NÓS-Unidade Popular reclama a retirada definitiva da urbanizaçom num espaço protegido de Valdovinho

De: nosup-trasancos@nosgaliza.org -nosup-trasancos@nosgaliza.org
Para: artabra21@gmail.com
Data: 17 de setembro de 2008 09:54
Asunto: NÓS-Unidade Popular reclama a retirada definitiva da urbanizaçom num espaço protegido de Valdovinho


NÓS-Unidade Popular reclama a retirada definitiva da urbanizaçom num espaço protegido de Valdovinho

NÓS-Unidade Popular quer aderir às vozes que, de diferentes entidades ambientalistas, políticas e sociais da comarca de Trasancos, venhem denunciando o negócio urbanístico previsto polos governantes municipais de Terra Galega e a empresa ‘Construcciones Gallegas, SA”, que inclui a construçom de 69 chalés num terreio inserido no LIC Costa Ártabria, da Rede Natura 2000.

Além disso, a agressom ambiental afectaria a umha zona húmida rica em aves e ao castro da Frouxeira, estando por isso catalogada a zona como “especialmente protegida” polo seu interesse patrimonial. Todo isto dá ideia do disparatado projecto, cuja única explicaçom é o enriquecimento de umha empresa e as comissons e/ou financiamento irregular que, mais do que provavelmente, essa obra irá supor para os regionalistas de Terra Galega.

A obra incumpre flagrantemente a actual legislaçom autonómica de dostas, e supom umha fraude afirmar que pode levar-se a cabo por ter umha licença de 2003, anterior à aprovaçom da lei actual.

NÓS-Unidade Popular exige umha intervençom da Junta da Galiza para evitar que se consume mais umha agressom à costa galega, a investigaçom das actividades da empresa e dos políticos que a protagonizam, e umha actuaçom legal e administrativa contundente, que sirva de medida exemplarizante a outros especuladores e promotores da corrupçom urbanística na Galiza.

Assembleia Comarcal de NÓS-Unidade Popular em Trasancos

17 de Setembro de 2008
__________________