Apresentaçom do documentário 'Sitio Distinto', dirigido polo corunhês, e emigrado em Euskal Herria, Davide Cabeleiro, esta sexta-feira, 13 de abril en Ferrol, na Fundaçom Artábria e o sábado 14, Cuarta Xusta apresenta 'Un novo espertar'

Apresentaçom do documentário "Sitio Distinto" esta sexta-feira na Fundaçom Artábria

13 de abril, sexta-feira, às 20.00hs, projetaremos o documentário “Sitio Distinto” dirigido polo corunhês, e emigrado em Euskal Herria, Davide Cabeleiro. Producido por Zirriborro e Pixel Films, Sitio Distinto é um documentário que mostra as diferentes ondas migracionais desde Galiza.

Umha viagem que comezou há 150 anos com destino às minas de ferro, depois viria a pesca, a indústria.. até chegar à mocidade galega de hoje em dia que povoam a identidade basca. Um caminho que uniu com o tempo os dous povos.

Kepa Junkera, Antóm Reixa, Ugia Senlhe ou Xurxo Souto som parte das pessoas que saem neste trabalho de Cabeleiro. A entrada é livre até cubrir aforo.

Trailer do ducumentário


https://youtu.be/KJfhmxcC0rE

E o sábado 14, Cuarta Xusta apresenta 'Un novo espertar'

No sábado 14 de abril, às 22.30hs, Cuarta Xusta apresentám o seu primeiro trabalho discográfico "Un novo espertar", gravado a início de ano em Arçua por Paco Cerdeira.

O trabalho inclue oito temas próprios que seguem umha marcada linha social e conta com grandes colaboraçons do eido musical galego.

Cuarta Xusta nasce em 2016, fazendo versons de outros grupos galegos como Nao, Sés ou Herdeiros da Crus, Ruxe Ruxe.

A dia de hoje o grupo de Melide está composto por 4 mulheres (Marta Sánchez, Aida López, Alba Vilarinho e Lúa Aguete) e 1 homem (Alberto Garcia). Com esta forte presença feminina, o grupo soma-se às vozes que amosam que as mulheres tenhem muito a dizer na cena musical do nosso país.
A entrada é de graça.

Curta Xusta apresenta "Querémonos libres"


https://youtu.be/EIguxkNLkpY
--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
12 de abril de 2018 16:16
12 de abril de 2018 16:36
______________