Marea de Ferrol fai un novo chamamento para acadar consensos: Dende Marea de Ferrol agrádanos ver como tanto o PSOE como FeC comezaron a falar de unidade nestes últimos días previos ao comezo da campaña electoral

MAREA DE FERROL FAI UN NOVO CHAMAMENTO PARA ACADAR CONSENSOS DE CIDADE

Dende Marea de Ferrol agrádanos ver como tanto o PSOE como FeC comezaron a falar de unidade nestes últimos días previos ao comezo da campaña electoral.

O que xa non nos agrada tanto é saber que estas propostas, unha vez máis, veñen claramente dadas por consideracións electoralistas e non por unha vontade real de busca de consensos.

Dende Marea de Ferrol queremos lembrar que durante a rolda de contactos que efectuamos durante o pasado mes de febreiro co gallo de dialogar en torno á unidade, o PSOE demostrou a súa total falta de vontade, xa que nunca nos respondeu pese a ter confirmado a recepción da nosa proposta. E no caso de FeC, a xuntanza que logramos ter caracterizouse pola absoluta carencia de autocrítica, entendendo como única opción posible a nosa integración no seu proxecto político, demostrando unha grande falta de capacidade para o diálogo.

Dito todo o anterior, e en vista deste repentino cambio de pareceres, Marea de Ferrol propoñemos e demandamos, unha vez máis, unha xuntanza entre as forzas progresistas da cidade para deseñar consensos mínimos que garantan, por fin, un goberno estable.

Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
https://twitter.com/FerrolMarea
https://facebook.com/mareadeferrol

Enviado por:
Marea de Ferrol
-mareadeferrol@gmail.com-
5 de maio de 2019 20:06
___________