Encontro da A.C. Memoria Histórica Democrática con Fernando Martínez, Secretario de Estado da Memoria Democrática - Centro de Interpretación da Memoria que o Concello de Ferrol se comprometeu a manter no Castelo de San Felipe

ENCONTRO CO SECRETARIO DE ESTADO DA MEMORIA DEMOCRÁTICA

Esta mañá a A.C. Memoria Histórica Democrática, invitada pola Delegación do Goberno, en A Coruña, estivo presente no Encontro mantido entre o Secretario de Estado da Memoria Democrática, Fernando Martínez, a Subdelegada do Goberno, María Rivas e varias asociacións e fundacións mMemorialistas.

Valoramos moi positivamente o contido da reunión e as extensas explicacións que do proxecto de Lei da Memoria Democrática deu o Secretario de Estado, e de todas as posibilidades de aplicación desta norma legal como vehículo de recuperación, reparación, pedagoxía e prevención para a non repetición de feitos que deixaron tráxica pegada na historia deste país e dos seus habitantes. Así como da súa extensión orzamentaria e do protagonismo das distintas institucións para levalo a cabo.

Tivemos oportunidade de abordar temas importantes para a nosa Asociación e a nosa Comarca, que xa formularamos ao Secretario de Estado, nun encontro virtual o pasado día 2, convidados pola Agrupación Socialista Ferrolá,  como son o demandado Centro de Interpretación da Memoria que o Concello de Ferrol se comprometeu a manter no Castelo de San Felipe, no seu acordo plenario de abril de 2017, froito dunha vella solicitude nosa do 2015 e dunha Moción do G.M. Socialista.

Tamén o tema de recuperación e dignificación dos Cemiterios do Norte de África onde descansan moitos mariños republicanos, boa parte deles galegos e ferrolterráns.

Mañá estaremos tamén presentes no Pazo de Meirás, na firma do Convenio de Usos, entre o Estado, a Xunta de Galicia, a Deputación d'A Coruña e os concellos d'A Coruña e Sada, acto ao que asistirá a Vicepresidenta do Goberno e Ministra da Memoria, Carmen Calvo.

www.memoriahistoricademocratica.org
http://memoriahistoricademocratica.wordpress.com
@MemoriaHistoricaDemocratica
@memoriaferrol

Enviado por:
Memoria Histórica Democrática
-memoriahistoricademocratica@gmail.com-
25 de junho de 2021 19:29
_______

Documentación:

✔ Anteproxecto de Lei de Memoria Democrática. En formato pdf e 66 páxinas. | Acceder/Baixar.

✔ Memoria da Análise de Impacto Normativo. En formato pdf e 43 páxinas. | Acceder/Baixar.

_______