Home Posts filed under Celulosa
Amosando publicacións coa etiqueta Celulosa. Amosar todas as publicacións
Amosando publicacións coa etiqueta Celulosa. Amosar todas as publicacións

xoves, xullo 22, 2010

Uruguai: Un estudo sobre a aplicación de agroquímicos nas plantacións de eucaliptos, indica que "ao analizar un por un os agrotóxicos utilizados, conclúese que todos son perigosos e considéranse como potencialmente cancerígenos"

✔ Saúde e Liberdade ! Comment

URUGUAI-AGROTÓXICOS

Estudo sobre agroquímicos sinala uso de sustancias tóxicas en eucaliptos

A Rede de Acción en Praguicidas e as súas Alternativas para América LatinaRAP-AL) de Uruguai ( presentará ao Goberno os resultados dun estudo sobre a aplicación de agroquímicos nas plantacións de eucaliptos.
Audios dispoñibles:

De acordo á investigación de RAP-AL Uruguai, nas plantacións utilízanse herbicidas, hormiguicidas e fertilizantes.

O estudo indica que "ao analizar un por un os agrotóxicos utilizados, conclúese que todos son perigosos e considéranse como potencialmente cancerígenos".

Entre as conclusións, destácase que as sustancias utilizadas son "altamente tóxicas, tanto para os traballadores que as manipulan como para o medio ambiente".

Sinálase á empresa Forestal Oriental como responsable pola utilización dos herbicidas.

Colaborou co informe a Rexional Latinoamericana da Unión Internacional dos Traballadores da alimentación, Agrícolas, Hoteis, Restaurantes, Tabaco e Afíns (REL - UITA) .

Ademais, invitouse especialmente aos ministerios de Traballo e Seguridade Social, Saúde Pública, Ordenamento Territorial e Medio Ambiente, e a representantes do Parlamento.

O documento será enviado tamén á compañía e ás súas traballadoras e traballadores.

Forestal Oriental conta cun total de 215 mil hectáreas de terra administradas e distribuídas ao longo dos departamentos de Durazno, Lavalleja, Paysandú, Río Negro, Soriano e Tacuarembó.


A actividade da empresa céntrase na plantación de eucaliptos, co obxectivo de prover á planta de celulosa de Frei Bentos.

Notas relacionadas:
Fonte: Axencia Informativa PÚLSAR

Enviado por:
Pulsar Agencia Informativa
-suscripciones@agenciapulsar.org-
21 de julho de 2010 21:28
_____________

mércores, maio 21, 2008

Argumentario que fai chegar o BNG aos Portavoces Municipais sobre a polémica do traslado da Celulosa de Pontevedra [ENCE - ELNOSA]

✔ Saúde e Liberdade ! Comment
______________________________

SECRETARÍA DE ACCIÓN MUNICIPAL

ARGUMENTARIO POLÉMICA SOBRE TRASLADO DE ENCE

1.- Apelar á prudencia e ao rigor, non especular e menos alimentar irresponsabelmente loitas localistas.

2.- Hai que actuar con responsabilidade, discreción e prudencia. Cando exista un proxecto firme, se coñeza e se plantexen ubicacións entón falaremos.

3.- A día de hoxe o importante para nós é que existe a posibilidade de que se formalice un proxecto industrial de grande valor para o país. Un proxecto industrial:

a) Galego, con capital galego.

b) Que por primeira vez faría revertir os beneficios da enerxía eólica que produce o país nun proxecto industrial autóctono, para xerar riqueza e emprego en Galiza.

c) Que pretende non un simple traslado, senón unha nova planta que ademais complete o ciclo produtivo cunha papeleira facendo realidade unha vella aspiración.

d) Que solucionaría o grave problema de ubicación actual de ENCE, en terreos de dominio público marítimo-terrestre, nun espazo que non é apto para esta actividade e que impide o desenvolvemento urbano de Pontevedra e Marín e a recuperación e rexeneración da ría de Pontevedra.

4.- O BNG non está por cambiar un problema dun lugar a outro. Ese non é o obxectivo, hai que traballar, e nesa liña se está traballando desde o Goberno galego, por superar o problema, non por cambialo de lugar. Apóstase por un novo proxecto industrial, unha nova planta que se terá que ubicar loxicamente en espazos industriais preparados para acoller esta e calquera outra actividade industrial.

5.- Polo tanto, está fóra de lugar polemizar sobre hipotéticas localizacións sen coñecer aínda o proxecto industrial e as propostas de ubicación. O importante agora é desexar éxito a calquer intento de construír un proxecto industrial galego potente.

Santiago de Compostela, 20 de maio de 2007 [2008]
_______________

O Comité Cidadán de Emerxencia ante a posible localización da Celulosa na nosa Ría

✔ Saúde e Liberdade ! Comment
De: Comité Cidadán de Emerxencia -comitecidadan@gmail.com-
Para: artabra21@gmail.com
Data: 21 de maio de 2008 09:23
Asunto: Nota de prensa do CCE ante a posible ubicación da Celulosa na nosa Ría


Diante das noticias recollidas nos medios de comunicación segundo as cales, unha serie de empresarios xunto a Empresa Nacional de Celulosas faríanse co control de complexo industrial de Ence en Pontevedra e pretenderían recolocalo noutros lugares, citando entre outros ao Porto Exterior de Ferrol. Diante isto, o CCE manifesta:

Amosar o noso apoio a Plataforma en Defensa da Ría de Pontevedra como así o fixemos acudindo a pasada mobilización, para esixir o traslado de Ence e denunciar os atrancos a este compromiso da Xunta de Galicia. Unha longa loita a desenvolvida pola Plataforma, que a pesar dos atrancos abrirase paso, para por fin acadar a recuperación da Ría de Pontevedra como patrimonio de todos.

Na Ría de Ferrol está a se acometer a maior agresión medioambiental neste pais coa a planta de gas de Reganosa, instalada ilegalmente e en funcionamento dende fai un ano, que ameaza a vida de miles de persoas, a Ría e o Patrimonio. Os promotores de Reganosa pretenden agora ampliar a capacidade de regasificación e a Autoridade Portuaria a voadura da canle de entrada, a pesares da súa inutilidade, pos os gaseiros nunca poderán cumprimentar a normativa de emerxencia dentro da Ría de Ferrol.

As novas recollidas nos medios nestes días relativas ao posible emprazamento da celulosa de Ence no Porto Exterior de Ferrol, os silencios institucionais, cando non as advertencias a "discrecionalidade", poñen de manifesto que a política depredadora levada a cabo por e para beneficio dunha minoría, só pode materializarse coa complicidade institucional, tal e como vemos a cotío no acontecido na Ría de Ferrol o longo dos últimos anos.

O CCE denuncia esta política encamiñada a sacrificar a Ría de Ferrol, segundo o guión establecido no ano 97 no libro promovido pola Xunta de Fraga e titulado "Elementos para unha ordenación integral dos usos do medio litoral de Galicia", e chama a toda cidadanía de Ferrolterra a dicir basta , acudindo a manifestación do próximo día 8 de xuño as 12h que sairá do Porto de Ferrol para defender a vida, a Ría e o Patrimonio, impedir a materialización das novas ameazas e esixir a paralización de Reganosa.

Ferrol a 20 de Maio de 2008

Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org
__________

Enlace Relacionado:

Argumentario que fai chegar o BNG aos Portavoces Municipais sobre a polémica do traslado da Celulosa de Pontevedra [ENCE - ELNOSA]
___________



_________
Boletín nº 14 do Comité Cidadán de Emerxencia para a Ría de Ferrol
http://na-defensa-da-ria-de-ferrol.blogspot.com/
____________
Subscribirse a: Publicacións (Atom)