A Editorial Icaria envia información das súas últimas publicacións sobre a Crise: libros de Ignacio Ramonet e Arcadi Oliveres

CONEXIONES ICARIA: ESPECIAL CRISIS

Presentamos a continuación dous libros esclarecedores duns dos intelectuais independentes máis importantes do noso país e do mundo; Arcadi Oliveres e Ignacio Ramonet. Neles exponse con clarividencia as razóns que levaron ao mundo a unha situación económica gravísima de impredicibles consecuencias. Así mesmo, proponse un cambio radical de paradigma, con solucións que os poderes do mundo sempre menosprezaron pero que tarde ou cedo terán que asumir se non queren seguir afundindo á humanidade no pozo que cavaron durante os últimos anos.


A CRISE DO SÉCULO. [máis información]

O fin dunha era do capitalismo financeiro.

Ignacio Ramonet

O mundo vai camiño de sufrir o seu peor pesadelo desde 1929. Avecíñanse tempos sombríos. O furacán da especulación financeira levouse por diante unha cuarta parte da riqueza mundial virtual e todo indica que imos cara a unha Gran Depresión.

O dogma do mercado infalible hase autodestruido: peche de fábricas, desemprego, aumento da pobreza, protestas sociais e perigos de brotes de xenofobia. Esta crise representa un momento histórico. Debilítase a hexemonía económica de estados Unidos: o centro de gravidade do mundo desprázase de Occidente a Oriente. Por esta razón, é necesario refundar un novo sistema económico máis xusto e máis democrático. Crear estruturas globais que antepoñan primeiro as necesidades dos cidadáns, que respecten e promovan os dereitos humanos, a xustiza social e o equilibrio ambiental.

Ignacio Ramonet é un destacado intelectual , analista político e xornalista, especialista dos medios de comunicación e autor de numerosos libros.


¡EN QUE MUNDO VIVIMOS! [máis información]

Infórmache, pensa e actúa

Arcadi Oliveres

Que sabemos deste mundo? Pouca cousa; díllenos que estamos na sociedade da información, pero sabemos que é enganosa, parcial, tendenciosa...

O pouco que sabemos demóstranos que vai bastante mal...: corenta millóns de infectados polo virus de sida; setecentos millóns de persoas que ingresan un dólar ao día, mil millóns, dous dólares ao día, e mil millóns máis que non ingresan nada porque son nenos; cada día morren de fame corenta mil nenos e trinta mil adultos...

Por que vai tan mal, cales son as razóns da inxustiza? Unha parte importante da situación do Terceiro Mundo débese ao conxunto de relacións económicas inxustas que mantemos os países do Norte cos países do Sur e que tamén repercute internamente nos asalariados dos países ricos.

Que podemos facer para que mellore? Informarnos, pensar e actuar, pública e privadamente, é dicir, presionar aos que teñen o poder, implicarnos, comprometernos.

Arcadi Oliveres é Profesor de Economía Mundial na Facultade de Ciencias Políticas da Universidade Autónoma de Barcelona.





www.icariaeditorial.com
premsa@icariaeditorial.com
Telefono: 93 301 17 23

Enviado por:
Anna Monjo
-amonjo@icariaeditorial.com
7 de maio de 2009 17:36
_____________