O Sindicato de Estudantes convoca folga entre o 5 e o 7 de febreiro; Liga Estudantil Galega e Comités chamarán ao paro xeral este mércores 6

O alumnado galego de Secundaria e Bacharelato está chamado á folga este mércores 6 de febreiro por parte da Liga Estudantil Galega e os Comités, baleirará as aulas nunha histórica xornada de folgana Galiza.

Trátase dunha nova protesta contra a Lomce (Lei Orgánica para a Mellora da Calidade Educativa), o intento por parte do Partido Popular de impoñer o seu proxecto ideolóxico e converter o ensino nun privilexio do que gocen unhas poucas persoas. Trátase de debilitar a escola pública, facela menos pública, menos democrática, menos galega e de menos calidade.

O Sindicato de Estudantes convoca a folga entre o 5 e o 7 de febreiro a nivel estatal polo que comezan este martes 5 con as movilizaciós, pero será este mércores cando se note a protesta en Galiza, co paro xeral ao que chaman tamén as dúas principais organizacións estudantís nacionalistas, que contan conseguir un apoio masivo, tanto á folga como nas manifestacións.

Mais info. nas webs:

• LigaEstudantilGalega.info
• ComitesAbertos.org
• SindicatodeEstudiantes.net/Galiza

Por que temos que dicir non á Lei Wert

Vídeo que nos presenta os argumentos para dicir non, a unha lei antidemocrática que pretente acabar coa calidade, autonomía e democratización do sistema educativo.

Este vídeo conta coa participación de Jurjo Torres, Catedrático de Organización Escolar da Universidade da Coruña.


_______________________

Unha multitude de traballadoras e traballadores desafiaron á chuvia e mobilizaron-se en Ferrol, baixo o lema "Coa educación e a sanidade non se xoga"

Unha multitude de traballadoras e traballadores desafiaron á chuvia e mobilizaron-se en Ferrol, baixo o lema "Coa educación e a sanidade non se xoga". Foi este domingo, 29 de Abril de 2012, nunha manifestación pola defensa dos servizos públicos da sanidade e da educación. A mobilización tiña lugar, despois de que o goberno español acordara unha serie de medidas económicas, nas que formulaba un recorte económico de 10.000 millóns de euros en sanidade e educación. Acordo moi grave, non só polo inxusto do recorte que imos pagar a Clase Traballadora unha vez máis, senón porque tan só pasaran uns días desde a aprobación dos orzamentos estatais, onde non se contemplaban tales recortes: improvisación ou tomadura de pelo? Non cremos que fora improvisación, todo teñen-no moi preparado e pautado, teñen razón as centrais sindicais convocadoras cando din que "Queren acabar con todo".

A manifestación partiu do Inferniño pasadas as 12 do mediodía. "Rajoi escoita o público non se toca", "Sanidade pública e universal, para todas igual", "Máis represión, menos cultura, isto é unha ditadura", "O público é servizo, o privado beneficio", "Si isto segue igual, Folga Xeral", "Europa escoita, o público non se toca", ... foron algunhas das consignas que se berraron no transcurso da manifestación. Esta rematou na Praza do Concello, onde Xoán Rubia leu un Manifesto da Plataforma Social en Defensa do Estado de Benestar e dos Servizos Públicos.

Perante a manifestación e posterior concentración, ademais das faixas das centrais convocadoras, podían-se ver faixas de de xubilados, da ANPA do IES Sofía Casanova, de Lazos ProSolidariedade e Sen Papeis de Ferrol, de Esquerda Unida, do Colectivo Forxa e da Plataforma pola Defensa da Sanidade Pública da Área de Ferrol.

As mobilizacións tiverón lugar en toda Galiza e no resto do, polo de agora, Reino de España. A manifestación estaba convocada polas centrais sindicais CCOO, UGT e USTG.

• Sindicato Nacional de CCOO de Galicia - CCOO
• Unión Xeral de Traballadores en Galicia - UGT
• Unión Sindical de Traballadores Galegos - USTG

Fotos de Susete'70

Información baseada na enviada por:

suso

-susopazos@yahoo.es-

29 de abril de 2012 15:27

______________