NÓS-Unidade Popular apoia abertamente a luita sindical da CIG frente ao escravismo e as pressons patronais de Eshor

De: Nosup-trasancos
-nosup-trasancos@nosgaliza.org-
Para: artabra21@gmail.com
Data: 16 de maio de 2008 14:35
Asunto: NÓS-Unidade Popular apoia abertamente a luita sindical da CIG frente ao escravismo e as pressons patronais de Eshor


NÓS-Unidade Popular apoia abertamente a luita sindical da CIG frente ao escravismo e as pressons patronais de Eshor

Nos últimos dias, a empresa da construçom Eshor, radicada em Fene, está a protagonizar umha intensa campanha para tentar calar as denúncias realizadas pola CIG contra a política laboral que essa empresa segue com os trabalhadores imigrantes.

A CIG denunciou publicamente a extorsom que sofrem os trabalhadores mais precarizados, os imigrantes, na citada empresa que, além de impor jornadas de trabalho draconianas, os obriga a renunciar ao posto de trabalho quando tenhem que recorrer a umha baixa por acidente laboral.

A reacçom da empresa foi confirmar as suas práticas mafiosas, utilizando contingentes de operários precários para promover concentraçons contra a CIG em frente à sede da central em Ferrol. Mandados por técnicos e chefes intermédios, imigrantes de diferentes nacionalidades reconhecêrom ter sido coaccionados para se manifestarem contra o único sindicato que os defende, sob ameaça de perderem o direito a ficar no nosso país.

NÓS-Unidade Popular quer fazer público nom só o apoio aos companheiros e companheiras da CIG que estám a dar esta justa luita, mas também pedir ao nosso povo trabalhador umha reflexom sobre o que está em jogo.

Estamos perante umha campanha patronal de ataques contra quem ousa alçar a voz contra a hiper-exploraçom a que os trabalhadores som submetidos, com jornadas laborais de 12 horas os sete dias da semana, e ainda condenados a perder o emprego se sofrem um acidente laboral.

Assistimos às pressons dessa empresa, Eshor, aos meios de comunicaçom que dérom a versom da central sindical, e à utilizaçom dos próprios trabalhadores como força de choque forçada a se manifestar contra quem os defende.

Estamos, em definitivo, diante de umha mostra clara do regime de liberdades condicionadas à posiçom social e económica, que favorece a exploraçom descarada dos sectores mais desfavorecidos e trata de impedir que se denunciem os abusos permanentes que sustentam o lucro da classe dominante.

A luita contra os exploradores de Eshor representa, por isso, umha mostra da dignidade de classe frente ao sindicalismo pactista e vendido que tanto abunda no sistema capitalista e monárquico imposto à naçom e à nossa classe.

Assembleia Comarcal de NÓS-Unidade Popular

Ferrol, 16 de Maio de 2008
_______