Milleiros de traballadores e traballadoras do ensino público secundaron a folga contra as bases do Decretazo, milleiros tamén foron o alumnado que se sumou á convocatoria e milleiros foron as persoas que participaron na grande manifestación que seguro vai ter, xunto a toda a xornada de loita, do 21 de Xaneiro de 2010, en defensa do galego, unha relevancia que a vai colocar nun lugar moi importante da historia da nosa Lingua e do noso pobo.
O goberno do PP, instalado na Xunta de Galicia desde hai case un ano, pretende lexislar contra a nosa Lingua, contra o idioma propio da Galiza, contra a súa necesaria protección e promoción, unha lingua minorizada que segundo datos e análise, segue perdendo falantes a pasos axigantados, a favor do castelán. Mentres se persiguem as políticas de inmersión lingüística, e de promoción do galego no ensino, existe umha abafante imposición do castelán a través dos medios de comunicación, tanto impresos como os audiovisuais: radio e televisión; publicidade, publicacións, filmes, ensino, administración, xudicatura, relacións económicas, ...
Os medios "próximos", preocupan-se en demasía pola suposta mermada pluralidade do movimento Queremos Galego; dan-lle case absoluto protagonismo aos partidos políticos, reforzando o argumento de Feijoo conforme esta era unha mobilización de "pataleo" de quen perdeu as eleizóns, cando é un logro do movimento social e sindical compartido por máis de 500 organizacións de base, centos de delegados e delegadas estudiantis, organizacións de nais e pais, e os sindicatos do ensino que chamaron á folga.
[Para ampliar clicar acima da foto]
Así foi a xornada segundo algúns medios de comunicación que utilizan a nosa lingua na súa principal edición:
Vieiros.-
Ducias de milleiros de persoas toman Compostela para defenderen a lingua - Despois dunha xornada de folga masiva no ensino público e de ver como a capital de Galiza se colapsaba coa chegada de manifestantes nun día laborábel, o PPdeG teima en pechar os ollos e falar de "presións" contra a "maioría social" - ROTUNDO ÉXITO DA MOBILIZACIÓN CONTRA O 'DECRETAZO'
http://www.vieiros.com/nova/77981/ducias-de-milleiros-de-persoas-toman-compostela-para-defenderen-a-lingua
RadioFusión.-
O Obradoiro da lingua galega - Milleiros de estudantes e profesores encheron este mediodia a Praza do Obradoiro de Santiago de Compostela, secundando a convocatoria da Plataforma Queremos Galego contra as bases para o decreto do plurilingüismo.
http://www.radiofusion.eu/manager.php?p=FichaNova&ID=4732
GaliciaConfidencial.-
O PP cre que o 50% do Obradoiro foi presionado - Éxito cuantitativo da protesta de Queremos Galego, pero a diversidade ideolóxica da plataforma comeza a reducirse ante o protagonismo do BNG.
http://www.galiciaconfidencial.com/nova/5213.html
A Nosa Terra.-
Queremos Galego enche o Obradoiro - A Policía Local reduce a protesta a 30.000 persoas e a Xunta a folga a 'menos do 50 por cento'. Con todo, a loita a prol da lingua galega colleita o seu terceiro éxito en poucos meses, tanto no número de manifestantes como na diversidade ideolóxica dos colectivos que a apoian. Cifra o seguimento da folga nun 90% e en 60.000 os manifestantes.
http://www.anosaterra.org/nova/40483/queremos-galego-enche-o-obradoiro-.html
GZnacion.-
O ensino en galego foi respaldado por milleiros de persoas en Compostela - Foron moitos miles de galegas e galegos os que ateigaron a praza do Obradoiro contra o "decretazo" do PP. O rexeitamento á política lingüística da Xunta quedou patente nas protestas e reivindicacións lanzadas por líderes e demais participantes na xornada - "FRACTURA SOCIAL"
http://www.gznacion.com/web/noticia.php?id_noticia=16604&id_cat=5
Galicia Hoxe.-
Decenas de miles de manifestantes contra o decreto sobre o uso do galego no ensino - Foron 60.000 segundo a organización e 30.000 segundo a Policía local - PROTESTA
http://www.galicia-hoxe.com/index_2.php?idMenu=166&idNoticia=508398
A Peneira.-
Unhas 80.000 persoas desaprobaron no Obradoiro o borrador de Núñez Feijóo - 'Se aínda somos galegos é por obra e graza do idioma'. Dicíano os paraugas, as faixas, os adhesivos, os carteis. Dicíano as preto de 80.000 persoas que este xoves percorreron as rúas de Compostela para manifestarlle á Xunta a súa postura en contra das…
http://www.apeneira.com/dixital/content/view/1526/232/
Galería Fotográfica.-
Enlace co carrusel de diapositivos da Manifestación
[Fuco Buxan A.C.]
_____________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon