Dende a Asociación Galega para a Defensa da Sanidade Pública (AGDSP), manifestan o seu rexeitamento ás intencións da Xunta de Galicia da imposición dunha nova categoría de facultativo especialista en Atención Primaria, que operará nos centros de saúde pero que tamén fará gardas nos puntos de atención continuada (PAC)

Dende a Asociación Galega para a Defensa da Sanidade Pública (AGDSP), queremos manifestar a nosa máis enérxica repulsa polas intencións da Xunta de Galicia (Sr. Feijoo) de que “o Servizo Galego de Saúde (Sergas) contará en 2022 cunha nova categoría de facultativo especialista en Atención Primaria, que operará nos centros de saúde pero que tamén fará gardas nos puntos de atención continuada (PAC)”.

Trátase dunha medida que incluirá a Xunta na lei que acompaña aos orzamentos do próximo ano e que está sendo rexeitada de forma contundente, por representantes sindicais, organizacións científicas, profesionais e entidades que traballan nos Centros de Saúde.

Critican, que aparte de crear unha nova categoría: "sen negociar", o van a facer ca oposición de todxs e so co apoio do PP (como a nefasta modificación da Lei Galega de Saúde que foi declarada inconstitucional).

A noticia, se fai en Mesa Sectorial, pola directora xeral de Recursos Humanos do Sergas, Ana Comesaña.

Dende a AGDSP, defendemos que cada traballador/a debe ter o seu posto de traballo definido, así como a carteira de servizos que deben realizar. Con esta nova “ocurrencia” do SERGAs, os novos profesionais acuparán 2 postos: “traballar máis, por menos”.

Exiximos da administración do PP e do sr. Feijoo (levamos 4 conselleirxs de Sanidade e ca mesma política) que faga caso das reivindicacións que se fixeron nas rúas de Compostela, o 14 de novembro, por milleiros de persoas e cumpra cas conclusións do Consello Técnico de AP de Galicia.

Asociación Galega para a Defensa da Sanidade Pública

Enviado por:
PLATAFORMA FERROLTERRA
-plataformasosanidadepublica@gmail.com-
18 de novembro de 2021 12:21
_______