O Sindicato de Estudantes, xunto co colectivo Libres e Combativas convoca para este mércores 14 de novembro unha folga xeral estudantil co lema “Fóra o machismo das nosas aulas”. As principais manifestacións en Galiza terán lugar ás 12 da mañá na Coruña, Ferrol,(Diante do Edificio da Xunta- Praza Amada Garcia), Vigo e Lugo.
Dende a organización, esixen “a posta en marcha inmediata dunha materia de educación sexual inclusiva, avaliable e obrigatoria” que se imparta en todos os centros de estudo, tanto públicos coma privados, e orientada para o ensino primario, secundaria, bacharelato e formación profesional.
Esta materia, explican, tería o obxectivo de “educar en liberdade, contra o machismo, os malos tratos e a cultura da violación, contra a homofobia e a transfobia”.
Ademais, demandan ao goberno de Pedro Sánchez “a creación dun Decreto Lei que elimine de maneira inmediata calquera normativa interna dos centros de estudo referente á forma de vestir e que recolla explicitamente o respecto á liberdade sexual de todas as persoas”.
Por último, defenden que “non botamos ao goberno de Raxoi para que todo siga igual” e avogan pola derrogación inmediata da LOMCE, a revogación de todos os recortes educativos e a gratuidade do ensino público dende infantil até á universidade.
Apoio da Plataforma de Ferrolterra para a Defensa das Pensións Públicas á mobilización do estudantado do 14 de novembro
A Coordinadora Estatal pola Defensa do Sistema Público de Pensións decidiu manifestar publicamente o apoio á convocatoria e sumarse ás mobilizacións do estudiantado.
É por iso que a Plataforma de Ferrolterra para a Defensa das Pensións Pública optou tamén por coordinar os seus esforzos cos do Sindicato de Estudiantes para convocar esa xornada de loita.
Chamamos a todas as organizacións de Ferrolterra, a todo o estudiantado e a todas as persoas, xubiladas ou non, que estean a prol da defensa do sistema público de pensións a sumarse á convocatoria e a apoiala.
O vindeiro 14 de novembro, mércores, as 12:00 horas sairá unha manifestación desde a praza Amada García (fronte ao Edificio da Xunta en Ferrol) que finalizará no Cantón.
A Plataforma de Ferrolterra para a Defensa das Pensións Públicas participará activamente nesa manifestación, estando presente na pancarta que a encabece e lendo un manifesto ao final da mesma.
Achegamos xunto con este comunicado o Manifesto de apoio da Coordinadora Estatal e o cartaz da convocatoria do Sindicato de Estudiantes.
Fonte: Sermos Galiza. | https://www.sermosgaliza.gal/
Info baseada na enviada por:
Plataforma Pensións Públicas Ferrol
-plataf.pensionspublicas.ferrol@gmail.com-
12 de novembro de 2018 08:31
________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon