COMUNICADO DE LIGANDO
Desde Ligando queremos facer público o noso apoio á veciñanza do barrio de A Graña, en Ferrol, diante da multa de 601 euros enviada pola Subdelegación do Goberno a un veciño, identificado pola policía local sen información das razóns, durante un acto de protesta veciñal reclamando aparcadoiros en superficie no barrio.
Este non é un caso puntual do goberno Mato senón que vimos asistindo, durante toda a lexislatura, a unha bunkerización do concello, pechado a cal e canto á cidadanía.
Non só o concelleiro de Seguridade, Julián Reina, non responde á solicitude de xuntanza coa veciñanza senón que reprime o dereito de manifestación enviando á policía local como medida coercitiva. O mesmo que aconteceu nos actos de inauguración da derradeira Poesía Salvaxe. E, por riba, desvincúlase da actuación policial como se a concellalía de seguridade non fora da súa responsabilidade.
Denunciamos que o goberno Psoe, tanto desde o goberno local de Ferrol como desde a Subdelegación do Goberno adícase a aplicar, sistemáticamente, medidas coercitivas que coartan os dereitos fundamentais da cidadanía, aplicando esa Lei Mordaza do PP que o propio Psoe ía derogar axiña chegara ao goberno central.
Asimesmo, criticamos a FeC e ao BNG por seren cómplices da situación e apoiar agora un acto diferenciador preeleitoral pretendendo marcar as diferencias nun último momento cando, por inacción ou omisión, eles tamén foron responsabeis de que en toda a lexislatura o goberno Mato poidera amosar unha gobernanza tan déspota coa cidadanía.
Iolanda Teixeiro Rei
Portavoz de Ligando Ferrol
http://www.ligando.org/
Facebook | Twitter
Enviado por:
LiGanDo Ferrol
-ligando.ferrol@gmail.com-
10 de agosto de 2022 11:50
_______
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon