EQUO organiza unhas primarias totalmente abertas á cidadanía para elixir @s seus /súas candidat@s para as Europeas'2014

VOTACIÓN PRIMARIAS ABERTAS A CIDADANÍA

Catro candidaturas galegas nas Primarias de EQUO para as eleccións europeas | EQUO é o primeiro partido político que organiza unhas primarias totalmente abertas á cidadanía.

O partido político EQUO, que en Galicia forma parte da coalición Alternativa Galega de Esquerda (AGE), vén de publicar o listado definitivo coas candidaturas para as primarias que a organización celebrará a partir do 22 de xaneiro. Destas primarias sairá a súa lista para as eleccións europeas do 25 de maio de 2014. Entre as 70 propostas, 44 homes e 26 mulleres, atopamos catro candidaturas galegas: Loli Tobío Sueiro, Jesús Pérez Barilac, Óscar Milego Fernández e Benxamín Garrido Rivas.

As primarias de EQUO terán lugar a través dun sistema de elección a dúas voltas. A primeira volta terá lugar do 22 de xaneiro ao 31 de xaneiro. Nesta fase cada votante poderá elixir a súa orde de preferencia entre os candidatos, tendo en conta que se votará de forma separada homes e mulleres. O censo para participar nesta votación pechouse o pasado 12 de decembro e está formado non só por afiliadas e simpatizantes, senón tamén por calquera persoa maior de 16 anos que se rexistrase previamente na páxina web deseñada para tal efecto. En total, unhas 19.000 persoas están chamadas a participar na votación.

As catro persoas máis votadas (dous homes e dúas mulleres) pasarán á segunda volta, que terá lugar do 1 ao 10 de marzo.

Poderán participar nesta votación as persoas afiliadas, simpatizantes e as que se apunten antes do 19 de xaneiro. Desta votación sairá a cabeza de lista de EQUO.

Segundo os co-voceiros de EQUO Galicia, Rosa Rodríguez e Ángel Montero, “é a primeira vez que un partido político leva a cabo un proceso de primarias abertas á cidadanía”. É unha iniciativa que se enmarca na aposta que EQUO vén mostrando dende o seu nacemento por unha maior participación directa da cidadanía e un maior afondamento democrático.

Nas primarias de EQUO non hai listas pechadas nin bloqueadas nin candidaturas oficiais apoiadas polos órganos de dirección, só persoas que presentan candidaturas e persoas que deciden apoialas co seu voto.

EQUO Galicia

equogalicia@proyectoequo.org

http://equogalicia.proyectoequo.org/

EQUO Ferrolterra

equo.ferrolterra@gmail.com

Enviado por:
Equo Ferrolterra
-equo.ferrolterra@gmail.com-
13 de janeiro de 2014 12:22
_______________

EQUO Galicia denuncia a tardanza no informe da UE sobre a situación das Rías Galegas

Ría de Ferrol

EQUO-Galicia denuncia a tardanza e falta de consenso na redacción do informe  final sobre o estado das Rías de Vigo, O Burgo e Ferrol que a Comisión de Peticións do Parlamento Europeo ten pendente, trala petición de varias entidades ecoloxistas e plataformas galegas ante a degradación das rías e falta de saneamento destas augas.   

Lembramos que o pasado 12 e 13 de Febreiro, durante a visita oficial desta Comisión de Peticións foi informada por distintas asociacións e grupos de cidadáns, que presentaron estas denuncias en Bruxelas, como a Plataforma Pola Defensa da Ría de Vigo, a Plataforma en Defensa da Enseada de San Simón, as confrarías de pescadores e mariscadores de Ferrol, Barallobre, A Coruña, ou o Comité Cidadán de Emerxencia para a Ría de Ferrol. Esta  delegación parlamentaria estaba composta polo eurodeputado conservador francés do PPE, Philippe Boulland, a austriaca do Grupo ALDE Angelika Werthmann, a letona do Grupo Verdes/EFA Tatjana Zdanoka. Acompañaron, ademais, os eurodeputados españois Francisco Millán Mon (PPE), Carlos Iturgaiz (PP), Antolín Sánchez Presedo(PSOE-PSdeG); a eurodiputada do BNG, Ana Miranda e Willy Meyer de IU.

Os eurodeputados desta comisión tiveron a oportunidade de comprobar o lamentable deterioro das rías de Vigo, O Burgo e Ferrol, chegando a detectar sedimentos e lodos contaminantes de máis dun metro de espesor nas súas ribeiras, como así comentaba o Xefe da delegación e representante do PPE, Philippe Boulland aos membros do Comité de Emerxencia da Ría de Ferrol.

A Delegación visitou a Planta de Gas de Reganosa dentro da Ría de Ferrol, nas inmediacións das vivendas da Vila de Mugardos, denunciada dende hai 13 anos polo Comité de Emerxencia por ser innecesaria, ilegal e perigosa. EQUO Galicia coincide co Comité en que esta Planta de gas é unha verdadeira aberración política por representar unha constante ameaza a poboación civil da comarca de Ferrolterra.

 Consideramos que un retraso de seis meses na redacción do informe final e conclusións a presentar ante a Comisión Europea e as propias entidades galegas denunciantes e a falta de consenso da Comisión de Peticións, foi roto polo eurodiputado do PPE, Philippe Boulland,  obedecendo a unha clara estratexia política coa intención de ocultar a falta de políticas medio ambientais do Partido Popular de Galicia e quedar cuestionados ante esta falta de dilixencia de ecoloxía política e aplicacións da normativa europea. pensamos que esta falta de consenso por parte do eurodeputado do PPE , Philippe Boulland

Non entendemos un pacto de excluír á Ría de Ferrol deste informe, como apunta o eurodeputado do PPE, Carlos Iturgaiz. Confiamos na eurodiputada do grupo VERDES, Tatjana Zdanoka que denuncia a degradación da Ría de Ferrol como un  dos principais problemas a resolver. A eurodeputada liberal Angelika Werthmann defenderá tamén esta inclusión no informe final.

A pesar de transcorrer xa seis meses da visita a esta Rías, o informe está bloqueado polo que a presidenta da Comisión de Peticións da eurocámara, a eurodeputada popular italiana Erminia Mazzoni, propuxo aos servizos xurídicos da cámara varias propostas, votacións  e amendas , estas foron rexeitadas.

Dende EQUO Galicia esperamos o desbloqueo e a presentación neste vindeiro mes de setembro dun Informe final fiel a situación real das Rías de Vigo, O Burgo e Ferrol, baixo o criterio medio ambiental que esixe a normativa europea.

Correo-e:
equogalicia@proyectoequo.org

Web:
http://equogalicia.proyectoequo.org/

Equo nas redes sociais:
Facebook     EQUO Galicia
Twitter         @EQUOGalicia
Google+       EQUO Galicia
______________________

EQUO reclama a dimisión de Rajoy

Xuño, 2012 -
 
EQUO reclama a dimisión de Rajoy pola súa incapacidade para xestionar a crise e por faltar de forma sistemática á verdade.

Para EQUO a falta de información sobre as condicións do rescate é intolerable nunha sociedade democrática e demostra o pouco respecto que este goberno ten pola cidadanía e a súa falta de alternativas.

Para EQUO a intervención de Mariano Rajoy esta mañá volve deixar claro que o goberno ten decidido ocultar á cidadanía que foi o que se aprobou por videoconferencia e sen pasar polo Parlamento en varios días, e como nos vai a afectar ao noso día a día, o que evidencia a súa forma de entender a democracia, priorizando o futbol a preocupación e social e o dereito a ser informados.

Ademais, EQUO expresou a súa preocupación pola situación económica e política do noso país e pola falta de alternativas ante un sistema que se manifestou acabado.

O goberno, co seu presidente á cabeza, está a dar unha imaxe patética e moi pouco seria e mentindo de forma sistemática e basta á cidadanía- afirmou o co-portavoz de EQUO, Juan López de Uralde, quen reclamou-  saber toda a verdade das consecuencias que vai ter este rescate no día a día da xente-.

Para EQUO é urxente depurar as responsabilidades, un maior control político e cidadán da situación actual e sobre todo que se tomen medidas para o desenvolvemento dun novo modelo económico
Con respecto á intervención do presidente do goberno Mariano Rajoy hai uns minutos, para EQUO esta produciuse "tarde e mal"  xa que non explicou nada máis aló de aclarar que non é un rescate senón unha liña de crédito. Ademais, a inxustificada non comparecencia inmediata de Rajoy supuxo un abandono da súa responsabilidade absoluta e inhabilítalle, a xuízo desta organización, para continuar no cargo.

Con respecto ao rescate financeiro, para EQUO é lamentable que tivésemos que chegar a esta situación, que aínda non se sabe como acabará, pola falta de alternativas económicas deste e dos anteriores gobernos.

EQUO, afirmou que á espera de coñecer a letra pequena o que si parece claro é que os intereses do préstamo si os pagaremos entre todos porque o Estado é garante da devolución e por tanto afectará o déficit e provocará máis recortes.

EQUO lembrou que no noso país nunca houbo un problema de débeda pública. A cidadanía española non viviu por encima das súas posibilidades. Chegouse a esta situación económica pola aposta dun modelo económico, fomentado polos anteriores gobernos e por este, que fracasou estrepitosamente e que enriqueceu a uns poucos e provocado o case seis millóns de parados que temos actualmente, Un modelo insustentable medioamebientalmente e inxusto socialmente, que estalou.

En concreto, as caixas de aforro foron unha parte importante do problema xa que as súas fusións realizáronse a propósito de que as súas contabilidades eran falsas.E agora pagamos todos esta falta de control político e económico.

Por todo isto, EQUO pide que se depuren todas as responsabilidades até as últimas consecuencias, as civís, políticas e penais; que se realice unha auditoría que revele a verdade das contas pero coa participación da cidadanía, de forma que se garanta a transparencia máis aló de empresas e axencias que demostraron nesa crise que non son imparciais.

Ademais, para EQUO é esencia que de forma clara apóstese por outro modelo económico que non teña permanentemente endebedada á nosa democracia; xa que se non cambiamos de modelo agora estamos nunha rúa sen saída.

Por iso, EQUO pediu que se anulen os recortes en Sanidade, Educación e Investigación.

Que se apoie aos novos sectores económicos, como as renovables, en lugar de penalizarlles, e que se aposte por noso tecido industrial.
 O neoladrillismo non pode ser a resposta.

Así mesmo, EQUO reiterou a súa petición de dimisión do presidente do goberno, que en tan poucos meses perdeu o crédito que contaba e demostrado que non está á altura da situación actual.

Mesa Equo-Galicia.

Comunicación Equo

Enviado por:
Equo Ferrolterra
-equo.ferrolterra@gmail.com-
13 de junho de 2012 19:27
____________________