Presentación do libro -e posterior coloquio- que leva por título 'ENTREMENTR3S, ensaios para uno nova cultura política', este Martes 4 de Febreiro na Galería Sargadelos

Este Martes 4 de Febreiro, en Ferrol, ás 19:30 hs presentación do libro: "ENTREMENTR3S, ensaios para uno nova cultura política" na Galería Sargadelos (Esquina Rúa María e Rubalcava, 30-32).

A A.C. Fuco Buxán organiza a presentación do citado libro -e posterior coloquio-  na que intervirán:

• Pepe Arias (editor).
• Antón Gómez-Reino “Tone” (activista social).
• Rafa do Pico (historiador)
• Presentará o membro da directiva de Fuco Buxán: Victor García Novas.

Este traballo colectivo está ó servizo do urxente debate sobre unha nova cultura política e a necesaria cooperación entre organizacións de esquerdas para estimular a configuración dunha alternativa “a orde de inxustiza que goberna os nosos días e as nosas vidas”, e todo elo tendo en conta movementos sociais e novas propostas sobre a estrutura do Estado.

Subverter a orde neoliberal construíndo un modelo alternativo é cuestión de pura supervivencia e un reto histórico para a nova esquerda. As iniciativas políticas e propostas organizativas do libro invitan a actuar.

No libro tamén colaboran Mar Blanco Casais, Xavier Carriba, Antón Dobao, Brais Fernández, Xurxo Martínez González, Martiño Noriega, David Rodríguez, Manoel Santos, Xaime Subiela e Raimundo Viejo Viñas. Os editores foron Daniel Salgado e Manuel M. Barreiro.

"Entrementres o vello non fina e o novo aínda non dá nacido vaise rozando –como adiantou Antonio Gramsci– un terreo no que se verifican os fenómenos morbosos máis diversos. Porén, tamén é o intre en que se abren espazos para o ensaio de iniciativas políticas e propostas organizativas que discuten e intentan subverter a orde de cousas (aínda) existente. E fano cunha radicalidade e unha urxencia noutrora impensable, impracticable. Na discordancia de tempos da crise actuamos. A factoría das ideas emancipadoras teima por dar forma ao novo mentres no campo material prolifera a mestizaxe entre innovadores e caducos dispositivos de organización e relación política, a dacabalo entre a ruptura e a acomodación. Manuel Sacristán advertíao con dureza e lucidez extrema, xa contra o final da súa vida militante: o novo constrúese a partir do vello. Nese campo de batalla, onde a dialéctica non se estabelece a partir de idades biolóxicas senón a forza de atención ao real, xógase a viabilidade dunha esquerda política radical capaz de se enfrontar ao seu propio tempo". Do limiar de Manuel M. Barreiro & Dani Salgado.

"A esquerda ten unha responsabilidade histórica. No corazón da treboada perfecta, establecer dinámicas de cooperación entre organizacións rupturistas e de esquerda das nacións periféricas do Estado español e de esquerda federal e confederal que respecta o dereito de autodeterminación dos pobos é unha cuestión de supervivencia. Abrir esa cooperación á construcción de vasos comunicantes cos movementos sociais, algo indispensable. Esta acumulación de forzas pode resultar determinante nun futuro próximo. Non debemos equivocar o inimigo, porque o inimigo non se equivoca connosco" Dun dos textos do libro

facebook do evento en Ferrol:
https://www.facebook.com/events/1403329166583515/

Corsárias Livros em Facebook:
https://www.facebook.com/corsarias.projectoeditorialgalego

---

A nosa web:
www.fucobuxan.net

Os nosos blogues:
Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/

Nas redes sociais:
Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/
Picasa
https://picasaweb.google.com/106726281086842107689
Youtube
http://www.youtube.com/user/fucobuxan
Vimeo
http://vimeo.com/user18058474

Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es



Información baseada na enviada por:
Manuel Anxo Cendán Dopico
-mcendan@gmail.com-
2 de fevereiro de 2014 22:27
http://manuelcendan.com
______________________