Marea de Ferrol, dentro das roldas de reunións que manteñen con diferentes asociacións e entidades da cidade escoitaron as demandas que se fan desde o eido do deporte e visitaron o mercado municipal de Recimil - E previsión de actividades para o xoves 23 de maio: xuntanzas coa asociacións veciñais de Ultramar e San Xoán -Bertón, coa Cooordinadora de Equipas de Normalización Lingüística e participación no debate desta tarde no Ateneo Ferrolán, coordinado polo Club de Prensa

PREVISIÓNS DE MAREA DE FERROL PARA MAÑÁ XOVES 23 DE MAIO

Detallamos a continuación a previsión de actividades de Marea de Ferrol para  mañá xoves 23 de maio:

➤1. Ás 12.30 horas, teremos unha xuntanza coa A.VV. Ultramar

➤2. Ás 17.00 horas xuntarémonos no noso local electoral coa Cooordinadora de Equipas de Normalización Lingüística

➤3. Ás 19.30 horas, terá lugar un encontro veciñal na A.VV. San Xoán.

4. Tamén ás 19.30 horas, participaremos no debate moderado polo Club de Prensa no Ateneo Ferrolán.

➤3. Así mesmo, o noso local electoral (Rúa Dolores, 20) permanecerá aberto mañá e tarde -en horario de 10:00 a 14:00 hh. e de 17:30 a 19:30 hh.- como espazo de encontro e de conversa con todos os/as veciños/as que queiran achegarse.

MAREA DE FERROL XÚNTASE CO ASOCIACIONISMO DEPORTIVO E VISITA O MERCADO DE RECIMIL

Onte, martes 21 de maio, Marea de Ferrol mantivo un encontro co movemento asociativo deportivo, nas insatalacións do Club Ría de Ferrol.

Na liña das xuntanzas que levamos mantendo nestas últimas semanas con diferentes movementos asociativos, tanto territoriais como sectoriais, escoitamos as demandas que se fan desde o eido do deporte, entre as que se atopan os problemas que se atopan á hora de xestionar as subvencións municipais, unha cuestión que preocupa a todas as asociacións coas que vimos falando. Ademáis, recollimos a necesidade de renovar os convenios suscritos co Concello, que a área de deporte conte cun orzamento propio, tanto para mantemento como para investimento, e unha maior asignación de persoal, que a día de hoxe considérase totalmente insuficiente.

Desde Marea de Ferrol valoramos que moitos dos problemas nacen da situación vivida no último mandato, no que un goberno moi feble xestionou durante anos uns presupostos de dereitas prorrogados, sen partidas suficientes para deportes.
Ademais, volvimos facer a proposta de constituír unha mesa de traballo organizada polo concello, axeitadamente dinamizada (convocatorias, actas, conclusións...), para elaborar participadamente unha planificación a medio prazo realizada a partir de diagnósticos e obxectivos concretos.

VISITA AO MERCADO DE RECIMIL

Máis tarde, visitamos o mercado de Recimil, na que puidemos constatar o deplorable estado e o abandono no que se atopa. Desde Marea de Ferrol seguimos a defender a realización dun Plan de Mantemento dos equipamentos municipais, programando técnica e financeiramente as intervencións necesarias.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook
Enviado por:
Marea de Ferrol
-mareadeferrol@gmail.com-
22 de maio de 2019 12:53
22 de maio de 2019 12:26
______________

Narón por Diante retrasa o seu peche de campaña para participar na manifestación xunto cós traballadores de Poligal - E solicita un acordo en Política de Vivenda no Concello

NARÓN POR DIANTE SOLICITA UN ACORDO SOBRE POLÍTICA DE VIVENDA NO CONCELLO DE NARÓN

Mañá Xoves 23 de Maio as 11:30 André Abeledo, candidato a Alcaldía de NARÓN POR DIANTE, xunto ao voceiro de EnMarea  Antón Sánchez darán entrada por rexistro a unha PROPOSTA DE ACORDO SOBRE POLÍTICA DE VIVENDA NO CONCELLO DE NARÓN, en modo de moción.

Unha vez rexistrada a Moción André Abeledo e Antón Sánchez farán unhas declaracións a prensa na porta do Concello.

Acto seguido Antón Sánchez xunto a compañeiras e compañeiros de NARÓN POR DIANTE farán un reparto de dípticos e papeletas pedindo o voto para NARÓN POR DIANTE o 26M.


NARÓN POR DIANTE retrasa o seu peche de campaña para participar na manifestación xunto cós traballadores de POLIGAL.

Mañá Xoves día 23 as compañeiras e compañeiros de NARÓN POR DIANTE, encabezados polo noso candidato a Alcaldía André Abeledo, participarán na manifestación en defensa dos postos de traballo en POLIGAL (A manifestación partirá ás 19:00has das instalacións da compañía, no polígono d'A Gándara, até a Praza Amada Garcia, diante do edificio da Xunta).

Por ese motivo o acto de campaña previsto con Yolanda Díaz, deputada de UNIDAS PODEMOS, no noso Local de campaña situado na Praza de A Gándara, vaise atrasar ata o remate da manifestación.

André Abeledo indicou que debemos loitar xunto coas traballadoras e traballadores de POLIGAL na defensa dos seus postos de traballo, por unha banda porque son fundamentais para Narón, e por outra porque a unidade debe darse a todos os niveis en defensa ao dereito a un traballo digno.

#AbrindoAsPortas
#AbrindoAsPortasDoRural
#AbrindoAsPortasDaIlusion

Programa Electoral 2019 de Narón por Diante. | Baixar/Acceder.

NARÓN POR DIANTE- SON EN COMÚN
Local de campaña
Praza de A Gándara (Rúa Vigo, 20, Narón).
Facebook | Twitter


Enviado por:
Naron Esquerda Unida
-eu-naron@esquerdaunida.org-
22 de maio de 2019 09:19
22 de maio de 2019 09:32__________________

Este mércores 22 de maio debate na TVG entre cinco dos candidatos á alcaldía de Ferrol - Será ás 10:15 horas, mais tamén retransmitira-se pola noite, ás 22:45h pola TVG2 - Non o Perdas!

Debate na TVG de cinco candidatos á Alcaldía do Concello de Ferrol de organizacións que xa teñen representación no Concello, nestas eleccións presentanse 11 candidaturas.

Este mércores 22 de maio debate na TVG entre cinco dos candidatos á alcaldía de Ferrol - Será ás 10:15 horas, mais tamén retransmitira-se pola noite, ás 22:45h pola TVG2.

PARTIDO POPULAR  (PP)
Candidato á Alcaldía: JOSÉ MANUEL REY VARELA

FERROL EN COMÚN-SON EN COMUN (FERROL EN COMUN)
Candidato á Alcaldía: JORGE JUAN SUAREZ FERNANDEZ

PARTIDO DOS SOCIALISTAS DE GALICIA-PSOE (PSdeG-PSOE)
Candidato á Alcaldía:  ANGEL MANUEL MATO ESCALONA

BLOQUE NACIONALISTA GALEGO (BNG)
Candidato á Alcaldía:  ANTONIO IVÁN RIVAS RICO

CIUDADANOS-PARTIDO DE LA CIUDADANIA (Cs)
Candidato á Alcaldía:  ALEJANDRO  LANGTRY CAINZOS

Agora naTVG en directo:

http://www.crtvg.es/tvg/tvg-en-directo


______

O BNG de Ferrol sobre o benestar animal: 'Ferrol debe asegurar o benestar animal se quere ser unha cidade saudable e sustentable' - E Axenda para hoxe 22 de maio, detacando o Acto Central no Teatro Jofre, ás 20:15hs, coas intervencións de Ana Pontón, Ana Miranda, María do Mar López e Iván Rivas, e participación de Jasper (Cantante de Nao)

O BNG de Ferrol celebrara hoxe mércores 22 de maio o seu Acto Central no Teatro Jofre

Na axenda para hoxe mércores 22 de maio, detaca o Acto Central no Teatro Jofre, ás 20:15hs, coa participación Jasper (Cantante de Nao) e as intervencións de Ana Pontón (portavoz nacional do BNG e do grupo parlamentario),  Ana Miranda (eurodeputada e de novo candidata ao Parlamento Europeo por BNG - Agora Repúblicas), María do Mar López (nº2 da candidatura ao Concello de Ferrol) e Iván Rivas (candidato á alcaldía)


A cidade de Ferrol debe asegurar o benestar animal se quere ser unha cidade saudable e sustentable

O benestar animal é un dos obxectivos que definen ás cidades saudables e sustentables. Isto supón máis que un concurso escolar ou charlas divulgativas sobre a tenencia responsable de mascotas; boas iniciativas pero que non amañan os problemas que xorden da convivencia e que non garanten os dereitos das outras especies. Dende o BNG de Ferrol consideramos que Ferrol tamén pode ter oportunidades no desenvolvemento de políticas de benestar animal.

Existen na actualidade dous marcos lexislativos para a regulación da protección e o benestar animal, unha lei autonómica e unha ordenanza municipal. A regulamentación autonómica é basicamente un regulamento sancionador que non responde a unha verdadeira planificación da nosa convivencia con outras especies. Por pór un exemplo, exclúe da protección e benestar a todos os animais que participen en espectáculos taurinos. Mentres, a ordenanza municipal está sen desenvolver con políticas concretas, por exemplo no relativo ás colonias de gatos, ao refuxio mancomunado de Mougá ou á participación do movemento asociativo nestas políticas.

Unha cidade saudable é tamén a que ordena estas relacións, á que lle dedica recursos suficientes e ve tamén oportunidades para criar empregos e tecer redes de participación cidadá para a resolución dos problemas de convivencia que xorden.

Ferrol non pode seguir dando as costas aos aspectos relacionados co benestar animal. É preciso desenvolver o marco legal e dotalo de recursos económicos, atendendo aos puntos máis quentes nestas políticas (o refuxio e coidado de mascotas en situación de abandono, o control e ordenación das colonias de gatos ou a irrupción de animais salvaxes en zona urbana).

A concellaría que asuma Benestar Animal debe contar cunha partida orzamentaria específica e desenvolver un "Plan anual de actuación para o benestar animal e a convivencia cidadá". Desde esta concellaría débese constituír unha "Mesa de traballo e participación", onde estean representadas as asociacións que traballan neste ámbito e profesionais veterinarios que dun xeito altruísta están a colaborar con elas; impulsar o compromiso dos outros Concellos para ampliar e mellorar as instalacións de Mougá, asegurando os dereitos dos animais acollidos e canalizando unha liña de adopcións responsábeis.

Ferrol ten que habilitar espazos adecuados para a socialización canina, actualmente insuficientes; axilizar a inspección e trámite das denuncias por maltrato animal e os expedientes por molestias á veciñanza, derivados da tenencia de animais de compañía; aprobar un Protocolo de actuación  ante  un  animal abandonado, ferido, enfermo ou morto, e un "Plan colonial felino" do Municipio que contemple a esterilización, a atención sanitaria, a resolución de conflitos e a creación da figura urbana colaboradora no seguimento destas colonias.

Ferrol, 21 de maio de 2019.


https://youtu.be/YcpGMV5YLAE
O país que a grande maioría queremos é diferente ao que hoxe temos. Mais en moitos concellos o BNG demostra xa, no ámbito local, que a Galiza viva, dinámica e con futuro que soñamos, é posíbel e xa está en marcha. Con voz propia, coas ideas claras. O 26M, súmate á Galiza que vén, co BNG.

#AgoraEuropa #AgoraRepublicas #AgoraBNG

Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza

#Agora Ferrol
#AgoraBNG
Local Electoral BNG Ferrol
Rúa Galiano, 66 Baixo.
BNG

Enviado por:
BNG Ferrol
-bngferrol@gmail.com-
21 de maio de 2019 17:44
_______________

Este mércores 22 de maio, ás 7 da tarde, Marea de Ferrol terá un Encontro Veciñal no Centro Cívico de Caranza, para analizar o impacto do estaleiro 4.0 e o dique seco cuberto sobre o barrio - E outras actividades de Marea de Ferrol para hoxe mércores 22 de maio de maio

PREVISIÓNS DE MAREA DE FERROL PARA O MÉRCORES 22 DE MAIO

Detallamos a continuación a previsión de actividades de Marea de Ferrol para  hoxe mércores 22 de maio de maio:

⏩ 1. Ás 11.00 horas, Bernardo Lorenzo Cuétara será entrevistado en Radio Voz

⏩ 2. Ás 19.00 horas teremos un Encontro Veciñal no CC Caranza, para analizar o impacto do Estaleiro 4.0 e o dique seco cuberto sobre o barrio. Intervirán Lucía Vizoso (nº 2 da nosa candidatura), Pancho Casal (deputado no Parlamento Galego por En Marea) e Bernardo Lorenzo Cuétara (candidato á alcaldía por Marea de Ferrol).

⏩ 3. Así mesmo, o noso local electoral (Rúa Dolores, 20) permanecerá aberto mañá e tarde -en horario de 10:00 a 14:00 hh. e de 17:30 a 19:30 hh.- como espazo de encontro e de conversa con todos os/as veciños/as que queiran achegarse.

ENCONTRO VECIÑAL NO CC CARANZA - 19.00 HORAS - ANÁLISE DO IMPACTO DO DIQUE SECO CUBERTO NO BARRIO

Este mércores 22 de maio, ás 19.00 horas, Marea de Ferrol terá un Encontro Veciñal no CC Caranza, para analizar o impacto do estaleiro 4.0 e o dique seco cuberto sobre o barrio. O motivo de organizar este encontro nace da preocupación que sobre este tema nos trasladou  a A.VV de Caranza  na xuntanza que mantivemos no mes de abril.

Intervirán Lucía Vizoso Amado, nº 2 da nosa candidatura, Pancho Casal, deputado de En Marea no Parlamento Galego, e Bernarndo Lorenzo Cuétara, candidato á alcaldía por Marea de Ferrol.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
21 de maio de 2019 12:44
21 de maio de 2019 12:54
__________________

Programa Electoral 2019 de Narón por Diante - #AbrindoAsPortas - Facemos unha aposta pola proximidade e a defensa do común

UN CONCELLO PARA A VECIÑANZA

POLÍTICA DO COMÚN. PARA GOBERNAR DÍA A DÍA

Facemos unha aposta pola proximidade e a defensa do común. Daqueles elementos que configuran a vida cotiá do noso concello, entendendo que as politicas públicas deben ser accesibles a toda a veciñanza  mediante criterios obxectivos e sen lugar para amiguismos e redes clientelares.

Unha politica de proximidade, de rúa que practique a escoita activa e que artelle mecanismos de participación e de emponderamento cidadá. Queremos que o concello sexa teu, do conxunto da veciñanza , sen lugar para o caciquismo , para o inmobilismos de governos de demasiados anos no poder, sen exclusión para ninguén, queremos abrir as portas.

As portas do traballo, da transparenza na xestión municipal, do pazo do concello que é do pobo, do futuro cara unha cidade eficaz e eficiente, xusta socialmente, sostible medioambeltalmente, accesible para todos e todas , abrir as portas a equidade entre homes e mulleres, entre as opcións sexuais das persoas ... queremos abrir as portas a un concello onde as persoas poidan desenvolver todo o seu potencial e non teñan que marchar.

#AbrindoAsPortas
#AbrindoAsPortasDoRural
#AbrindoAsPortasDaIlusion

Programa Electoral 2019 de Narón por Diante. | Baixar/Acceder.

NARÓN POR DIANTE- SON EN COMÚN
Local de campaña
Praza de A Gándara (Rúa Vigo, 20, Narón).
Facebook | Twitter



Enviado por:
Naron Esquerda Unida
-eu-naron@esquerdaunida.org-
21 de maio de 2019 10:09
_____________

Ana Pontón coloca o BNG como a opción de cambio real en Ferrol fronte o vello bipartidismo e os que só trouxeron decepción - Iván Rivas: 'Somos a única alternativa para que Ferrol teña un futuro diferente fronte aos que só poden ofrecer máis do mesmo' - Aposta do Bloque para impulsar políticas feministas desde o concello - Vídeo

Ana Pontón coloca o BNG como a opción de cambio real en Ferrol fronte o vello bipartidismo e os que só trouxeron decepción. | Iván Rivas: “Somos a única alternativa para que Ferrol teña un futuro diferente fronte aos que só poden ofrecer máis do mesmo”. Aposta do Bloque para impulsar políticas feministas desde o concello.

A portavoz nacional, Ana Pontón, reclamou desde Ferrol unha gran mobilización o 26M e colocou ao BNG como a opción para un cambio real neste concello da man da candidatura que lidera Iván Rivas, e por iso apelou a non resignarse nin coas fórmulas fracasadas do bipartidismo de sempre, nin cos que só trouxeron decepción estes catro anos.

“Fago un chamamento á mobilización,a que haxa unha participación masiva para que a cidadanía se deixe sentir nas urnas”, salientou Pontón, “a aposta para todas as persoas que queren cambios transformadores é a papeleta do BNG, porque temos un proxecto sólido de futuro, pensado desde Galiza, demostramos que facemos as cousas ben, que temos capacidade para sacar o mellor dos concellos”.

Por iso, e de cara á cita electoral, Pontón pediu en Ferrol apostar polo modelo municipal do Bloque, capaz de converter en referentes os concellos nos que goberna.

Non hai que conformarse, dixo, “nin co vello bipartidismo nin con esas fórmulas que nos dixeron que viñan cambialo todo e non foron capaces nin de facer xestión. O BNG é una alternativa segura para todas as persoas inconformistas que queren concellos dinámicos e comprometidos co galego, co comercio local, co feminismo e con mellorar a vida das persoas”, recalcou.

Ferrol, onde participou nun acto de campaña xunto co candidato Iván Rivas, é un exemplo de que o Bloque é a mellor aposta para mudar o rumbo desta cidade a partir do domingo: “Ten un enorme potencial e se está como está é pola ineficacia dos últimos gobernos municipais que non foron capaces de poñer en marcha un proxecto transformador que mudase o pesimismo en ilusión e en futuro”, indicou.

“A alternativa en Ferrol é a candidatura do Bloque que encabeza Iván Rivas, cun proxecto claro, cun equipo sólido, a aposta segura para todas as persoas decepcionadas co que pasou. Non teñen que conformarse co vello bipartidismo que xa sabemos que da de si, nin resignarse a esa desilusión que xeraron aqueles que viñan cambialo todo e non foron nin capaces de xestionar o día a dia. Teñen no BNG a alternativa de cambio real que pode darlle un futuro a Ferrol”, subliñou.

 Un argumento no que tamén afondou Iván Rivas: “A única alternativa para que a cidade de Ferrol poda encarar o futuro dunha maneira totalmente diferente é o BNG, o señor Rey Varela foi alcalde catro anos e a cidade está como está, Jorge Suárez tamén, e o mesmo candidato socialista estivo no goberno. É obvio que o que lles poden ofrecer é máis do mesmo”.

En relación ao candidato popular, Rivas pediulle explicacións pola súa xestión como conselleiro de asuntos sociais. Así, fixo referencia as denuncias pola mala calidade dos menús nun centro de menores na cidade, o atraso na xestión da RISGA, demoras no recoñecemento da discapacidade e de que non se cumpre os prazos de atención á dependencia. “Ten que dar explicacións da súa xestión como conselleiro porque supón unha vulneración de dereitos básicos das persoas”.

No acto de campaña abordaron as propostas do Bloque para conformar concellos feministas que traballen a favor da igualdade e dos dereitos das mulleres.

Independencia económica das mulleres

Neste sentido, a número dous da candidatura, María do Mar López, explicou o compromiso do BNG “por impulsar as axudas que dependan do concello e reclamar doutras administracións que cumpran os obxectivos de xénero, promover alternativas para que as mulleres se auto empreguen e poidan ter independencia económica”.

Igualmente, dixo, “traballaremos para dotar e mellorar os servizos que presta a Casa da Muller, poñer o foco en solucionar a problemática dos coidados e da discriminación, e para que Ferrol sexa unha cidade libre de desigualdades e de agresións contra as mulleres. Queremos transformar a cidade desde unha perspectiva de xénero feminista”.

Concellos feministas

Pontón destacou que o BNG promove concellos comprometidos coa igualdade, cunha aposta para acabar coa discriminación das mulleres no acceso ao emprego, para loitar por unha sociedade máis igualitaria e facer dos concellos un axente máis contra a violencia machista, “porque no actual contexto de involución, non podemos dar nin un paso atrás”.

Cláusulas de igualdade no acceso á emprego público, penalizar ás empresas que discriminan ás mulleres, apostar por facilitar a conciliación familiar e laboral, son algunhas das medidas. “Non se poden usar recursos públicos para financiar ningunha actuación que vaia contra os dereitos e as liberdades das mulleres ou que perpetúe discriminacións laborais”, concluíu.


https://youtu.be/YcpGMV5YLAE
Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol
Local Electoral BNG Ferrol
Rúa Galiano, 66 Baixo.

Enviado por:
BNG Ferrol
-bngferrol@gmail.com-
21 de maio de 2019 00:18
________________