PREVISIÓNS DE MAREA DE FERROL PARA MAÑÁ VENRES 24 DE MAIO
Detallamos a continuación a previsión de actividades de Marea de Ferrol para mañá venres 24 de maio:
1. Durante o día, faremos os últimos repartos da síntese do noso programa electoral aberto entre a veciñanza.
2. Ás 20.00 horas, no SCRD San Carlos en Esteiro, terá lugar o noso acto festivo de peche de campaña.
MAREA DE FERROL E PANCHO CASAL ANALIZAN O ESTALEIRO 4.0 COA VECIÑANZA DE CARANZA
Onte, mércores 22 de maio, Marea de Ferrol mantivo un encontro veciñal no CC Caranza, no que nos acompañou Pancho Casal, deputado de En Marea no Parlamento Galego, para informar sobre o impacto do Estaleiro 4.0 e o dique seco cuberto sobre o barrio de Caranza.
Este encontro organizouse en resposta ás preocupacións a este respecto que a A.VV de Caranza nos trasladou na xuntanza que mantivemos no mes de abril.
Pancho Casal explicou que o proxecto do Estaleiro 4.0 para Navantia Ferrol o convertería no segundo estaleiro máis competitivo de Europa e con grande capacidade para diversificar a produción, mais hai que valorar moi rigorosamente o xeito de facelo, desbotando actuacións inaceptables e minimizando o impacto da construción dun dique seco cuberto que terá unhas dimensións que impactarán a varios niveis (visual, psicolócico, social...) na veciñanza de Caranza. Neste sentido, defendeuse que é preciso analizar os impactos positivos e negativos dun proxecto deste calado estratéxico, e estudar as compensacións necesarias, xustas e equilibradas, para a poboación afectada.
Pancho Casal tamén se lamentou de que o Concello de Ferrol non respostou responsablemente aos informes solicitados desde o Ministerio, e recalcou a necesidade de dar a coñecer o proxecto para tomar decisións informadas e beneficiosas para o conxunto da poboación ferrolá.
Pola súa banda, Bernardo Lorenzo Cuétara, candidato á alcaldía por Marea de Ferrol, e concordando co expresado pola directiva da asociación de veciñas, afondou no noso compromiso de velar polos intereses de Ferrol e a súa veciñanza. Non se trata de estar en contra desta intervención de interese xeral, estratéxico e fundamental para garantir a continuidade do estaleiro, do emprego e o futuro de Ferrol, pero debemos prever os impactos económicos, visuais, sociais... para que, no caso de haber prexuízos, se busquen solucións satisfactorias anticipadamente, e por descontado, participadamente.
Neste sentido, Bernardo Lorenzo comprometeuse, unha vez que Marea de Ferrol chegue ao concello, a organizar unhas xornadas de traballo e análise deste proxecto antes de que remate este ano, contando con todos os actores implicados e fomentando o diálogo e a participación da cidadanía.
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook
Enviada por:
Marea de Ferrol
-mareadeferrol@gmail.com-
23 de maio de 2019 13:02
23 de maio de 2019 12:29
_________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon