A Área de Normalización Lingüística da Universidade de Vigo pon en marcha o concurso da campaña "Dálle uso... á lingua", cuxo praza para presentar mensaxes rematará o luns 6 de abril de 2009.
O concurso “Dálle uso … á lingua” consiste en responder por correo electrónico á chamada do anuncio “Busco amante galego falante” para aprender a nosa lingua, que se distribuíu nos tres campus da Universidade de Vigo e que tivo moito eco nos medios de comunicación.
No concurso poderá participar calquera membro da comunidade universitaria da Universidade de Vigo (PDI, alumnado e PAS). As mensaxes serán de texto, audio ou vídeo, e as persoas que desexen participar no concurso “Dálle uso... á lingua” deberano facer a través do sitio web www.dalleuso.com onde despois de rexistrarse como usuario/a enviará a súa proposta para a posterior valoración.
Cada participante poderá enviar unicamente unha mensaxe a través do formulario que aparece no sitio web dalleuso.com despois de cubrir todos os campos obrigatorios.
Pode consultar as bases completas nesta ligazón.
Fonte: CTNL
16-03-2009
__________________
venres, marzo 20, 2009
Campaña da Universidade de Vigo "Dá-lle uso ... á Lingua"
Subscribirse a:
Publicar comentarios (Atom)
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon