Guía para vestir sen traballo escravo - As rebaixas teñen o seu lado escuro - Libro

REBAIXAS SEN TRABALLO ESCRAVO

As rebaixas teñen o seu lado escuro

Unha guía para coñecer as condicións de traballo que as empresas de moda textil impoñen aos seus traballadores e traballadoras

A morte de máis de 1.000 persoas no derrube dunha fábrica textil en Bangladesh puxo sobre a mesa outra vez unha dolorosa realidade: moita da roupa que vestimos está producida en condicións de explotación moi graves, que en moitos casos aseméllanse á escravitude.

Guía para vestir sen traballo escravo

Setem
Albert Saes

Máis Madeira, 95
Consumo e decrecimiento
Globalización
Xustiza e dereitos humanos
Relaciones Norte-Sur
Traballo e exclusión social
ISBN: 9788498885088
Ano Publicación: 2013
páxinas: 128
PVP: 11 €

Esta publicación quere dar resposta ás inquietudes das persoas que nos cuestionamos que se esconde detrás das etiquetas das nosas pezas de roupa. Faise moi difícil vestir-se sen ser cómplice dun sistema que non sitúa ás persoas no centro das decisións. Estas páxinas non son unha "lista branca" de tendas onde ir de compras coa conciencia tranquila, son unha análise da situación dos dereitos laborais na industria global da confección e unha lista de iniciativas que mostran que si existen outros xeitos de producir e consumir roupa. Outro mundo non é só posible senón que xa existen multitude de alternativas próximas que teñen como prioridade as persoas, o medio ambiente e o desenvolvemento sostenible.

Esta Guía publica-se grazas aos e as 256 mecenas que colaboraron no primeiro proxecto de financiamento colectivo (crowdfunding) da Campaña Roupa Limpa. ¡Moitas grazas!

A Campaña Roupa Limpa somos unha rede internacional de ONG, sindicatos e organizacións de consumidores que, desde principios dos anos noventa, denunciamos as condicións laborais que sofren as obreiras e os obreiros da confección. En España, a Campaña Roupa Limpa está liderada desde 1997 por SETEM, unha federación de dez ONG que denunciamos as causas da inxustiza global e construímos alternativas para unha economía solidaria.

setem.org / ropalimpia.org

Información Relacionada:

• Marcas de roupa, sindicatos e ONG poñen en marcha un plan para mellóraa da seguridade en Bangladesh
• Índice e prólogo. Guía para vestir sen traballo escravo

http://www.icariaeditorial.com/
_______________

Que o teu Nadal non o pague o ambiente !! - Campaña de ADEGA por un Nadal 2010 máis verde e bio-diverso

Colabora para facermos un Nadal 2010 máis verde e bio-diverso

Compostela, Nadal de 2010. O 2010 foi o ano da biodiversidade e da crise económica e ambiental. Dende hai algún anos, ADEGA desenvolve nestas datas campañas relacionadas con diversos aspectos do Nadal: “Neste Nadal... os meus agasallos sen pilas”, “Carta das raíñas magas” ou "Por un Nadal máis ecolóxico" foron algunhas das iniciativas que invitaban a reflexionar sobre a importancia da contención do consumo no Nadal. Animamos á cidadanía neste 2010 a afrontar as festas e o vindeiro ano con espírito ecoloxista. Malia á crise, as previsións de consumo nestas datas non son moi diferentes ás de outros anos. Mais o realmente certo é que o ecosistema Terra si está en crise dende hai tempo. Non podemos sacrificar o ambiente en prol dun progreso consumista e espoliador. Outra maneira de vivir é precisa se queremos conservar a riqueza común que é a biodiversidade. Eis algúns consellos para que o noso comportamento nestas festas non contribúa a deteriorar o noso patrimonio natural.

A celebración do solsticio de inverno ou da festa relixiosa converteuse para a maioría nunha festa do consumismo. Na sociedade actual somos representados como cidadáns consumistas, que en decembro exaltamos esta faceta de xeito que este podería ser tamén o "mes do orgullo consumista”. No entanto, cada vez somos máis o que opoñémonos a esta esquizofrenia das compras superfluas.

É probable a crise económica contribúa a reducir o impacto, pero o ambiente leva décadas clamando por unha redución no ritmo de consumo de recursos naturais. Constátase un gasto de enerxía superior ao necesario, unha produción de residuos esaxerada, o aumento do uso do transporte privado, o incremento de emisións de efecto invernadoiro e da contaminación en xeral … Son estes os síntomas de unha sociedade en perigo.

A conservación da natureza e da súa diversidade, precisamente neste Ano Internacional da Biodiversidade, pasa polo seu coñecemento e respecto, tamén en épocas festivas. Velaquí algúns consellos para que durante estas festas, os nosos comportamentos non contribúan aínda máis a degreadar o noso patrimonio natural:

• De agasallar mascotas (millor en adopción procedente dun refuxio de animais) ou plantas, hai que ter en conta que a persoa á que vai destinada será a responsábel de coidala axeitadamente todo o ano. Poderá?... Con todo, procurar evitar agasallos de animais ou plantas exóticas porque poden provir de ecosistemas en perigo. Ademais, a súa liberación fortuita ou benintencionada no noso ambiente pode causar graves danos á biodiversidade autóctona.

• Na nosa mesa mellor produtos locais e de tempada, sen esaxerar en cantidade para non ter que tirar despois a comida. Evita aqueles alimentos que percorreron moitos Kms até o noso prato procedentes de monocultivos en zonas taladas de bosque tropical, como son as ananas, ou ben de ecosistemas fráxiles, como o caso da cría de lagostinos nos manglesais. Innova este ano e muda de menú, compra produtos ecolóxicos e de comercio xusto.

• Non espolies o monte, evita arrincar seres vivos para os adornos naturais. Especies como o acivro ou a xilbardeira (ruscus) foron comunmente arrincados para este fin. Mellor que eles fiquen no medio natural e nós botémoslle imaxinación á hora de engalanar a casa.

Máis información: María Xosé Castro Fernández, Vogal de Consumo Responsable

Escritos en Cerna de María Xosé Castro Fernández

Contacto: 981570099; mariaxose@adega.info

Fonte: adega.info

Outros:

Por un Nadal máis ecolóxico

Ano da biodiversidade

 Nadal ECOLOXICO

Listas ROBINSON
_________________

Unha manchea de organizacións e colectivos a nivel estatal convocan unha Folga de Consumo para o 21 de Decembro deste 2010 - A CGT-Galicia realizou unha Acción en apoio á Folga de Consumo e a Manifestación do 21-DEC en Vigo - Interesantisimo Chamamento da CGT

Desde hai tempo unha inciativa de moito interese pecorre a rede e os bairros peninsulares, máis de 100 organizacións e entidades de todo tipo organizan unha Folga de Consumo contra o Capital, con data concreta deste Martes 21 de Decembro de 2010. Unha iniciativa que na Galiza non está tendo moita transcendencia, a pesar de ser unha importante ferramenta de toma de conciencia e loita contra a esencia do capitalismo, o modelo neoliberal e o consumismo que invade os nosos fogares e mentes nestas datas de festas do natal, as catedrais do consumo están cheas de "feligreses" para gastar o que teñen e o que non.

Calquer organización, ou persoa a nivel particular, pode apoiar esta convocatoria entrando e escreber no formulario que está no seguinte sitio web:
http://www.huelgaconsumo.org/5094.html.

Só quedan dous días para a convocatoria desta primeira Folga Estatal de Consumo, son máis de 100 as organizacións que apoian a iniciativa, de todas as partes do Estado, proporcionalmente son moi poucas, deberían ser miles, mais a iniciativa ten moito valor, podemos secunda-la apoiando e difundindo a convocatoria que se foi construíndo día a día entre todas as organizacións.

O pasado 26 de Novembro deste ano 2010, tivo lugar, unha iniciativa parecida mais diferente, a 19º edición do "Día sen Compras", un evento internacional que se secunda en máis de  60 territorios. este día evolucionou desde a súa primeira edición en 1992 en Vancouver -Lower Mainland da Columbia Británica, no Canadá- até converter-se nunha data sinalada a nivel mundial onde os colectivos críticos co modelo e os valores consumistas, aproveitan para denunciar as súas consecuencias e propor alternativas de consumo responsábel. Do que se trata agora con esta Folga de Consumo, o vindeiro 21 de Decembro, é dar-lle continuidade, con unha acción máis, á Folga Xeral do 29S.

Lista provisional de organizacións sociais, sindicais, políticas, de consumidores, ... que xa expresaron o seu apoio ao manifesto que convoca a Folga de Consumo para o próximo 21 de Decembro.

Lista provisional de organizacións adheridas:

1. * FACUA CASTILLA Y LEON - Consumidores en Acción.
2. * Ecologistas en Acción.
3. * CGT
4. * Amigos de la Tierra.
5. * Federación de Asociaciones de Vecinos de Valladolid.
6. * Onda Expansiva Radio – Valladolid.
7. * Sindicato Obrero Inmigrante (SOI-CTM).
8. * Colectivo Queda la Palabra.
9. * ONG Africando.
10. * Planeta Finito.
11. * XARXA de Consum Solidari.
12. * Asociación Andaluza por la Solidaridad y la Paz (ASPA).
13. * Unión de Actores de Castilla y León.
14. * Alternativa Universitaria.
15. * SODEPAZ – Valladolid.
16. * Sonríe y Lucha – Valladolid.
17. * Otro Teatro – Valladolid.
18. * Valladolid Web Cultural.
19. * Izquierda Anticapitalista Valladolid
20. * Partido Comunista (Agrupación Villaverde) – Madrid.
21. * Solidaritat Obrera.
22. * Jóvenes Verdes.
23. * WWF - Grupo Asturias.
24. * Asociación Cultural EcoBierzo.
25. * Los Verdes – Cádiz.
26. * Ciudadanos de Centro Izquierda.
27. * Cooperativa Alternativa y Acción Solidaria.
28. * ADP (ONGD "AMICS DE PALANQUES").
29. * Asamblea de Vallekas por la Huelga General.
30. * Asociación Andaluza por la Solidaridad y la Paz (ASPA).
31. * Asociación la Bombilla Verde.
32. * Colectivo La Aldea.
33. * Amigos del Pueblo Saharaui – AVILA.
34. * BarriodelCarmen.NET.
35. * Bloque primeroizquierda (en construcción) – GRANADA.
36. * Plataforma por los derechos sociales de la Sierra del Guadarrama.
37. * DESAZKUNDEA.
38. * PAPERS PER A TOTES I TOTS - LA SAFOR.
39. * WU XING ZINE.
40. * Asociación Cultural Violeta Smith.
41. * “La Biblio” Biblioteca Social Autogestionada.
42. * Ateneo Libertario La Idea, Madrid.
43. * Ateneo Confederal Rojo y Negro.
44. * Revista Libre Pensamiento.
45. * Periódico Rojo y Negro.
46. * Red de Economía Alternativa y Solidaria (REAS) - Aragón.
47. * Plataforma "Que la crisis la paguen los ricos" de Zaragoza.
48. * Coordinadora de Movimientos Sociales de Zaragoza.
49. * Asociación Nuevo Ruesta.
50. * STERM.
51. * STEPV-IV.
52. * EUPV-La Unitat-Verds.
53. * Papers y Plataforma Pels Pobles.
54. * Acción Antifascista Salamanca.
55. * Colectivo Estudiantil Alternativo de Salamanca - (CEA).
56. * SOV - Confederación General del Trabajo de Salamanca - (CGT)
57. * Izquierda Unida de Salamanca - (IU)
58. * Juventudes Comunistas de Salamanca (UJCE)
59. * Partido Comunista de España - Agrupación de Salamanca -(PCE)
60. * Unidad Estudiantil (UnE).
61. * Foro Social de Tomelloso.
62. * Juventudes Comunistas de Tomelloso.
63. * Baladre.
64. * Plataforma pels Drets Socials de València (que agrupa a cerca de 40 colectivos).
65. * Izquierda Unida Valladolid.
66. * Izquierda Republicana. Agrupacion de Salamanca.
67. * Assemblea pels Drets Socials (ADS) del Garraf.
68. * SASTIPEM THAJ MESTAPEM.
69. * Jóvenes Verdes.
70. * Cooperación Alternativa y Acción Solidaria.
71. * Grupo el cosmopolita (jóvenes anarquistas de Valladolid).
72. * ALTERNATIVA SINDICAL DE TRABAJADORES (AST).
73. * Foro Social de Segovia.
74. * rakatapam.org.
75. * Assemblea pels Drets Socials (ADS) del Garraf. 75. Asamblea libertaria de Soria.
76. * La Aurora.
77. * Colectivo Antisistema Soriano.
78. * Colectivo ConSuma Responsabilidad.
79. * Izquierda Anticapitalista de Burgos.
80. * IU Burgos.
81. * PCE Burgos.
82. * JOC Burgos.
83. * Juventudes Comunistas de Burgos.
84. * "¿Quién debe a Quién? Madrid.
85. * CNT Joaquín Costa.
86. * Segovia de Izquierdas.
87. * Coordinadora Antifascista de Segovia.
88. * Los gatos del Parbú (Colectivo musical).
89. * Federación de Asociaciones de Vecinos de Salamanca (Fevesa).
90. * FFM Isidora Duncan.
91. * BAF Lugo.
92. * Coordinadora Verde.
93. * Naturtarbena.
94. * AEYUCE.
95. * JATAAY.
96. * Colectivo no nos resignamos.
97. * Trasversales.
98. * Colectivo Social ISKRA (Alcobendas).
99. * Foro Social de Ciudad Real.
100. * Ecologistes en Acció.
101. * Recyclanet
102. * ESTAT VALENCIÀ
103. * Traffic Mutants
104. * Asociacion Juvenil Elefanter - Madrid
105. * Asociación ONG Caravana Arcoíris por la Paz
106. * Gurutzne
107. * Cooperativa de consumo ecológico La Pera
108. * Altermundista CR

Para máis información hai un sitio web de moito interese:

http://www.huelgaconsumo.org/
_________________________

A CGT-Galicia realizou unha Acción en apoio á Folga de Consumo e a manifestación do 21D en Vigo

Fíxose un chamamento á propia Folga e tamén á Manifestación do próximo martes

Un grupo de activistas encadeou onte aos mariñeiros do “Monumento ao traballo” en Vigo. Hoxe aínda conservaban as cadeas e as pesadas cargas que soporta a clase traballadora. Como unha imaxe vale máis que mil palabras velaquí a galería fotográfica do resultado da acción …

Chamamento da CGT

ESTE MARTES 21 DE DECEMBRO
FOLGA DE CONSUMO CONTRA O CAPITALISMO
MANIFESTACIÓN EN VIGO
XORNADA SEN CONSUMO, DÍA SEN COMPRAS
POR QUE UNHA FOLGA DE CONSUMO?

Tras a Folga Xeral do 29-S, traballando pola convocatoria de novas folgas xerais no estado español e unha Folga Xeral europea, proseguimos cun calendario de mobilizacións, manifestacións, de loitas en fábricas, empresas, sectores, territorios … contra as políticas antisociais do goberno, a reforma laboral, a reforma das pensións, os recortes sociais e laborais, ata conseguir a derrogación de todas estas leis e instaurar as bases dun novo modelo social, económico e produtivo que non estea baseado no produtivismo, o crecemento indiscriminado, a política de desenvolvemento, a explotación, o consumismo.

Loitar contra o consumismo é loitar contra o capitalismo, renunciando á dilapidación dos recursos, ao incremento da produción co só obxectivo de obter beneficios pasando por enriba da saúde e da calidade de vida dos traballadores ou a propia continuidade da vida no planeta. O consumismo é o estilo de vida propio deste sistema social neoliberal, que explota as persoas, espolia os recursos dos países pobres, xera a enfermidade crónica da insatisfacción permanente e non valora a satisfacción das necesidades senón que nos converte en obxectos escravos de todo o superfluo e innecesario que o mercado nos presenta.

QUE É A FOLGA DE CONSUMO?

É moito máis que un día sen compras. Supón reformularse o sistema produtivo que padecemos. Implica unha reflexión moi crítica sobre os hábitos e tipo de vida que temos, como actuamos, que pensamos, para que traballamos, que sentido ten a propiedade, en que gastamos o que gañamos… Implica unha aposta pola austeridade, unha aposta pola repartición do traballo e da riqueza, unha aposta polo decrecemento, contra a ostentación, o luxo, o dispendio, o superfluo … Significa cambiar a orde de prioridades sobre o que se debe seguir producindo, en que sectores seguir crecendo e en que sectores é necesario decrecer, unha reflexión sobre o que se debe consumir, sobre a calidade de vida, sobre a soberanía alimentaria, sobre a procedencia dos produtos que comemos, sobre a solidariedade cos países e persoas explotadas polo primeiro mundo, sobre a necesidade de reciclar, de compartir, de apoiarnos mutuamente, sobre o tipo de enerxía renovable que hai que potenciar … A Folga de Consumo supón afirmar a nosa capacidade de autonomía e autoxestión fronte a un sistema produtivo capitalista que entende as persoas tan só como consumidores ou recursos que hai que explotar. Trátase de boicotear e non adquirir ningún tipo de ben, produto ou servizo durante o próximo 21 de decembro, co obxectivo de paralizar o sistema produtivo, as grandes empresas, bancos, multinacionais e obrigar os gobernantes do estado central, autonómico e local para que corrixan a súa actual política económica insostible e antisocial que maltrata, despreza e despoxa a todos os colectivos desfavorecidos.

QUEN PODE FACER A FOLGA?

A diferenza dunha Folga Xeral, a Folga de Consumo, pode ser secundada por toda a sociedade, empezando polos que máis están a sufrir esta crise: as persoas paradas, xubiladas, traballadoras, autónomas, estudantes, etc.

COMO PARTICIPAR NA FOLGA?

Non comprando, nin adquirindo, nin consumindo calquera tipo de ben, produto ou servizo que non sexa imprescindible.

Por exemplo:

• Ao levantarnos, consumir a mínima cantidade de electricidade ou auga, baixar o termóstato varios graos, non usar produtos contaminantes, tóxicos…
• Realizar os desprazamentos en medios públicos de transporte e, se é posible, andando ou en bicicleta. Se fose imprescindible o uso dun vehículo particular, procurar non viaxar sós ou soas e compartir o desprazamento con outras persoas.
• Non comprar nos grandes almacéns, centros comerciais, supermercados, bancos, gasolineiras, bares, cafetarías, restaurantes, comercios, empresas de venta telefónica ou por Internet…
• Evitar o consumo telefónico, o uso das tarxetas, o envío de correo electrónicos, a instalación de calquera servizo…
• Retirar o diñeiro dos bancos (quen o teña) para que comprendan que o diñeiro é noso e que temos poder para transformar a realidade.

CONTRA QUEN VAI A FOLGA?

A Folga de Consumo non se fai contra o pequeno comercio ou autónomos, que tamén están a pagar a crise que bancos, multinacionais e especuladores provocaron. Estes sectores poden e deben apoiar esta folga. A Folga de Consumo realízase contra os responsables da crise (banca, especuladores, patronal, clase política). Os grandes bancos, multinacionais e especuladores que ocasionaron a crise do mercado financeiro mundial e que recibiron axudas de decenas de miles de millóns dos contribuíntes, están agora a forzar aos gobernos para atrasar a idade de xubilación aos 67 anos, para abaratar aínda máis o despedimento tal e como xa conseguiron coa Reforma Laboral, para privatizar a Seguridade Social pola vía do copagamento, queren recortar máis dereitos sociais e laborais, seguir reducindo o noso poder adquisitivo rebaixando ou conxelando aínda máis salarios e pensións…, e é necesario paralos. Con esta Folga podemos demostrar en mans de quen está a clave da transformación social e definir un novo modelo produtivo e social non baseado no consumismo, a especulación e a explotación das persoas e do planeta. O modelo económico e político do Capitalismo e Neoliberalismo fracasou, social e ecoloxicamente. O capitalismo pretende seguir aumentando as súas grandes fortunas recortando os nosos dereitos, salarios e prestacións sociais; e intentando que traballemos máis horas e anos por menos diñeiro. Esta é a súa forma desapiadada de crear emprego. Debemos demostrar a quen realmente ten a culpa desta crise e ás súas marionetas, “a clase gobernante”, que somos a maioría da sociedade: desempregados, estudantes, traballadores, xubilados, autónomos quen, co noso traballo e consumo, mantemos o modelo actual e o podemos cambiar. Estamos cansos de sufrir a súa dobre rapadoira:

• Mentres nos piden esforzos económicos con maiores impostos e austeridade salarial, as súas grandes fortunas seguen aumentando escandalosamente. Directivos e conselleiros do IBEX 35 teñen un salario medio de 1 millón de Euros, mentres que en Wall Street seguen incrementando os seus salarios que, en conxunto, son maiores ao Produto Interior Bruto de España.
  
• Á vez que piden abaratar aínda máis o despedimento, blíndanse os contratos percibindo indemnizacións millonarias (9,1 millóns de euros custou o despedimento dun directivo en Galletas Gullón, por exemplo).
  
• Pídennos moderación nas pensións, pero Emilio Botín (do Santander) ou Francisco González (do BBVA) adxudicáronse unhas pensións de 24,6 e 79,8 millóns de Euros.
  
• Recortan dereitos sociais e soben os impostos que afectan á maioría da cidadanía (IRPF, IVE), pero non toman ningunha medida para que quen causou esta crise colabore na súa resolución facendo que pague máis de verdade, quen máis ten.

Pola repartición do traballo e da riqueza.

Repartir o traballo traballando menos para traballar tod@s, reducindo para iso a xornada laboral sen diminución de salario, eliminando as horas extraordinarias e os axustes, adiantando a idade de xubilación e excluíndo a intermediarios como as subcontratas ou as ETTs.

Repartición da riqueza, entendendo esta repartición non como accións ou dividendos entre a poboación, senón empregando ese diñeiro nuns servizos públicos de calidade e con carácter universal para que poidamos gozalos os que realmente producimos dita riqueza.

Contra a Reforma Laboral e a Reforma das Pensións, polo mantemento do poder adquisitivo para asalariados e pensionistas, por un novo modelo social e produtivo sostible cuxos beneficiarios sexamos as persoas e non os mercados.

Despois do 29-S?

21 de Decembro, "FOLGA DE CONSUMO CONTRA O CAPITALISMO”

Fonte: Confederación Xeral do Traballo en Galicia - CGT
_________________

Unha vida sen Nadal

Por Jordi Miralles [*]

27.11.2010

As tradicións acaban sendo o produto dun cúmulo de intereses a miúdo xustapostos ou que mesmo colisionan entre eles. O chamado Nadal é para o mundo cristián a celebración do nacemento de Cristo. A data do 25 de decembro estableceu-se para aniquilar calquera vestixio das festas do solsticio de inverno ou de Saturno do mundo romano, que eran moi celebradas. Os ritos dunha determinada tradición é o primeiro que en calquera imposición cultural se prohibe ou se cambia. No mundo prerromano, a celebración da luz, tras o día mais curto do ano, era moi importante.

Non é de estrañar que a civilización vencedora sobrepuxera a súa principal festa a outras existentes. Hoxe, as corporacións empresariais engadiron ao Nadal relixioso a adoración consumista, levada ao paroxismo con prezados manxares, agasallos exquisitos, luces a esgallo. O Nadal occidental é o clímax no orgasmo consumista. No resto dos seres humanos, mesmo sen esa tradición, é motivo de imitación. Realmente, é difícil saírse do rito do natal se queremos vivilo de xeito austero.

As familias forxaron nestas datas un momento de encontro obrigado. A publicidade e o comercio deslumbran para que non deixemos de ve-lo nin un instante. O reclamo de Papa Noel ou dos Reis Magos educa as crianzas para o consumo ata morrer. Os concellos facilitan o adornado luminosos das rúas para que ninguén se esqueza. O mundo laboral, mesmo nas empresas de quendas continuadas, fai parar máquinas nestas datas. O quiosco onde merco a prensa, que está aberto todos os días, fecha polo Nadal e Ano Novo. O rito do Nadal comercial é a guinda anual na celebración da crise socio-ambiental fraguada no último século. A confusión de símbolos é absoluta. Mesmo a árbore exótica de Nadal mimetiza ritos ancestrais coa súa brillantez consumista. A árbore chea de luceciñas talada da mesma fraga antes, ou cultivada nun viveiro agora, entra en contradición coa tradición ancestral de preservar o espírito da árbore cando este está durminte.

Gustaríame poder vivir sen Nadal e sen consumo, se ben é case imposíbel resistirse, é moi necesario. Tratar de vivir o Nadal sen consumo require algo de imaxinación. Por exemplo, podemos retirarnos a lugares lonxe do punto de mira do imperio do consumo. Pódese suplir o encontro tradicional do Nadal por unha celebración o día final das vacacións, como a festa oficial da Epifania. O obxectivo é intentar subverter todos os ritos consumistas do Nadal. A árbore de Nadal pode ser un pequeno acivro, albedro, sanguiño, ou calquera arbusto autóctono dos nosos bosques que logo podamos plantar na fraga mediterránea mais achegada. Os agasallos, os mínimos imprescindíbeis e de comercio xusto ou de artesáns locais. As comidas de Nadal e Ano Novo, as mais frugais do ano. A noite de fin de ano, acampados ao ar libre sentindo o frío da noite baixo a escuridade das estrelas. A noite dos Reis Magos, unha oportunidade para iniciar a primeira lectura do ano. E así, cada quen pode imaxinar a súa propia desobediencia consumista. Hai que recuperar o espírito de recollemento que caracterizaba a celebración ancestral do solsticio de inverno.


[*] Jordi Miralles, é biólogo, traballa no ámbito da divulgación medio-ambiental, forma parte do padroado da Fundaciò Terra [www.ecoterra.org] e dirixe a web de ecoloxía práctica www.terra.org.
___________________

Impresionante video: Todo un modelo de autosuficiencia e respecto polo planeta

Na páxina da Cooperativa Zocamiñoca [Cooperativa de Consumo Consciente e Responsábel na Coruña] podemos ver isto:

Un espectacular exemplo de horta-xardín urbano. En plena cidade, no medio de autoestradas, coches, cemento e urbanismo sen freno, a familia Dervae e quen de producir, con so 400 metros de terra, 2700 kgs de froitas e verduras o ano.

Impresionante video

Todo un modelo de autosuficiencia e respecto polo planeta



Enviado por:
Xacobe Abel Fernández García -xakobino@gmail.com- 3 de agosto de 2009 17:08
___________

Enlace relacionado:

http://zocaminhoca.org/

____________

24 e 26 de Abril, presentación do “Centre de Recerca i Informació en Consum (CRIC)” en Ferrol Vello e Feira da Plantación en San Sadurniño

Elena López -elenuli@hotmail.com-
24 de abril de 2009 10:05

HOXE!! CHARLA REVISTA OPCIONS

Novas:

- Charla presentación do CRIC

O venres 24 de abril (ás 19:30h, no local da AA.VV de Ferrol Vello -Rúa do Curro nº1-) Montse Peirón dará en Ferrol a primeira dunha serie de charlas que levará a cabo por toda Galiza. Montse Peirón é membro do “Centre de Recerca i Informació en Consum (CRIC)” e directora da revista de Información para un consumo consciente e transformador “Opcions”.


- Feira da Plantación

O domingo 26 de abril acudiremos á Feira da Plantación no patio do Colexio de San Sadurniño (Avda. Marqués de Figueroa s/n)..

Esta feira está organizada pola ACDM Bidueiro e conta co apoio do Concello de San Sadurniño. O seu obxectivo é divulgar e amosar os produtos relacionados coas plantas ornamentais e os cultivos de horta. Deste xeito, haberá exposicións de viveiros, floristerías, produtos locais, maquinaria ou artesanía.

Asemade este ano estará presente a Cooperativa A Xoaniña, que se dedica á distribución de produtos ecolóxicos. Aproveitando a súa participación está organizada unha charla sobre a "Agricultura Ecolóxica e Consumo Responsable", que terá lugar ás 12:30 horas na Casa da Cultura de San Sadurniño.

Igualmente, para os máis cativos, organízase un obradoiro sobre "Aprendemos a sementar", que se desenvolverá pola mañá, e outro sobre "Traballamos o barro", que comezará a partir das 17 horas.
________________

Nota:
Imaxe do grupo de consumo responsábel Zocamiñoca d'A Coruña
_________________

Amarante: Seminario "Consumo Responsable e Cambio Climático"

Anunciamovos a celebración do Seminario "Consumo Responsable e Cambio Climático" que se desenvolve no marco da X Semana Galega do Comercio Xusto e que terá lugar entre o 24 e o 26 de abril de 2009 en Santiago de Compostela.

A incrición a todo o Seminario debe facerse a través da Universidade de Santiago de Compostela (Máis información no adxunto) e ten un custe de 30 € (Gratuito para socias-os de Amarante).

A entrada é libre e gratuita se desexades asistir so as conferencias, so pedimos nos enviedes confirmación de asistencia ao correo electrónico "ourense@amaranteong.org" ou a través do teléfono 988601921.

Adxuntamos o programa do seminario en enlace máis abaixo.

Agardamos poder contar coa vosa presencia, recibide un cordial saúdo.

Amarante, xunto coa Universidade de Santiago de Compostela desenvolve entre o 24 e o 26 de abril o seminario titulado CONSUMO RESPONSABLE E CAMBIO CLIMÁTICO no que contaremos en Galicia coa presencia de membros de Greenpeace, Veterinarios sen Fronteiras, Ecologistas en Acción, Universidade Rural Paulo Freire, Centro de Investigación sobre Consumo (CRIC-Revista Opcións) ou Via Campesina que analizarán a problemática do cambio climático e trazarán as liñas estratéxicas para sair das múltiples crises no que está inmerso o modelo de produción e consumo capitalistas. Estratexias que pasan, sen dúbida, polo consumo responsable transformador.

Así, denunciar a relación entre o modelo económico homicida e suicida e a crise ecolóxica, adaptar as alternativos en marcha aos impactos do modelo dominante no sur e no norte e situar o consumo responsable no centro das alternativas cara a sustentabilidade son obxectivos específicos do presente seminario. Fomentando e propiciando a posta en práctica de medidas a escala individual e colectiva que permitan evitar o infarto ecolóxico en xeral e loitar contra os efectos do cambio climático en particular.

A crise alimentaria, ecolóxica e agora tamén económica son a impronta do capitalismo do século XXI. O mundo construído sobre relacións humanas inxustas e desiguais deixa o rastro da débeda ecolóxica entre o norte e o sur do planeta, o cal ten o seu máximo expoñente no “cambio climático”. O modelo económico dominante impón a prioridade dos beneficios por enriba dos dereitos laborais e humanos, mentres o modelo de consumo enerxético e agroalimentario devora sen fin os recursos naturais deixando tras de si o rastro do empobrecemento.

Neste contexto xorden alternativas e resistencias: o consumo responsable aparece como unha ferramenta para provocar a transformación social necesaria. O establecemento de novas fórmulas comerciais baseadas na cooperación, o respeto ao medio ambiente e as culturas locais, a soberanía alimentaria e a abordaxe das problemáticas estructurais que xeran o empobrecemento e a crise ecolóxica sitúanse como as liñas de traballo sobre as que deben pivotar as políticas do século XXI.

Semella polo tanto imposible de disociar a crise social global da crise ecolóxica. É polo tanto o momento de abordar os problemas globais como a do cambio climático con un enfoque sistémico, así, trocar o patrón de consumo cara un xusto e equitativo, presionar politicamente e construír alternativas as estructuras do modelo económico e social dominante constitúen os tres pilares básicos para construír a sustentabilidade ecolóxica e social.

Programa e inscrición:

Neste enlace pode-se baixar o Programa e a Inscrición ao Seminario "Consumo Responsable e Cambio Climático", en formato -pdf-

___________________________

AMARANTE é unha Organización Galega de Cooperación para o Ecodesenvolvemento.

http://www.amaranteong.org/
_______________________________