A Comisión Nacional dos Mercados e a Competencia (CNMC) decidiu que "non procede validar" a poxa eléctrica realizada este xoves (19.12.2013) ante "a concorrencia de circunstancias atípicas e nun contexto de prezos elevados no mercado diario durante as semanas previas".
Competencia explica nun comunicado que informou deste pronunciamento ás 4:15 horas da madrugada deste venres (20.12.2013) á Secretaría de Estado da Enerxía e ao Operador do Mercado Ibérico Español (OMIE), organismo encargado de trasladalo aos axentes participantes na poxa.
A CNMC asegurou que fará público un informe detallando os motivos que xustifican a súa decisión.
O pasado 10 de decembro, a Sala de Supervisión Regulatoria do 'superregulador' iniciara un proceso de información previa para analizar os movementos inusuais que se estaban producindo na fixación de prezos do mercado maiorista.
A CNMC recorda que desde fai catro anos vén realizando propostas de mellora do esquema de poxa.
A poxa celebrada este xoves arroxou un incremento do custo da enerxía do 25,6 %, o que supoñería un alza na tarifa do 10,5 %. A isto había que sumar os peaxes, o que ía levar a un incremento en xaneiro de máis do 11% do recibo da luz.
---
Nota de prensa da Comisión Nacional dos Mercados e a Competencia (CNMC) -en formato PDF: [Acceder ou Baixar].
_______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon