Brasil é o primeiro país do mundo en formalizar na lexislación o Comercio Xusto

Brasil é o primeiro país do mundo en recoñecer o Comercio Xusto e Solidario a nivel institucional e lexislativo

O pasado 17 de novembro durante a reunión plenaria do Conselho Nacional de Economia Solidaria (CNES) en Brasilia, o Presidente do Brasil aproveitou para asinar o decreto que así o fai efectivo. Con este decreto será posible consolidar e ampliar as políticas públicas para o sector e tornar permanentes as conquistas dos traballadores brasileiros, segundo diso Lula Da Silva durante o acto de sinatura.

O Sistema Nacional do Comercio Xusto e Solidario é un conxunto de parámetros a ser seguidos na execución de políticas públicas viradas à xeración de traballo e renda por medio de accións de promoción da economía solidaria e do comercio xusto. Entre os seus obxectivos están: apoiar procesos de educación para o consumo con vistas à adopción de hábitos sustentábeis e à organización dos consumidores para a compra dos produtos e servizos do comercio xusto e solidario; fortalecer unha identidade nacional de comercio xusto e solidario, por medio da difusión do seu concepto e do exercicio das prácticas que lle son inherentes; e favorecer a práctica do prezo xusto para quen produce, comercializa e consome.

A economía solidaria, afirmou o presidente de Brasil, é unha alternativa para a xeración de emprego e renda, alén de importante saída para incentivar o País a adoitar hábitos sustentábeis de comercio, que sexa xusto e solidario. O Brasil xá é referencia mundial no asunto desde 2003, cando foi criada a Secretaria Nacional de Economía Solidaria. E a acción só se tornou ben sucedida, afirmou Lula, porque o goberno instituíu un diálogo permanente coa sociedade civil para construír as políticas públicas necesarias. "Pagou a pena todo o esforzo realizado por este goberno para fortalecer a economía solidaria no Brasil. Mais é preciso recoñecer que aínda hai moito por facer. A actuación do Conselho Nacional de Economia Solidária e a r ealización periódica das Conferencias Nacionais certamente van continuar a garantir as condicións para que traballadores e traballadoras do País poidan construír unha rede de economía solidaria cada vez mais sólida e sustentábel", destacou.

Desde AMARANTE Setem cremos que esta unha moi boa nova pois un dos grandes problemas cos que se atopa o Comercio Xusto á hora de expandirse é a falla de iniciativas lexislativas o cal coloca ao movemento do Comercio Xusto nunha situación de indefensión xuridica que impide o seu desenvolvemento máis aló dos pequenos nichos de concienzados.

Máis info en www.comercioxusto.com

Asociación Galega AMARANTE Setem
Romero Donallo, 17
15706 COMPOSTELA
Telefax 881 978 705
www.amarantesetem.org

Enviado por:
AMARANTE Setem
-amarantesetem@amarantesetem.org-
24 de novembro de 2010 23:05
__________________

Zoila Orquera, productora de Comercio Xusto do centro femenino 8 de Marzo do Ecuador, vista Ferrol este Luns 14 de Decembro

[Para ampliar clicar acima do cartaz]



 --
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es

Enviado por:
Fuco Buxán Asoc. Cultural - Ferrol
-fucobuxan@gmail.com-
11 de dezembro de 2009 23:30

Amarante: Seminario "Consumo Responsable e Cambio Climático"

Anunciamovos a celebración do Seminario "Consumo Responsable e Cambio Climático" que se desenvolve no marco da X Semana Galega do Comercio Xusto e que terá lugar entre o 24 e o 26 de abril de 2009 en Santiago de Compostela.

A incrición a todo o Seminario debe facerse a través da Universidade de Santiago de Compostela (Máis información no adxunto) e ten un custe de 30 € (Gratuito para socias-os de Amarante).

A entrada é libre e gratuita se desexades asistir so as conferencias, so pedimos nos enviedes confirmación de asistencia ao correo electrónico "ourense@amaranteong.org" ou a través do teléfono 988601921.

Adxuntamos o programa do seminario en enlace máis abaixo.

Agardamos poder contar coa vosa presencia, recibide un cordial saúdo.

Amarante, xunto coa Universidade de Santiago de Compostela desenvolve entre o 24 e o 26 de abril o seminario titulado CONSUMO RESPONSABLE E CAMBIO CLIMÁTICO no que contaremos en Galicia coa presencia de membros de Greenpeace, Veterinarios sen Fronteiras, Ecologistas en Acción, Universidade Rural Paulo Freire, Centro de Investigación sobre Consumo (CRIC-Revista Opcións) ou Via Campesina que analizarán a problemática do cambio climático e trazarán as liñas estratéxicas para sair das múltiples crises no que está inmerso o modelo de produción e consumo capitalistas. Estratexias que pasan, sen dúbida, polo consumo responsable transformador.

Así, denunciar a relación entre o modelo económico homicida e suicida e a crise ecolóxica, adaptar as alternativos en marcha aos impactos do modelo dominante no sur e no norte e situar o consumo responsable no centro das alternativas cara a sustentabilidade son obxectivos específicos do presente seminario. Fomentando e propiciando a posta en práctica de medidas a escala individual e colectiva que permitan evitar o infarto ecolóxico en xeral e loitar contra os efectos do cambio climático en particular.

A crise alimentaria, ecolóxica e agora tamén económica son a impronta do capitalismo do século XXI. O mundo construído sobre relacións humanas inxustas e desiguais deixa o rastro da débeda ecolóxica entre o norte e o sur do planeta, o cal ten o seu máximo expoñente no “cambio climático”. O modelo económico dominante impón a prioridade dos beneficios por enriba dos dereitos laborais e humanos, mentres o modelo de consumo enerxético e agroalimentario devora sen fin os recursos naturais deixando tras de si o rastro do empobrecemento.

Neste contexto xorden alternativas e resistencias: o consumo responsable aparece como unha ferramenta para provocar a transformación social necesaria. O establecemento de novas fórmulas comerciais baseadas na cooperación, o respeto ao medio ambiente e as culturas locais, a soberanía alimentaria e a abordaxe das problemáticas estructurais que xeran o empobrecemento e a crise ecolóxica sitúanse como as liñas de traballo sobre as que deben pivotar as políticas do século XXI.

Semella polo tanto imposible de disociar a crise social global da crise ecolóxica. É polo tanto o momento de abordar os problemas globais como a do cambio climático con un enfoque sistémico, así, trocar o patrón de consumo cara un xusto e equitativo, presionar politicamente e construír alternativas as estructuras do modelo económico e social dominante constitúen os tres pilares básicos para construír a sustentabilidade ecolóxica e social.

Programa e inscrición:

Neste enlace pode-se baixar o Programa e a Inscrición ao Seminario "Consumo Responsable e Cambio Climático", en formato -pdf-

___________________________

AMARANTE é unha Organización Galega de Cooperación para o Ecodesenvolvemento.

http://www.amaranteong.org/
_______________________________