Participación cidadá no barrio de Esteiro
A asociación de veciños á que pertenzo -Esteiro- ven traballando dende hai anos para mellorar e suplir as carencias deste emblemático barrio de Ferrol. Clases de pilates, encaixe de palillos, punto canario, corte e confección, informática, exposicións, sardiñada de San Xoan, ciclos de cine, excursións, reivindicación da escola infantil, do comedor social ... Non chegaría esta folla para enumerar os centos de actividades e proxectos que saen adiante gracias ó traballo desinteresado de xente que emprega o seu tempo libre para beneficio da comunidade.
Esta semana tivo lugar a votación de Participación Cidadá para elexir os representantes do barrio ante o concello. Como era de esperar tamén se presentaron persoas da Asociación Veciñal de Esteiro. Inexplicablemente non saiu ningún elixido. O máis votado foi un tipo que na miña vida vin polo barrio. Eu xa sospeitei algo cando vin a sala da votación ateigada e rezumando un glamour inusual en actos participativos. Recordoume cando na miña aldea os do PP carrexan votantes cara as urnas. Por suposto que estas artimañas non van amedrentar á asociación veciñal que xa confirmou a continuidade do seu traballo. A pesar de ter o concello en contra seguirán loitando pola escola, polo comedor ou por calquer outro proxecto que supoña un ben para os veciños. Incluso para aqueles que o único que fixeron polo barrio foi ir a votar o día que alguén, dende o concello, descolgou un teléfono.
Francisco Maceira
Esteiro - Ferrol
Enviado por:
Francisco Maceira
-f.maceira@hotmail.com-
19 de abril de 2012 23:33
___________________________
4 comentarios
Mesmo viñeron persoas de San Felipe e se lles permitiu votar.
Oscar Bejarano Barro:
Nació en Ferrol en 1975. Ingeniero Naval y Oceánico, Master en Prevención de Riesgos Laborales y de Sistemas Medioambientales y de Calidad. Trabaja desde el año 2006 en empresas vinculadas al sector naval. Afiliado desde el año 1996, forma parte del Comité Ejecutivo local.
Forma parte del Comité Ejecutivo Local del Partido Popular de Ferrol
E que mais senhor Oscar? Fijo bem em especificar que o comité do que faz parte é o do Partido Popular, pois nom lhe somos partidários do partido único. Eu pola minha parte nom lhe som de nenhum, que como vostede saberá também é umha escolha livre. Agora vou-lhe dizer isto, vencem mas so convencem aos seus, que polo que se vê som mais. De momento, senhor Bejarano, de momento. Agardamo-los em Canido o 25, e sabe que , seguramente perderemos, mas se vostede pensa que por isso vamos abandonar, nom nos conhece. Eu pola minha parte saudo com respeito admiraçom e carinho a Francisco, Miguel e todos os e as que desde o bairro de Esteiro e desde a nosso pais trabalham por um mundo melhor e mais justo.Xan López
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon