Os restos do combatente antifascista Vicente Peña Tarrasa xa están en Ferrol

"O traballo da Asociación para a Recuperación da Memória Histórica ten dificultades" asi comezaba o acto cívico de recoñecemento e reparación no Auditorio do Concello do Val do Dubra. Unha asociación, a ARMH, que ven a contabilizar na Galiza, 18 fosas comúns exhumadas, e coa do adro da Igrexa do Páramo, ao pé do cemiterio, fan 19, cun total de 53 corpos recuperados do esquecemento e devoltos ás familias. O sábado 28 de xullo, foron entregados ás súas familias os restos de catro combatentes pola liberdade: José María Castelo Mosquera, Manuel Pena Camino, Manuela Teiga, e o veciño de Narón Vicente Peña Tarrasa.
Para acoller os seus restos estaban presentes catro xeracións descendentes de Vicente, a filla Antía, a neta Pim Patinho, a bisneta, arqueologa, que participou nos labores de exhumación, e o tataraneto, nascido durante o proceso de identificación dos corpos.
Deixamos para a súa visualización dous vídeos. O primeiro que recolle o momento da entrega dos restos, ante a presencia dos alcaldes de Nigrán e do Val do Dubra, por parte dun membro da ARMH; e o segundo das palabras que Pim Patinho pronunciou tras acoller os restos do seu avó, que inclúen uns apuntamentos biográficos de Vicente Peña Tarrasa.

ARMH,web oficial da Asociación para a Recuperación da Memoria Histórica
Nova sobre o acto desenvolvido no Auditorio de Bembibre
Nova no diario Público
Nova en Praza Pública