MAREA DE FERROL REÚNESE COA A.VV. ULTRAMAR E A COORDINADORA DE EQUIPAS DE NORMALIZACIÓN LINGÜÍSTICA
Na mañá do xoves 23 de maio, Marea de Ferrol reuniuse coa A.VV. de Ultramar, para escoitar demandas e dar a coñecer as nosas propostas programáticas.
No transcurso da xuntanza, foron moi ben acollidas as nosas propostas en torno á dinamización da participación cidadá e a planificación das accións de goberno.
Pola tarde, tivemos ocasión de manter unha xuntanza coa directiva da Coordinadora de Equipas de Normalización Lingüística, cuxas principais demandas están relacionadas coa axilización da execución do convenio asinado co Concello, e a necesidade de ter un local para centralizar a xestión e documentación da organización. Esta última é unha demanda histórica da Coordinadora, que unha vez máis durante este mandato non foi axeitadamente atendida polo goberno municipal. Desde Marea de Ferrol felicitamos o labor dunha oragnización con máis de 30 anos de traballo na cidade, e coincidimos na necesidade de cumprir a Ordenanza de Normalización Lingüística e de abrir os campos de acción máis aló da escola.
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook
Enviado por:
Marea de Ferrol
-mareadeferrol@gmail.com-
23 de maio de 2019 19:15
__________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon