A por un millón de sinaturas, para que todos e todas teñamos dereito a unha cura
A Plataforma SOS Sanidade Pública apoia e difunde a Iniciativa de Cidadanía Europea 'Dereito a un Tratamento': para que os tratamentos e vacinas contra a pandemia se consideren un ben público global, completamente accesible para todos e todas.
Todo o mundo merece protección fronte á Covid-19: Que ninguén se lucre coa pandemia.
A COVID-19 espállase coma o lume. As solucións deben chegar aínda mais axiña. Ninguén está seguro/a ata que todo o mundo teña acceso a tratamentos e vacinas seguros e efectivos.
Todos e todas temos dereito a unha cura.
Asina esta Iniciativa Cidadá Europea e asegúrate de que a Comisión Europea faga todo o que estea nas súas mans para que os tratamentos e vacinas contra a pandemia se consideren un ben público global, completamente accesible para todos e todas.
As nosas demandas
1 Saúde para todos e todas
A saúde é un dereito. Durante unha pandemia, a investigación e as tecnoloxías deberían compartirse de xeito amplo, rápido, por todo o mundo. Unha compañía privada non debería ter o poder de decidir quen ten acceso a tratamentos nin vacinas, nin a que prezo. As patentes outorgan a unha soa compañía o poder e monopolio sobre produtos farmacéuticos esenciais. Isto limita a súa dispoñibilidade e incrementa o seu custo para as persoas que os precisan.
2 Transparencia xa!
A información sobre os custos de produción, as contribucións públicas e a efectividade e seguridade das vacinas e medicamentos debería ser pública. Os contratos entre autoridades públicas e compañías farmacéuticas tamén se deben publicar.
3 Fondos públicos, control público
A cidadanía aporta a través dos seus impostos enormes cantidades para a investigación e o desenvolvemento de vacinas e tratamentos. Non podemos permitir que as compañías farmacéuticas privaticen tecnoloxías médicas esenciais que foron desenvoltas con recursos públicos.
4 Que ninguén se lucre coa pandemia
As grandes compañías farmacéuticas non deberían de lucrarse con esta pandemia, a expensas da saúde das persoas. Unha ameaza colectiva require solidariedade, non lucro privado. O financiamento público debería aprobarse só baixo a garantía de que o produto final terá dispoñibilidade e un prezo accesible. Non se debería permitir que o Big Pharma saquee os nosos sistemas de seguridade social.
ASINA A INICIATIVA
Difunde esta iniciativa cidadá e axúdanos a recoller un millón de sinaturas.
info@noprofitonpandemic.eu
https://noprofitonpandemic.eu/gl/
facebook | twitter | instagram
Info baseada na enviada por:
Gonzalo Busqué
-gbloren@hotmail.com-
25 de maio de 2021 10:44
_______
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon