A Participación Cidadá en Ferrol presenta o seu Regulamento nun acto festivo

Este Sábado 23 de Xaneiro de 2010, pola tarde, celebrara-se un Acto Viciñal-Institucional para presentar o recentemente aprobado Regulamento de Participación Cidadá do Concello de Ferrol, todo un suceso participativo co movimento viciñal como protagonista. E se sumamos todo isto ao inicio do proceso dos orzamentos participativos, podemos dicir que na cidade encetou-se un camiño moi importante para o movimento cidadá ferrolá. Neste pasado ano asentaron-se uns alicerces sociais que se continúan a súa andaina poden garantir un futuro máis esperanzador para a poboación ferrolá, con máis saúde, democracia e benestar.

A Comisión Provisional de Control do Regulamento de Participación Cidadá, remite-nos a transcrición do Limiar do Regulamento onde se recolle a esencia e filosofía que inspirou o mesmo. Tamén achegamos o enlace ao Blogue onde se van colgando actividades, convocatorias e un importante relatorio de asuntos relacionados coa participación cidadá no Concello de Ferrol.

PREÁMBULO DO REGULAMENTO DE PARTICIPACIÓN CIDADÁ DO CONCELLO DE FERROL

LIMIAR

O vixente Estatuto de Autonomía de Galicia asígnalles aos poderes públicos galegos a responsabilidade de promover as condicións para que a liberdade e a igualdade do individuo e dos grupos en que se integra, sexan reais e efectivas, remover os obstáculos que impidan ou dificulten a súa plenitude e facilitar a participación de todos os galegos e galegas na vida política, económica, cultural e social.

As diferentes institucións internacionais así coma a Declaración Universal dos Dereitos Humanos e Recomendacións do Consello de Europa fomentan a Democracia Participativa e promoven o fomento e implicación da cidadanía nas decisións publicas.

A veciñanza do municipio de Ferrol, a través dos grupos de análise e propostas e comisións de traballo, presentamos este Regulamento de Participación Cidadá despois de ser aprobado por unanimidade polo Pleno Municipal o pasado día 9 de xullo do 2009, que ten como destinatarios esta mesma cidadanía co fin de fortalecer a democracia participativa.

Este punto de partida iniciouse un 28 de maio do 2008 e a posterior convocatoria dun FORO CÍVICO onde estivo presente un amplo sector do tecido asociativo da cidade de Ferrol coa participación de máis de 70 entidades e organizacións culturais, veciñais, deportivas e sociais para aspirar a ter un verdadeiro e ambicioso Regulamento de Participación Cidadá.

Este regulamento invita a toda á veciñanza a participar na política local desde a democracia participativa de forma individual, colectiva, vinculante e compatible coa democracia representativa.

Pensamos que a intervención activa da cidadanía nas políticas públicas da Administración local enriquece e dignifica a democracia representativa mediante os orzamentos participativos, asembleas de barrio, foros cívicos, consellos sectoriais, comisións de reclamacións ou a figura do Valedor/a Veciñal.

Entendemos que a participación cidadá debese ampliar á aquelas decisións importantes que afecten a toda á cidadanía como as ordenanzas municipais, o respecto dos espazos públicos e medio ambiente, defensa das institucións públicas ou as políticas sociais.

A garantía deste Regulamento de participación cidadá radica na forte presenza asociativa ferrolá que, como todos e todas sabemos, ten un amplo e diverso tecido socio-cultural, polo que estamos seguros de manter viva a súa vixencia e aplicación.

Comisión Provisional de Control do Regulamento de Participación Cidadá

Enderezo do Blogue da Comisión Viciñal:

www.participacion-ferrol.blogspot.com

Enviado por:

Comision veciñal

-comision.gap@gmail.com-

23 de janeiro de 2010 01:12

____________________________

Lembrade que este sábado 23 de Xaneiro de 2010, ás 20:30 horas, terá lugar no Teatro Jofre o Acto de presentación do Regulamento de Participación Cidadá do Concello de Ferrol, con diversas actuacións e intervencións.
________________________________