Os gobernos portugués e grego acatan as medidas esixidas pola Unión Europea, Fondo Monetario Internacional e Banco Central, a cambio de "PRESTAMOS" PARA SEGUIR CAMIÑANDO POLA SENDA DA DESTRUCIÓN DE EMPREGO, DO TECIDO PRODUTIVO, DOS SERVIZOS PÚBLICOS, DAS PRESTACIÓNS SOCIAIS E DE EMPEORAMENTO DA CALIDADE DE VIDA. En resposta as centrais sindicais de ambos países mobilízanse contra os recortes impostos POLO CAPITAL FINANCEIRO E TRANSNACIONAL.
Terreiro do Pazo transformouse no Terreiro do Pobo
Manifestación en Lisboa, Sábado 11 de Febreiro de 2012
http://youtu.be/wOayNoWm6a8
Portugal
A Clase Traballadora Portuguesa indignada ante as medidas neoliberais e as imposicións contra o estado de benestar, quenta motores para xeneralizar as protestas e o combate contra as políticas de recortes, empobrecemento e desemprego.
En Portugal, miles de persoas saíron este sábado ás rúas de Lisboa para protestar contra as novas medidas que pretende implantar o Goberno baixo presión da chamada “Troika” (Unión Europea, Fondo Monetario Internacional e Banco Central Europeo).
A mobilización foi convocada polo maior sindicato luso, a Confederación Xeral de Traballadores Portugueses (CGTP), que estimou que a manifestación reuniu a preto de 300.000 persoas e considerouna a maior protesta celebrada na capital dos últimos 32 anos.
A marcha culminou na lisboeta praza do Comercio e nos discursos houbo referencias á próxima visita dunha misión de inspectores europeos. “Aproveitamos esta oportunidade para facer aquí nosa propia avaliación, a avaliación de quen sofren a diario”, afirmou o secretario xeral do CGTP, Armenio Carlos.
“Temos que reforzar a loita”, proclamou Carlos, á vez que se convocaron novas mobilizacións para o próximo 29 de febreiro. “O país necesita desfacerse da soga que ten ao pescozo”, engadiu, nun claro apoio á renegociación da débeda.
“O rescate é bo para os prestamistas, que conseguen miles de millóns en intereses e comisións, bo para os bancos (…), pero as medidas son moi malas para as traballadoras e traballadores, para os moz@s, para os 2,7 millóns de portugueses e potuguesas que están ao bordo da pobreza e para quen viven por baixo da fronteira da pobreza”, argumentou.
“Contra a explotación e o empobrecemento! Outra política é posible e necesaria!”, rezaba unha das pancartas. “Están roubando os soldos e os dereitos que temos. Están roubando aos pobres para darllo aos ricos. Son pobre e teño que protestar. Canto máis nos calemos, máis roubarán”, afirmou Jorge, un dos participantes.
Grecia
Grecia quedou paralizada por dous días de Folga Xeral, a indignación popular saíu ás rúas de todas as cidades e vilas do país heleno.
Grecia viviu este sábado a segunda xornada de folga xeral e manifestacións contra a iniciativa de lei que contempla drásticos recortes ao gasto público, a cal será votada no Parlamento este domingo.
Os manifestantes rexeitan o “paquetazo” de medidas neoliberales aprobado este venres polo gabinete, esixido pola zona euro para recibir a cambio un novo préstamo.
A folga paralizou todo o servizo de transporte público en Atenas, incluídos autobuses urbanos, taxis, tranvías e metro, trens suburbanos e barcos e o ferrocarril eléctrico operou durante tan só algunhas horas.
Os hospitais públicos funcionaron só co persoal indispensable, porque os médicos tamén se sumaron á folga.
Dúas manifestacións rexistráronse en Atenas, unha delas organizada pola Confederación Xeral do Traballo de Grecia e a Unión de Funcionarios Públicos na praza Syntagma, e a outra foi convocada pola Unión Comunista na Praza Omonia.
Para a noite deste domingo, os maiores sindicatos gregos convocaron a un mitin fronte á sé do Parlamento, durante a sesión na que os deputados debaterán e votarán o acordo alcanzado polo gabinete grego.
O paquete de recortes contempla reducir nun 20 por cento o salario mínimo, abolir os convenios colectivos e despedir a 15.000 funcionarios en 2012.
A chamada “Troika” esíxelle a Grecia drásticas medidas que están alimentando unha crise política e social sen precedentes no país.
Contra a explotación e o empobrecemento!
Outra política é posible e necesaria!
Portugal
Não à exploração, às desigualdades e ao empobrecimento Outra política é possível e necessária - Intervenção de Arménio Carlos, Secretário-Geral da CGTP-IN - Manifestação Nacional - 11 Fevereiro 2012
http://youtu.be/d0DkPoLLvbc
Fontes: Artigo baseado en noticias de axencias e das centrais sindicais.
Enlaces coas webs das Centrais Sindicais con presencia na Galiza, coa confederacións internacionais e con outras centrais sindicais de interese:
- Central Obreira Galega - COG
- Confederación Galaica da - CNT/AIT
- Confederación Intersindical Galega - CIG
- Confederación Unitaria de Traballadores - CUT
- Confederación Xeral do Traballo en Galicia - CGT
- Sindicato Nacional de CCOO de Galicia - CCOO
- Unión Xeral de Traballadores en Galicia - UGT
- Unión Sindical de Traballadores Galegos - USTG
- Federación Sindical Mundial - FSM
- Confederación Sindical Internacional - CSI
- Asociación Internacional dos Traballadores - AIT
- Global Unions
- Confederación Europea de Sindicatos - CES Outras centrais sindicais de interese:
- Intersindical Portuguesa - CGTP
- Sindicato Andaluz de Traballadores/as -SAT
- Sindicato de Obreir@s do Campo
e do medio Rural de Andalucia -SOC - Corrente Sindical de Esquerdas -CSI
- Intersindical Canaria
- ELA-STV / Sindicato Vasco
- LAB / Sindicato Vasco
- Intersindical -CSC / Sindicato Catalán
Confederacións Internacionais:
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon