O lamentável estado físico do concelho reflete um problema mais de fundo, resultante das políticas dos diferentes governos municipais, agravada polo atual, e caraterizada polas privatizaçons e polo total desprezo por qualquer atençom aos serviços básicos e às obrigaçons dos poderes públicos para garantizá-los.
Enquanto a equipa de José Manuel Rei nom é capaz nem de garantir umhas mínimas condiçons de segurança para viandantes e veículos que circulam polo nosso concelho devido à progressiva deterioraçom e abandono do pavimento, centenas de milhares de euros estám a ser malgastados no financiamento de atividades privadas, como temos visto nos últimos meses.
É o caso, por exemplo, dos quase 230.000 euros entregados ao Racing de Ferrol, empresa privada em maos de amigos dos nossos governantes, ou dos 700.000 euros anunciados para a interminável remodelaçom da Porta Nova, onde o próprio PP desfijo parte das obras previamente realizadas por outros governos de maneira caprichosa e com cargo às contas públicas das ferrolanas e dos ferrolanos.
Entretanto, o PP volta a agitar o espantalho privado como suposto salvador da insustentável situaçom da manutençom física do concelho. Mais umha vez, assistimos à renúncia d eum poder público a assumir as responsabilidades, preferindo cedê-las ao lucro privado mediante adjudicaçons que sem dúvida ajudarám a manter bem untadas as contas do próprio PP e dos seus dirigentes.
A incompetência e o abandono nom podem ser mais a escusa para abrir as portas a novas privatizaçons de serviços.
NÓS-Unidade Popular reclama a reparaçom imediata do pavimento das ruas de Ferrol mediante o envolvimento direto do concelho e do pessoal diretamente ao seu serviço, procedendo à contrataçom pública no caso ser necessário completar as dotaçons atuais na área de reparaçons e manutençom.
Manter cuidado e em boas condiçons os espaços do nosso concelho som um investimento necessário que só vai redundar num benefício social. A falácia da austeridade nom deve continuar a servir de coartada para o abandono, as privatizaçons e a precariedade que, também em Ferrol, nom deixam de aumentar.
Ferrol, 18 de dezembro de 2012
Assembleia Comarcal de NÓS-Unidade Popularhttp://nosgaliza.org/
Enviado por:
nosup-trasancos@nosgaliza.org
-nosup-trasancos@nosgaliza.org-
18 de dezembro de 2012 13:41
______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon