As pinturas murais da igrexa de San Vicenzo dos Vilares (S.XII) en Guitiriz da autoría do Mestre de Parga e con máis de 500 anos de antigüidade en serio risco de desaparición definitiva - O xoves 31 de xaneiro de 2019 no salón de grao do Campus Universitario de Ferrol no barrio de Esteiro, dentro do Máster de Estudos Avanzados de Museos, Arquivos e Bibliotecas da UDC, unha moi interesante conferencia sobre os 'Frescos d'Os Vilares, cinco séculos de Nós'

Conferencia sobre os FRESCOS DOS VILARES - V SÉCULOS DE NÓS no Máster de Estudos Avanzados de Museos, Arquivos e Bibliotecas (MAB) da UDC no Campus Industtial de Ferrol impartida pola museóloga Sonia Enca, a restauradora Uxia Aguiar e o presidente da Asociación Sociocultural Lareira de soños Antón de Guizán baixo a coordinación da profesora Raquel Díaz Seijas. Será o xoves 31 de xaneiro de 2019 no salón de graos.

V SÉCULOS DE NÓS
FRESCOS D'OS VILARES

As pinturas murais da igrexa de San Vicenzo dos Vilares (S.XII) en Guitiriz da autoría do Mestre de Parga e con máis de 500 anos de antigüidade en serio risco de desaparición definitiva.

Os frescos foron descubertos no ano 1991 sendo párroco o actual Deán da Catedral de Santiago, don Segundo Pérez cando se realizaban obras no interior. Desde aquela, as humidades, rodamentos do bancos e o paso do tempo foron degradando estas importantes pinturas localizadas en dúas das paredes máis antigas do templo e das que da unha grande información un estudo do profesor Monterroso Montero no caderno n° 8 de Estudos Mindonienses.

A Comisión de Cultura do Parlamento de Galicia ten aprobado en decembro de 2017 un acordo para iniciar conversas con outras administracións que leven á salvación definitiva dos frescos. Neste tempo, Patrimonio ten encargado xa un proxecto definitivo e só faltaría a decisión política de habilitar os fondos necesarios para proceder aos trámites de contratación dos traballos. O proxecto foi elaborado pola restauradora Uxía Aguiar coa colaboración da museóloga Sônia Engroba, ponentes destas xornadas.

A Asociación Sociocultural Lareira de soños dos Vilares leva casi un lustro reclamando a sua restauración para evitar que se perdan estas importantes pinturas renacentistas.

Participa no evento no facebook.

OS FRESCOS DOS VILARES NA UDC
Campus Industrial de Ferrol.
Xoves, 31 de Xaneiro de 2019 ás 18:00hs.
Campus Universitario de Ferrol - Esteiro.

Os Vilares, lareira de Soños:
https://www.facebook.com/dosvilares/

#‎salvemososfrescosdosvilares‬

Enviado por:
Antón de Guizán
__________________