Na Coordinadora Nacional Galega levamos varios meses realizando diversas actividades e encontros a nivel local e nacional para divulgar os valores de traballo en rede das mulleres contra a violencia machista e pola paz e desarme, así como para preparar o momento mais importante da III Acción Internacional, no próximo domingo, 17 de Outubro a partir das 11:30 horas.
Nesta data, conscientes das accións e mobilizacións simultáneas das nosas irmás en todo o mundo, as mulleres galegas unirémonos ás celebracións coas seguintes actividades:
- Realizaremos a nosa Acción Nacional Galega en Vigo (Pontevedra), con diversas actividades, exposicións e obradoiros, que terán como eixe central a constitución dun Tribunal de Acusación, a través do cal visibilizaremos e denunciaremos a situación que están vivindo as mulleres na RD do Congo.
- Enviaremos dúas delegadas galegas a participar na Mobilización Internacional en Sud Kivu (RD Congo) na que se espera asistan mais de 1000 mulleres de todo o mundo, especialmente da zona dos Grandes Lagos e resto de África.
PROGRAMACIÓN EN VIGO.
11:30 horas: Obradoiros e exposicións
12:30 horas: Tribunal de Acusación
14:00 horas: Actuación de Tanxedoras
Esperamos poder contar contadas vós.
Mulleres en marcha, ata que todas sexamos libres!
Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.Enlaces de interese:
______________________
1 comentarios so far
Graciñas a Inazio e a xente que apoia Artrabra 21 por levar adiante esta páxina web que nos facilita moita información, actuliazada e documentada e axuda a xente que estamos na liña da defensa medioambiental e social.
Unha aperta e grazas
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon