IV Xornada da Asociación Galega de Saúde Mental - Contrastes - Ferrol, 16 de novembro de 2018

IV Xornada da Asociación Galega de Saúde Mental

Contrastes

Venres, 16 de Novembro de 2018
08:30 – 20:30hs.

Salón de actos do Hospital Naval de Ferrol

Organizamos estas IV Xornadas en Ferrol co obxectivo de proporcionar un espazo de encontro e reflexión que actualice os coñecementos no ámbito da Saúde Mental. Nas distintas meses se procurará o diálogo, a reflexión, a analise e a discusión de ideas. E neste contexto aberto e directo, poder compartir experiencias e presentar abordaxes innovadoras no campo da saúde mental. En concreto se plantexará:

Actualizar os coñecementos da clínica internalizante na infancia.

Afondar na ética da practica clínica no contexto da relación paciente profesional paciente.

Abordar a perspectiva de xénero nos diferentes ámbitos da saúde mental.

Dar a coñecer a evolución da asistencia á Saúde Mental en Ferrolterra.

Incorporar ferrramentas dende as neurociencias á practica asistencial.

Dar a coñecer modelos de intervención alternativos.

Evento no Facebook. | Ir ao Evento.

Están solicitados créditos de formación continuada para as profesións sanitarias.

Non esquezades facer a inscrición en http://www.agsm-aen.org/inscripcions.php

Díptico das xornadas. Agradecemos que colaboredes na súa difusión. E non esquezades facer a inscrición en http://www.agsm-aen.org/inscripcions.php

Atentos ás normas para as comunicacións póster na xornada:

NORMAS PRESENTACIÓN POSTERS

1. Data de entrega: os resumos deberán estar na secretaría técnica do congreso antes do día 26 de outubro de 2018

2. Os resumos deberanse remitir por correo electrónico ó seguinte enderezo: xornadas@agsm-aen.org

3. A secretaría técnica notificará a recepción de tódalas comunicacións que reciba, comunicando posteriormente a decisión de admisión ou rexeitamento por parte do comité científico.

4. Admitiranse só comunicacións tipo póster.

5. Contido do resumo:

Título: en negriña e maiúsculas. Non se permite o uso de abreviaturas, e recoméndase un máximo de 120 caracteres.

Datos dos autores: Admítense un máximo de seis autores. O primeiro autor deberá estar inscrito nas Xornadas. Escribiranse os apelidos e nomes de tódolos autores.

Resumo:

- Non será superior a 250 palabras e estará estruturado cos seguintes apartados:
- Xustificación.
- Obxectivos.
- Material e Métodos/Descrición da experiencia.
- Resultados/ Conclusións.

_________________

Lembrando a Ramón Muntaraz, no décimo aniversario do seu pasamento

RECORDO DE RAMÓN MUNTXARAZ


Cúmprense, o final do mes de xuño, dez anos da morte de Ramón Muntxaraz.

Medra a súa figura co tempo e van facéndose máis valiosas actitudes, feitos, compromisos.

Rendémoslle dende aquí un recordo sentido e destacamos del, neste espazo, para nós e para quen nos comprende, a súa crítica e tensión coas institucións psiquiátricas e a actitude combativa que sostivo contra a inxustiza.

Tamén salientamos dous feitos: a súa defensa da liberdade de expresión exercéndoa e asumindo os riscos e os custos de facelo, e a identificación que fixo con este país que adoptou como seu e que defendeu, entre outras accións, facendo súa a nosa lingua.

Agrándase nestes tempos máis aínda, cando no Día das Letras se ven de recoñecer o valor doutra muller que, sen ser nacida aquí, tamén fixo seu o galego e nolo devolveu máis rico e vivo, ou cando voltamos a ver que a crítica ás institucións psiquiátricas vai seguida de ameazas contra quen as fai.

Aprendemos de persoas coma el as actitudes necesarias ante a inxustiza e a impostura, e tamén os compromisos que merecen contraerse.

Carta de despedida ao Povo Galego (carta-testamento de Ramón Mutxaraz)

Sentenza do Tribunal Constitucional

Galicia Hoxe

El PaísAGSM (px 233 e seguintes)

Publicado o 29 de xuño de 2018, polo Movemento Galego da Saúde Mental:

http://movementogalegosaudemental.gal

Enlace relacionado de interese:

Ramom Muntxaraz, umha vida de combate e militáncia ao serviço do povo galego. | Ir á Web.
____________________

Diferentes, mais iguais - Este domingo 20 de maio foi o 'Día do Orgullo Louco' - Por primeira vez un grupo de activistas pola diversidade mental conmemoraron en Ferrol este día reivindicando-se para facer-se visíbeis e romper o silencio - Manifesto - Parbéns!

Este domingo 20 de maio "Día do Orgullo Louco". Por primeira vez un grupo de activistas pola "diversidade mental" conmemorou en Ferrol este día reivindicando-se para facer-se visíbeis e romper o silencio. Un pequeno paso, mais de moito valor. Necesitan-se iniciativas deste tipo, xente que dea os primeiros pasos, son moitas e moitos os que agardan respecto e recoñecemento, aos seus dereitos a ser como son, a ser libres, sen estigmatismos, a ser comprendidas, a ser apoiadas, mais sobre todo a ser aceptadas e respectadas.

O orgullo cura-o

Promover a diversidade mental e abordar a loucura desde a consideración da diversidade sería moito mellor para todas. Seríamos mellores persoas e máis felices. A aceptación do diferente, mais o recoñecemento en igualdade en dereitos.

O activismo polo recoñecemento da "diversidade mental" (Un termo non negativo desa "diversidade funcional"), xa é mundial desde que comezou en Canada en 1993 e se foi estendendo polo mundo. Ten que ser un orgullo, para todas nós que xurdira esta iniciativa tamén en Ferrol. Que aínda que sexa incipiente, unha pequena semente, ben coidada e tratada con agarimo, pode dar moi bos froitos. A celebración do día do orgullo louco na rúa, non só nas rdedes sociais, para facer-se visíbel e presentar as súas reivindicacións na defensa dos dereitos fundamentais como seres humanos, co obxectivo ademais de romper co seu silencio, e un grande desexo e un grande logro. Parabéns.

Obxectivos loábeis

As activistas da"diversidade mental" quere acabar co sufrimento que causa "o estigma social do descoñecemento, a sobreprotección, o illamento e até a maldición ou a vexación", que limita as súas condicións para desenvolver ao máximo a súa calidade de vida. Queren que desaparezan estes "mitos e prexuízos, fomentando que as persoas, as institucións e as sociedades aprenden a xerar espazos de convivencia na diversidade".

Busca-se a concienciación de todas no recoñecemento da diferencia e o respecto da igualdade como persoas e en dereitos. A necesidade da convivencia en diversidade, de aprender a convivir coa "diversidade mental". Sobre todo nestes momentos de medre do autoritarismo, da perda de dereitos, da lei do máis forte fronte a xustiza.


Resumo do Manifesto

Somos un grupo de Activistas en saúde mental (loucas e loucos) que nos reunimos para espertar a conciencia de todo o colectivo con respecto ao orgullo da nosa diversidade e presentarnos ante toda a sociedade, celebrando por primeira vez o "Orgullo Louco".

Este 20 de maio saímos á rúa para rebelarnos contra o silencio e a invisibilización, queremos reivindicar os nosos dereitos e, sobre todo, a igualdade entre todos os seres humanos.

Por iso reivindicamos:

1. Respecto integral dos dereitos humanos en saúde mental.

2. Esiximos que se poñan en funcionamento mecanismos áxiles de recapacitación para poder garantir a nosa autonomía.

3. Reivindicamos cero contencións e o fin da tortura en psiquiatría.

4. Queremos maior formación para todas as profesionais da saúde mental e que se poñan en funcionamento opcións non coercitivas.

5. Queremos pedir especialmente a nosa participación directa e real en todas as decisións políticas e sociais que nos afecten.

6. Esiximos unha protección especial para a infancia e a adolescencia.

7. Pretendemos fomentar e incentivar especialmente a loita contra a discriminación, e aquí é esencial o uso dunha linguaxe inclusiva.

8. Por ultimo, esiximos o respecto e a dotación orzamentaria ou os dereitos sociais que afectan ás persoas con diversidade mental.

Ferrol, 20 de maio de 2018

---

Hai un Grupo de encontro e debate no facebook. | Grupo Orgullo Louco Ferrol.


Orgullo Louco (Mad Pride) ao longo do mundo


https://youtu.be/ACgYzgKb4TA


https://youtu.be/ZW2547sb_Z8
_____