Manifestación en Santiago de Compostela por uns Servizos de Dependencia Públicos e de Calidade - Vídeo con todas as intervencións do acto final na Praza do Obradoiro

O domingo 27 de xuño de 2021, diversas organizacións que conforman a Plataforma Galega polos Servizos Públicos da Dependencia, realizaban unha manifestación en Santiago de Compostela por uns Servizos de Dependencia Públicos e de Calidade.

A manifestación partiu ás 12 do mediodía desde a Alameda compostelá e percorreu diferentes rúas da capital galega, rematando na Praza do Obradoiro onde tiveron lugar as intervencións de representantes de diferentes organizacións que integran a Plataforma Galega.

As persoas que inteviñeron foron: Isabel Faraldo de Podemos, Isabel Vilalba do Sindicato Labrego Galego, Cristina Moreno de TreGa, Antón Sánchez de ANOVA, Guillermo Crego por Esquerda Unida, Pepe Bernárdez da asociación por unha Vellez Digna, Olalla Rodil polo BNG e Gonzalo Balo por Modepen, rematou o acto cunha interpretación músical.

A manifestación estaba convocada pola Plataforma Galega polos Servizos Públicos da Dependencia, conformada por FADUR, TREGA, MODEPEN, a Plataforma SAF Galicia, o Sindicato Labrego Galego (SLG), CNT, CSIF, a CUT e PROSAGAP, así como polas formacións políticas ANOVA, BNG, ESQUERDA UNIDA e PODEMOS.


Polo dereito a envellecer con dignidade...

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/
_______

Manifestación en Santiago de Compostela por uns Servizos de Dependencia Públicos e de Calidade - Este domingo 27 de Xuño - Haberá autobuses desde Ferrol, para participar na mobilización

Manifestación en Santiago de Compostela por uns Servizos de Dependencia Públicos e de Calidade

✅ Día: Domingo 27 de Xuño.
✅ Hora: 12 do mediodía.
✅ Lugar: Alameda de Santiago de Compostela.

✅ Haberá autobús desde Ferrol, para participar na mobilización que sairá ás 10 da mañá desde ás inmediacións da Praza 10 de Marzo, no barrio de Recimil, con paradas en Caranza, Fene e Cabanas. A hora aproximada de regreso será sobre as 2 da tarde, unha vez rematada a manifestación. O prezo da viaxe ida/volta será de 8 euros. Para apuntar-se hai que chamar ao 629850305 (Pepe) e 616868602 (Ramón). A data tope para apuntar-se será venres 25.

A manifestación está convocada pola Plataforma Galega polos Servizos Públicos da Dependencia, conformada por FADUR, TREGA, MODEPEN, a Plataforma SAF Galicia, o Sindicato Labrego Galego (SLG), CNT, CSIF, a CUT e PROSAGAP, así como polas formacións políticas ANOVA, BNG, ESQUERDA UNIDA e PODEMOS.

Polo dereito a envellecer con dignidade...

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/
_______

Sobre a necesidade de Servizos da Dependencia Públicos, disertará en Ferrol, o activista e médico epidemiólogo, Francisco Vázquez Vizoso, este martes 22 de xuño, ás 7 da tarde no CFIP Ferrolterra (Recimil)

Sobre a necesidade de Servizos da Dependencia Públicos, disertará o activista e médico epidemiólogo, Francisco Vázquez Vizoso, en Ferrol, este martes 22 de xuño, ás 7 da tarde, no salón de actos do CFIP Ferrolterra, situado no barrio de Recimil, na rúa Ramón y Cajal, S/N, nas inmediacións do monumento á solidariedade obreira "10 de Marzo".

O compañeiro Francisco Vázquez Vizoso, defende a necesidade duns servizos públicos da dependencia, accesíbeis e de cualidade, concretados nas residencias de maiores, centros de día, atención no fogar, ...

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/
_______

Narón por Diante denuncia o incumprimento do convenio colectivo por parte da empresa CLECE que leva o servizo de axuda a domicilio no Concello de Narón

NARÓN POR DIANTE denuncia o incumprimento do convenio colectivo por parte da empresa CLECE que leva o servizo de axuda a domicilio no Concello de Narón

André Abeledo, candidato a Alcaldía de NARÓN POR DIANTE, denuncia o incumprimento do convenio colectivo por parte da empresa CLECE que leva o servizo de axuda a domicilio no Concello de Narón.

A empresa non esta a cumprir coas condicións que establecen os pliegos do contrato a hora de dar este servizo. Entendemos que o máximo responsable de fiscalizar o bo funcionamento do servizo e de controlar os incumprimentos das empresas contratadas, sobre todo cando falamos dun servizo tan vital como é a axuda a domicilio, é o contratante do servizo, o (Concello de Narón).

Atopámonos con que o aumento das horas para axuda a domicilio non supuxo como contemplan os pliegos a dignificación deste traballo, referímonos a converter tempos parciais en totais para conseguir que estas coidadoras poidan ter un salario digno.

Ademais moitas das persoas coidadas tamén sofren cos continuos cambios de coidadora, os pliegos contemplan que por un mesmo domicilio non pasen mais de catro coidadoras, e atopámonos con casos onde chegan a pasar ata vinte, algo que para aquelas persoas con as súas facultades mentais mermadas é moi prexudicial.

Alex Bello Martínez, responsable de Construcción e Servizos de CCOO, rexistrou unha denuncia en Inspección de traballo denunciando estes incumprimentos, o fixo ante a pasividade do Concello ao desoír as reclamacións de intermediación con CLECE por parte da representación sindical.   

Denuncian entre moitos outros incumprimentos que CLECE non elabora como esixe  o convenio un calendario laboral con carácter anual.

Denuncian que a empresa modifica de maneira unilateral a xornada de traballo.

Denuncian que o 100% das contratacións a tempo parcial son xornadas partidas.

Denuncian a empresa incumpre a política de traslados.

Denuncian que CLECE non considera tempo de traballo efectivo utilizado polas traballadoras e traballadores para  ir a recoller as luvas, ou cubrir os moitos formularios a que a empresa obriga.

Denuncian tamén que algúns traballadores e traballadoras e tamén a coordinación do servizo, sofren unha carga de traballo excesiva.

Ante esta denuncia dende NARÓN POR DIANTE non podemos máis que esixir ao Equipo de Goberno que cumpra coas súas obrigas, e que atenda as xustas reivindicacións dos traballadores e deixe claro a CLECE que convenio e pliegos están para ser cumpridos.

https://www.facebook.com/naronpordiante/

https://twitter.com/naronpordiante





Se queres sumarte a Narón por Diante, unión popular de esquerdas , feminista e comprometida coa sostenibilidade medioambental só tes que rechear o formulario, recibirás toda a información,convocatorias, poderás formar parte dos nosos grupos de traballo , dos órganos políticos ou no que poidas aportar segundo a túa disponibilidade. | Aceceder.

Enviado por:
Naron Esquerda Unida
-eu-naron@esquerdaunida.org-
15 de março de 2019 09:34
_________

A nova regulación dos servizos sociais comunitarios e o seu financiamento comeza un camiño cara o desmantelamento dun dos piares do benestar, denuncia Esquerda Unida

O grupo municipal de Esquerda Unida denuncia a pasividade acrítica do goberno municipal con respecto ao repago  no servizo de axuda do fogar | Esquerda Unida votará en contra da ordenanza municipal que consagra o repago para a axuda familiar | O grupo advirte das graves consecuencias para os dependentes severos con baixos recursos.

Desde que o goberno do PP publicou no DOG un 16 de marzo de 2012 a  nova regulación dos servizos sociais comunitarios e o seu financiamento comezouse un camiño cara o desmantelamento dun dos piares do benestar. Ata o momento o Servizo de Axuda no Fogar era considerado como un servizo social comunitario básico de carácter público garantido polos concellos sen distinción e con financiamento fundamentalmente público. Con independencia de que quedaran moitas cousas por facer a tendencia ao longo dos anos precedentes era de avance progresivo a partir das bases anteriores, non de retroceso. A partir dos anos 2010 e 2011 o financiamento público ,dependente da Xunta, non parou de decrecer con recortes anuais continuos en xeral para o conxunto dos servizos sociocomunitarios e especialmente para os servizos básicos como é a axuda no fogar. Cando falamos disto falamos de persoas dependentes, desestruturación familiar, enfermidades agudas etc.

O  decreto  establece unha nova regulación da participación económica das persoas usuarias no custe do Servizo de Axuda no Fogar que incrementa de xeito substancial en case todos os tramos de renda: o repago. Subas grandes para as persoas que teñen recoñecidas as prestacións por dependencia e aínda moito maiores para as que sen ter recoñecida as prestación están en grave situación de risco ou vulnerabilidade ou para os grandes dependentes que non só van ter que repagar as prestacións básicas senón tamén  os servizos complementarios. É especialmente sangrante este último asunto: aquelas persoas con dependencia severa e que até agora podían acceder aos servizos de adaptacións funcionais, podoloxía e fisioterapia van verse privados deles xa que no caso, dramaticamente en ascenso, de baixos ingresos e gran dependencia, co repago médico-sanitario polo medio, o repago nas prestacións comunitarias faise imposible.

Estamos diante dunha situación típica de exclusión por achiques de espazos sociais : a sociedade de mercado que se pretende onde o todo non é o dereito e os dereitos sociais senón o mercado e as relacións mercantís, non deixa espazo para a universalización de dereitos e as prestación públicas. E non o fai porque a dogmática neoliberal ataca nos dous puntos cardinais que sosteñen os dereitos sociais: financiamento público e con cargo a impostos e prestacións con cargo a unha concepción universal do servizo. Dadas determinadas condicións todos/as temos dereito á prestación pública, de calidade e tendencialmente gratuíta.

Pola contra a colonización mercantil do conxunto da vida non fai máis que ocupar a vida social e excluír aos sectores que non poden acceder, por recursos, aos servizos. Imos asistir neste punto a aspectos moi dramáticos do que podemos cualificar de “consecuencias non desexadas” :  entre elas non é a menos importante o feito da previsible deriva de moitos casos de dependencia cara o mundo da  parasanidade, sen claridade profesional e fiscal,  xa que está claro que non vai poder haber  repago en moitos casos de pacientes con dependencia severa e necesidades de prestacións continuadas.

O papel do goberno municipal do PP foi de submisión e colaboración absoluta cos ditados da nova normativa . Alén da lectura restritiva que fai do decreto, xa que mesmo podería ser moito máis favorable aos usuarios con menos recursos introducindo outros tramos nos obrigatorios que estabelece a norma, non se fai ningunha lectura política do asunto que nos traemos entre mans e se despacha todo coa evasiva  e tópica afirmación  de que a lei hai que cumprila etc. Tamén hai que cumprir a nova normativa de retribucións salariais aos alcaldes e concelleiros coa nova lei de administracións locais e , que saibamos, hai toda unha batería de presións para que non  se cumpra. Chegaría décima parte de todo ese movemento de cargos e electos do PP, vía FGAMP e outras, para paralizar todos os aspectos máis lesivos da aplicación do decreto, e o decreto mesmo: manter o financiamento dos gastos derivados do servizo e impedir o seu progresivo deterioro como servizo público, facer que esta contribución sexa vía impostos e impedir a participación das persoas usuarias no servizo.

Previsiblemente este mes vai se aprobar definitivamente a nova ordenanza fiscal do concello sobre axuda no fogar. Sen dubidalo Esquerda Unida votará en contra. Sen apaños posibles: oposición clara e rotunda.

Ferrol a 21 de xaneiro de 2014

Esquerda Unida de Ferrol
R/ do Sol 124 Entrechán Esquerda
981944035
www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
21 de janeiro de 2014 14:27
Bo día. Enviamos nota de prensa pola que o grupo municipal de Esquerda Unida fixa a súa posición sobre a nova ordenanza municipal que regula o servizo de axuda no fogar. Novamente estamos diante dun recorte e dun repago para un servizo público e para un sector da poboación especialmente vulnerable. Con toda probabilidade proximamente se procederá á súa aprobación definitiva en pleno e o grupo municipal igual que non aceptou apaños de ningún tipo tampouco aceptará agora evasivas sobre legalidades vixentes: votará en contra. Grazas. Un saúdo, Secretaría de Comunicación. CPL - Ferrol
__________

Foto do xornal dixital Terra Cha Xa.
__________________________