Tras ser soprendido ebrio ao volante Angel Espadas, Conde Roa, pediulle que lle dixese "que quería ser e nomeábao" unha oferta que incluía un escano no Parlamento Galego. Espadas tras ser "pillado" podía elixir o cargo que quixese.
Esta frase é moito mais reveladora do que parece:
1) Si alguén pode ofrecer un escano, as eleccións son un apaño, xa se saben os futuros "electos" de antemán.
2) O que ofrece un escano, Conde Roa, ex alcalde de Santiago, casualmente, posteriormente foi condenado, o que pode? levar a pensar que os que máis poder teñen nos partidos son os máis corruptos.
3) O que recibe a oferta do escano, Angel Espadas, que era concelleiro recentemente dimitido por dar positivo na alcoholemia, preséntaselle a posibilidade de ser deputado logo de cometer unha infracción, do que se pode deducir que as malas condutas en política prémianse.
Sempre se di que a corrupción non se castiga nas eleccións, puidese parecer que entre honestos e corruptos o pobo opta polos corruptos, o que ocorre é que en realidade, o aparello dos partidos opta por situar aos corruptos ben situados nas súas listas. Habería que preguntarse por que.
O Estado está implosionando e o funcionamento dos partidos non é alleo a iso.
Os protagonistas da historia
Foi concelleiro do Concello de Santiago de Compostela de 1983 a 1991, deputado no Parlamento de Galicia de 1985 a 1997 así como membro do Consello de Administración de RTVE. No 2008 conseguiu escano en Madrid e a presidencia do PP en Santiago.
En 1987 e no 2007 fora candidato á alcaldía de Santiago e no 2011, alzouse con ela con 11.644 votos (30,78%), 10 concelleiros. Renunciou á súa acta de deputado.
É pai de oito fillos e está casado en segundas nupcias coa alemá Benita Carlowitz. Foi un membro activo da organización católica Opus Dei.
No 2012, foi acusado de haber defraudado a Facenda uns 300.000 euros por impago de IVA, trala súa imputación dimitiu como alcalde sucedéndolle Angel Currás. A día de hoxe tamén imputado.
O 16 de abril do 2012, tras facerse oficial o auto xudicial de imputación, presentou a súa dimisión como alcalde de Santiago de Compostela. Por decisión dos seus doce concelleiros de Goberno, sucedeulle no cargo Angel Currás.
No 2013 Conde Roa foi condenado a dous anos de prisión e a unha multa de 580.000 euros por fraude fiscal. Presentou a súa renuncia como militante do Partido Popular.
Nunha páxina web do PP, pouco actualizada, figura aínda como concelleira de Santiago e consta o seguinte:
Angel Espadas Díez, Concelleiro responsable do seguimento das áreas de Deportes, Réxime Interior, Persoal e Reforma Administrativa.
Licenciado en Física pola Universidade de Santiago de Compostela, traballou no Servizo de Defensa contra Incendios Forestales da Xunta de Galicia. É presidente da Asociación Cidadanía Atlántica, secretario de Organización do Partido Popular de Santiago e coordinador da Campaña das Eleccións Municipais 2007. Foi socio fundador da Asociación Liberal de Estudantes (ALES). Veciño de San Lázaro, naceu no ano 1972.
Foi responsable tamén da campaña das eleccións que levaron á alcaldia Conde Roa.
Sendo concelleiro, en marzo do 2011 Espadas que fora "o azoute antibotellón" foi sorprendido pola Garda Civil durmido ao volante do seu vehículo, ante un semáforo cunha taxa de 0,79 miligramos de alcohol. Presentou a súa renuncia como concelleiro.
Conde Roa declarou que "un erro humano non desmerece toda unha traxectoria política".
Nas eleccións de maio do 2011 Conde Roa consegue a alcaldía e recupera a Angel Espadas, como home de máxima confianza á fronte do seu gabinete.
Explicara nunha ocasión que se complementaban : "Como físico que é, Angel Espadas conta con algo que eu non teño, e é unha mente ben estruturada e moi apta para a organización. Eu como avogado estou máis dotado para o debate, o diálogo e a discusión. A presenza de Espadas é moi importante para o grupo".
Agora ambos están imputados xunto con outros políticos tanto do PP como do PSOE debido á investigación dunha trama de corupción que recibiu o nome de Operación Pokemon- Manga (o nome de Pokemon vén do costume dos membros da trama de poñerse motes como os Pokemon). Supostamente un grupo empresarial con sé en Madrid, Vendex, recibiu contratos de distintas administracións públicas en Galicia a cambio de pagos e sobornos Vendex dedícase a traballos para as administracións públicas, como a limpeza, a asistencia social ou o cobro de aparcamientos públicos.
A outra empresa Aquagest, filial de Agbar empresa que gestiona a auga.
Cada vez comprendemos mellor, o afán de privatizar, dinlle externalizar, certos servizos.
Enlaces relacionados:
http://www.ppdesantiago.es/index.php?idMenu=7&idIdioma=1
http://www.publico.es/espana/366005/dimite-el-concejal-antibotellon-que-fue-cazado-conduciendo-ebrio
http://www.lavozdegalicia.es/santiago/2011/07/10/0003_201107S10C19911.htm
http://es.wikipedia.org/wiki/Gerardo_Conde_Roa
http://www.eldiario.es/politica/Angel-Espadas-archivase-Conde-Roa_0_224677645.html
http://gl.wikipedia.org/wiki/Operaci%C3%B3n_Pok%C3%A9mon
http://plataformaaiguaesvida.wordpress.com/2013/03/13/la-corrupcion-contamina-el-mercado-de-concesiones-espanolas/
http://www.lavozdegalicia.es/temas/operacion-manga
Publicado no Blogue da profesora de Historia Ángeles García Portela 'El otro Pais (la sociedad civil)': http://www.angelesgarciaportela.com/
Escoita a Ángeles Garcia Portela, todos os Mércores no programa A contracorrente en Radio Oleiros.
______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon