Apresentaçom em Ferrol do livro 'José Afonso - Todas as Canções', obra imprescindível da autoria de Guilhermino Monteiro, José Mário Branco, João Lóio e Octávio Fonseca - No Ateneo Ferrolán a Sexta-feira, 26 de novembro, ás 7 da tarde - Com Antón Cortizas e coa música e as vozes de María Manuela e Manolo Bacalhau

Apresentaçom em Ferrol do livro "José Afonso - Todas as Canções"

Em Ferrol, no Ateneo Ferrolán, a Sexta-feira, 26 de novembro, ás 7 da tarde.

✅ Apresenta: Antón Cortizas.

✅ Intervenhem: Henrique Marqués, António Pimenta e Guilhermino Monteiro.

✅ Intervençom musical: María Manuela e Manolo Bacalhau.

O livro "José Afonso – Todas as Canções", obra imprescindível da autoria de Guilhermino Monteiro, José Mário Branco, João Lóio e Octávio Fonseca, reúne as partituras, letras e diagramas de acordes de 159 canções de José Afonso. Depois de em 2010 ter sido dado à estampa pela “Assírio & Alvim”, onde teve duas edições, volta agora a estar disponível com edição / distribuição da Associação José Afonso. Viva!

Dos dias 23 ao 27 contaremos em várias localidades da #Galiza com as apresentaçons dum livro que consideramos fundamental para descubrir todas as facetas do José Afonso como mestre da cançom popular portuguesa.

Genial autor e intérprete de cançons e incansável luitador, a sua vasta obra discográfica, iniciada em 1953 e terminada em 1985, constitui um manancial inesgotável de inspiraçom e de aprendizagem.

Graças ao seu talento excepcional, renovou a cançom popular a partir da tradiçom musical em que se iniciou, integrando novas influências e marcando decisivamente as geraçons seguintes.

Rachando preconceitos sobre a cançom de intervençom, esta compilaçom que reúne as partituras de todos os temas que gravou, com as respectivas letras e diagramas, mostra toda a complexidade da sua obra que contribuiu para elevar os padrons de qualidade no uso da palavra cantada.

É pois de grande utilidade para quem quiger aprender e interpretar musicalmente os temas do Zeca. Depois de duas ediçons em 2010, está de novo disponível com ediçom e distribuiçom a cargo da Associação José Afonso e desde este mês chega também ao nosso país da mao dos autores.

✔ Libraría Pedreira
✔ Libraría Cartabón
✔ Ateneo Ferrolán
✔ Amigos dos Museos de Galicia - Portas Ártabras Asociación Cultural Pertenza
✔ Rede da GaliLusofonia

Todas as canções

PRÉ-VENDA do livro "José Afonso – Todas as canções" (Envios a partir de dia 22 de novembro).
 
15€ + portes / correio registado nacional (6.50€ por 1 livro + 0.50€ por cada livro extra). Atenção: Para encomendas para o estrangeiro contacte-nos através do email:

ajacomprar@gmail.com

https://www.facebook.com/ajagaliza

Associaçom José Afonso - Galiza
http://aja.gal/

Associação José Afonso - Portugal
http://www.aja.pt/

Ateneo Ferrolán
Un lugar de encontro para a cultura dende 1879 na cidade.
e-mail: secretaria@ateneoferrolan.org | Telf.: +34 981 357 970 - 644.720.055 | Dirección Postal: Rúa Magdalena 202-204. CP.15402 | Ferrol (Galiza)
@ateneoferrolan | Blogger | Facebook | Faite soci@ on line! | Colabora con nos!
_______

Apresentaçom do livro-CD 'O colo das palavras, unha grainha de semente', hoje sexta-feira 20 de dezembro às 8 da tarde, na Fundaçom Artábria, com Antón Cortizas, Antia Cortiças, e a música e voces de Oscar Fojo, Manolo Bacalhau, Xoán Padín e José Esteban

Hoje sexta-feira, 20 de dezembro, às 20.00hs decorrerá a apresentaçom do Colo das Palavras no Centro Social com a participaçom de Antia Cortiças e Antón Cortizas e a música de Manolo Bacalhau, Óscar Fojo e Xoán Padín.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
____________________

A Xunta Xeral de accionistas de Sermos chama a se subscribir ao Diario Galego - O mestre e escritor ferrolán, Antón Cortizas Amado, expresa o seu desexo de que 'O Diario Galego' destaque pola súa veracidade, rigor e profesionalidade - O Diario Galego sería un feito de normalidade para a nosa existencia como país

Persoas do grupo impulsor, representantes de diferentes organizacións e entidades do tecido económico,
social, cultural e político do país asistiron ao acto de presentación das liñas básicas do proxecto,
un xornal diario, que Sermos Galiza proxecta lanzar en 2019.

A Xunta Xeral de accionistas de Sermos chama a se subscribir ao Diario Galego

A Xunta Xeral ordinaria de accionistas de Sermos Galiza S. A. concluíu cun chamado a se subscribir ao Diario Galego, o proxecto de xornal en papel promovido pola empresa.

A xunta, celebrada este sábado, valorou moi positivamente a iniciativa desenvolvida polo Consello de Administración, ao que instou, ademais, a poñer en marcha medidas para acadar os 3.000 subscritores e subscritoras antes do 31 de xullo de 2018. É dicir, ao longo de maio, xuño e xullo. Estes son os apoios e os prazos necesarios para que o novo produto xornalístico estea na rúa en 2019.

O Consello de Administración, presidido por Xoán Costa, informou ao accionariado de Sermos das “medidas específicas” adoptadas no proceso e dos contactos realizados para conformar o grupo impulsor. Tres grupos de persoas traballan xa no proxecto do Diario Galego: un deles dedicado ás tarefas de impulso e lanzamento, outro para procurar subscricións e outro na dimensión xornalística. Nos tres hai persoas da empresa e outras alleas á mesma.

A Xunta Xeral de accionistas tratou, a maiores, outros temas. As contas -por segundo ano consecutivo houbo resultado económico positivo- e o informe de xestión foron aprobadas sen ningún voto en contra. 

A xestión ordinaria da empresa -funcionamento do semanario, do portal web ou da edición de libros- foi igualmente obxecto da xunta. Como tamén a valoración da conmemoración do quinto aniversario de Sermos Galiza, ocorrida entre o 26 de abril e o 25 de xullo de 2017.
---

O mestre e escritor ferrolán, Antón Cortizas Amado,[*] expresa o seu desexo de que 'O Diario Galego' destaque pola súa veracidade, rigor e profesionalidade

Tamara Martínez Pastoriza, entrevista a Antón Cortizas.

"O Diario Galego sería un feito de normalidade para a nosa existencia como país"

Que esperas de O Diario Galego?

Duración e contaxio. Sería un feito de normalidade para a nosa existencia como país. É o máis normal ter medios de comunicación no idioma que nós inventamos.

Por que é necesario?

É imprescindíbel. A nosa maior particularidade é o idioma, e dentro del, a comunicación a través do mesmo: das noticias, do arredor, do que está pasando. Paréceme de pura necesidade e sentido común ter un medio na nosa lingua. Espero tamén que sexa un diario que destaque pola súa veracidade, rigor e profesionalidade, e sobre todo, que non estea vendido a ninguén.

Que pegada podería ter no ensino e na creación literaria?

Como toda prensa, terá un apartado dedicado á cultura e polo tanto, será divulgador da parte literaria. Haberá xente que con grande mestría na man escriba columnas e outras pezas, converténdoo nun escaparate máis para manifestar a nosa literatura e a nosa maneira de escribir. Espero que estea cheo desas palabras lindas e harmoniosas da literatura como divulgadora da mesma.
___
Nota.- Para facer de O Diario Galego unha realidade, necesitamos sumar 3 mil subscricións. | Ir á Web.

Publicado en: Sermos Galiza, baixo licenza Creative Commons. | O 29 e o 14 Abril de 2018.

[*]  Antón Cortizas Amado -Ferrol 1954, autobiografía, obra, videoteca, fototeca, materiais didácticos e outros... no Centro de Documentación da Asociación de Escritores e Escritoras en Lingua Galega -AELG. | Ir á Web.
 ______________

Atelier de Origami com Antóm Cortizas esta sexta-feira, 9 de março, na Fundaçom Artábria e o sábado. 10 de março, concerto de Manolo Bacalhau no Dia da Classe Obreira Galega

Atelier de Origami com Antóm Cortizas esta sexta-feira

Nesta sexta-feira, 9 de março,  às 19hs, Antom Cortizas dará continuidade ao atelier de origami para crianças e famílias. A atividade é pensada para crianças a partir dos 5 anos. Precisa-se de inscriçom prévia, a qual é gratuita. Há um límite para 15 crianças. Podes inscrever-te no 671 200 160 (Lara) ou no correiodeartabria@gmail.com.

Concerto de Manolo Bacalhau no Dia da Classe Obreira Galega

No dia 10 de março, Dia da Classe Operária Galega, depois da mobilizaçom da CIG, haverá jamom assado com patacas e pam a  preços populares no Centro Social.

Às 22.30hs, o cantor ferrolano Manolo Bacalhau porá trilha sonora a esta jornada de reivindicaçom proletária e lembrança de março de 1972. O concerto é de graça.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.


Enviado por:
Fundaçom Artábria
-artabria@artabria.net-
8 de março de 2018 16:01
____________