A aprobación o martes no parlamento, únicamente cos votos do PP, do polémico decreto TIL non freou unha convocatoria que segue sumando apoios e crecendo en intensidade. A Consellería chamou a negociar hoxe por primeira vez ao comité de folga.
A folga indefinida do profesorado balear vive hoxe a súa novena xornada. Por primeira vez desde que comezou o conflito, a Consellería d'Educació das illas convocou ao comité de folga a unha reunión. Onte a cita foi coa mesa sectorial de educación, onde se suscitou que fose voluntario (decisión de cada centro) aplicar o TIL este curso en 1º da ESO, pero manténdoa no resto de niveis educativos previstos, medida que todos os sindicatos rexeitaron. Hoxe a mesa concluíu sen acordo, aínda que as partes volveron a concretar unha reunión mañá a partir das 4 da tarde.
A participación continúa sendo moi elevada, sen baixar do 70% segundo os convocantes e con seguimiento total en moitos dos centros públicos. Mentres tanto, as asociacións de nais e pais de diferentes centros seguen levando a cabo a súa iniciativa "aules buides" (aúlas baleiras). Consiste a non levar a clase os seus fillos, alternando a folga de docentes coa folga de alumnas. Son numerosos os centros das catro illas que permaneceron practicamente desertos pola ausencia do alumnado.
As mobilizacións e accións continúan diariamente e a caixa de resistencia xa practicamente alcanza os 200.000 euros, diñeiro que os docentes calculan que empezarán a empregar a partir da terceira semana de folga. Até un ex-presidente da Comunidade Autónoma co PP, Cristófol Soler, doou diñeiro á caixa de resistencia. Hai que recordar que até alcaldes do PP mostraron o seu rexeitamento cara á política educativa do Goberno de Bauzá e mostraron o seu apoio aos huelguistas.
As mostras de solidariedade e apoio multiplícanse nas Illas e por todo o territorio de fala catalá. Por exemplo, Uniuna de Pagesos de Mallorca, sindicato de labreg@s balear, tamén ofreceu o seu apoio á folga indefinida e puxo a disposición dos docentes produtos da terra aos folguistas, como sandías e melóns. O domingo está prevista unha gran mobilización na que se pretende mostrar o amplo apoio social á loita docente.
O martes a concentración masiva desenvolveuse nas portas do parlamento, xa que a cámara votaba a aprobación da lei que acendeu os ánimos da comunidade educativa. Alí reuníronse miles de persoas para protestar contra o TIL e os recortes. Previamente, ás seis e media da mañá, unha marea verde foi a recibir os deputados e deputadas que chegaban ao pleno do parlamento, con carteis que os apelaban a votar con "conciencia, non con obediencia". Pese a isto, e apoiado únicamente na maioría absoluta do PP, o parlamento deu luz verde á aprobación do TIL.
Cabo destacar a mobilización por parte do goberno balear dun helicóptero para tratar de arrincar unha tea verde xigante de apoio á folga que se descolgaba na contorna do paraxe do Castell d'Alaró. A oposición criticou que se mobilice un helicóptero, cuxo custo por hora de voo case alcanza os 2.000 euros, para retirar a mostra de apoio. Ademais sinalaron que puido perigar a seguridade do piloto. De todos os xeitos, o helicóptero non foi capaz de descolgar a tea.
En Menorca, as nais e pais que permanecían acampados ante a Delegación de Educación en Mahón desmontaron as tendas logo de conseguir o compromiso de reunirse coa nova delegada da Conselleria d'Educació en Menorca. Piden a retirada dos expedientes sancionadores aos directores que se negaron, seguindo as indicacións dos seus respectivos consellos escolares, a aplicar a reforma educativa. Estes directores foron suspendidos como directores e como docentes de emprego e soldo mentres dure o expediente disciplinario.
Por Tomás Muñoz | Publicado en Diagonal | 26/09/13 · 16:25
______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon