quarta-feira, março 11, 2015

Tabú, ... Por Iván Rivas

Por Iván Rivas [*]
11.03.2015


Si a marzo de 2015 o goberno municipal permanece en silencio fronte a un novo proceso de reestruturación no Sector Naval, despois de producirse xa o desmantelamento da industria auxiliar, e de recorrentes anuncios sen concreción, é porque este tema supón un verdadeiro tabú na cidade. Que ninguén queira falar sobre por que os estaleiros da ría van cara a súa desaparición, senón é para demandar unidade fronte á “dereita”, ou para culpar a herdanza da “esquerda” é a proba de que a razón pola que o sector naval esmorece nesta cidade é un tema prohibido. Trinta anos despois, non creo que ninguén dubide que se os nosos estaleiros non producen, non é máis que por unha decisión do Estado, compartida por gobernos de España de “esquerda” e de “dereita”, e que o primeiro paso para mudar isto é sinxelo. Só esixe que enfrontemos a realidade desde aquí e non desde Madrid, e que contemos cun goberno municipal que alce a voz fronte á apisoadora do Estado, despois, comezará o complicado.

Publicado no Diario de Ferrol, o 10 de Marzo de 2015.

[*] Iván Rivas Rico, -A Pontenova 1976, é arquitecto de profesión, concelleiro e portavoz do grupo municipal do BNG en Ferrol desde xaneiro de 2012. Candidato á Alcaldía polo BNG - Asembleas Abertas, para as próximas eleccións locais que previsibelmente se celebren o 24 de maio deste 2015. Ten conta no facebook: https://www.facebook.com/ivan.rivasrico .
___________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon