Este deterioramento se traduce no incumprimento de compromisos xa adquiridos pola anterior Xunta de Galicia co anterior Xerente da Área Sanitaria de Ferrol e que ían posibilitar o que nos puxesemos ó nivel doutras Áreas Sanitarias.
- Investimento de 63 millóns de euros de 2009 a 2011 para a posta ó día do antigo Hospital Naval creando novos servizos, quirófanos etc.
- Posta en marcha da unidade de Hemodiálise que agora se está facendo no Juan Cardona.
- Mellora do transporte público, adaptado ás necesidades de usuarios e traballadores, facendo do H. Naval a última parada do traxecto.
- Potenciación e desdobramento de especialidades médicas.
- Plano de mellora da Atención Primaria, incrementando os cadros de persoal e facéndoa moito máis resolutiva.
Todos eses compromisos están incumpridos e paralizados.
Pola contra se pecha camas de Medicina Interna no Nóvoa Santos a finais do mes de maio o que provoca saturacións de pacientes en espera de ingreso no Servizo de Urxencias e un incremento importante de derivacións de pacientes ó Juan Cardona.
Reducción das contratacións de persoal o que fai que a prestación do servizo se faga con menor calidade, a pesar do esforzo do persoal en suplir a falla de coberturas de persoal.
Incremento significativo das listas de espera.
En definitiva se pretende crear unha mala imaxe da sanidade pública, favorecendo, desde á propia sanidade pública, á sanidade privada.
O exemplo máis claro é que o Juan Cardona por vez primeira presenta beneficios económicos na súa conta de resultados. Tamén o USP-Santa Teresa anuncia unha ampliación da súa carteira de servizos no seu centro de Ferrol.
A cousa esta clara se incrementan as listas de espera e se crea a necesidade de que a xente acuda a centros privados. Traumatoloxía e un exemplo moi ilustrativo.
A Plataforma en Defensa da Sanidade Pública de Ferrol queremos denunciar estas practicas e anunciamos a realización dun seguimento sobre aquelas especialidades con mais lista de espera e coa oferta en centros privados ou concertados nesas mesmas especialidades e moitas veces polos mesmos profesionais.
De dese estudio se desprendese a realización de practicas ilícitas non dubidariamos en poñelo en coñecemento de quen correspondese e mesmo da Xustiza .
A Xunta de Galicia ten a obriga de facer cumprila Lei de Incompatibilidades e nono esta facendo.
En resumo queremos denunciar a absoluta falla de compromiso da Xunta de Galicia coa Area Sanitaria de Ferrol.
Asdo./ Salustiano Gomez e Xosé Miguel López, portavoces da Plataforma en Defensa da Sanidade Pública de Ferrol.
Xullo de 2010
Plataforma en Defensa da Sanidade Pública de Ferrol
Enviado por:
CIG Saúde Ferrol
-cigsaudeferrol@gmail.com-
6 de julho de 2010 12:30
http://www.cig-saude.org/ferrol/_________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon