05.04.2015
UNIDADE CON CONCIENCIA DE CLASE
Por que estanos a custar tanto facer esa fronte común contra o capitalismo salvaxe?, como pode ser que non consigamos a tan ansiada unidade da esquerda?
Certamente existen moitos factores, é verdade que a diferencia que o que acontece coa dereita a nos sepárannos matices, e as veces ata océanos ideolóxicos.
Pero agora mesmo penso que este non é o maior problema, un inimigo invisible, un virus tan antigo como efectivo estanos matando, nas chamadas organizacións de masas, organizacións de esquerdas, unha vez mais conseguiu meter os seus tentáculos o sistema, fai tempo que controlan as cúpulas dos sindicatos chamados de masas, manexan os seus monicreques nos partidos de esquerda e na prensa progre, enfróntanos, despístannos, engánannos, fannos crer en falsos mesías, inventan novas restauracións para perpetuarse no poder, convencemos de que existen crises cíclicas caídas do ceo como pragas bíblicas, predican nos medios de distracción de masas que esas crises son os designios do novo deus chamado mercado, e non inventos en beneficio de persoas con nomes e apelidos, aparecen novos proxectos que negan a loita de clases, que negan que hai explotadores e explotados, que falan de revolucións só nas urnas como si iso fose posible, novos iluminados do posibilismo berran que xa non hai esquerda nin dereita, ou falan dos emprendedores como o motor da historia, mais son historias para non durmir, ou mellor dito historias para durmirnos, para que non nos organicemos, para que quedemos na casa atemorizados pola lei mordaza, diante da televisión ou do computador, autoconvencéndonos de que outros moito mais "listos" teñen a formula máxica para salvarnos da miseria e a escravitude.
Os oligarcas basean a súa estratexia na máxima de que "a xente non quere ser libre tan so quere un amo mais xusto", os novos progres practican a caridade que non a solidariedade obreira, defendendo teorías nas que os pobres teñen que ser menos pobres, e os explotados deben ser menos explotados.
Nada vai cambiar ata que deixemos de escoitalos, ata que tomemos as rendas das nosas vidas, ata que decidamos que non queremos ser pobres nin explotados, que non aceitamos esmolas, que non cremos en vendedores de fume nin en falsos mesías, ata que recuperemos a conciencia de clase que nos fará conscientes da nosa propia forza.
LOITEMOS POLA UNIDADE DO POBO TRABALLADOR!.
QUE VIVA A CLASE OBREIRA!
[*] André Abeledo Fernández, é un activista sindical, social e político de Ferrolterra; traballador e membro do Comité de Empresa de Mercadona; e coordinador de Esquerda Unida de Narón. Contas de André no facebook e no twitter.
Enviado por:
André Abeledo Fernández
-andre1474@gmail.com-
5 de abril de 2015 17:58
_________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon