.2009], como así se agardaba, sobre as 10:00 hrs entrou o "LNG Larbi Ben M'Hidi" na Ría de Ferrol, despois de estar case dous días para poder entrar, mais non viña cargado con GNL-LNG para REGANOSA, senón que viña a Navantia, onde se encontra atracado no peirao 14 do esteleiro, para reparar un tramo de cadea e outros traballos na cuberta do buque. Se un gaseiro sen carga ten tantas dificultades para entrar na Ría ante determinadas condicións meteorolóxicas, como poden as autoridades portuarias permitir o tráfico dentro da Ría, de gaseiros cargados con máis de 120.000 de metros cúbicos de gas natural licuado, que o fan sen autonomía, e poñendo en perigo a vida de miles de persoas?


Este Luns, 26 de Xaneiro de 2009, está prevista a entrada dun novo buque cargado con GNL-LNG para a ilegal e perigosa REGANOSA, este faría o número 40 desde que conmezaron a entrar en Maio de 2007. O buque que ten prevista a súa entrada é o "LNG Larbi Ben M'Hidi", un vello buque arxerino de máis de 32 anos de antigüedade [1977]. Diante da anunciada entrada deste buque con miles de mᶟ de gas natural liquado, na nosa Ría, como é habitual, o Comité Cidadán de Emerxencia para a Ría de Ferrol, convocou unha acción de protesta, unha concentración diante do Edificio Administrativo da Xunta de Galicia, en Ferrol, na Praza Amada García, o mesmo Luns 26, ás 7 da Tarde.

A RÍA É NOSA E NON DE REGANOSA !!
PLANTA DE GAS FORA DA RÍA !!

Características do buque:
Eslora.- 281.7 m -
Manga.- 41.6 m
Calado.- 10.8 m
Capacidade.- 129.767 m3
Posicón do buque gaseiro "LNG Larbi Ben M'Hidi"
--
Comité Cidadán de Emerxencia para a Ría de Ferrol
comitecidadan@gmail.com
http://comitecidadan.org/
_________________