Demandan a incorporación do colexio público Juan de Lángara á rede pública de ensino

De: eu-ferrolterra@esquerdaunida.org
Para: artabra21@gmail.com
Data: 3 de Maio de 2007 12:45
Asunto: Demandan a incorporación do colexio público Juan de Lángara á rede pública de ensino

ESQUERDA UNIDA demanda a incorporación do colexio público Juan de Lángara á rede pública de ensino

Esquerda Unida-IU quere manifestar o seu apoio á demanda da ANPA de que se incorpore o colexio público Juan de Lángara á rede pública da consellería de ensino.

Hai ano e medio o Pleno do Concello de Ferrol acordou por unanimidade instar ao Ministerio de Educación, ao Ministerio de Defensa e a Xunta de Galicia a que se inicien as oportunas negociacións para que se transfira o Colexio Juan de Lángara á Consellería de educación da Xunta de Galicia.

ESQUERDA UNIDA-IU quere lembrar que os acordos plenarios están para cumplirse, non para ocupar os titulares de prensa e logo deixalos decaer. A nosa organización fai súa a pregunta de cales foron os pasos dados até agora polo Concello para instar as administracións concernidas aque leven adiante o acordo.

ESQUERDA UNIDA-IU reclama da consellería que de os pasos necesarios para conquerir a incorporación do colexio á rede pública. Nun tempo onde é necesario afortalar a rede pública, que está a ser postergada en beneficio da privada concertada, ESQUERDA UNIDA-IU considera inaceptable que non se actúe con dilixencia para incorporar este colexio á rede da consellería.

O obstáculo dos arranxos que haxa que facer nel non pode ser o atranco que impida o traspaso á consellería. Nós temos coñecemento atraverso da propia ANPA de cómo se está adesviar alumnado a outros centros, alleos áa rede pública, pola situación de indefinición na que ven esmorecendo o centro, entre o desinterese estatal e a deixación da Xunta.