Home Posts filed under Ferrol Terra
Amosando publicacións coa etiqueta Ferrol Terra. Amosar todas as publicacións
Amosando publicacións coa etiqueta Ferrol Terra. Amosar todas as publicacións

xoves, abril 24, 2014

A nosa comarca está en emerxencia, o 1º de Maio nas manifestacións obreiras e en 'Rodea o Concello'

✔ Saúde e Liberdade ! Comment

Este 1º de Maio na nosa cidade, coma no resto do planeta, transcorrerán manifestacións para defender os dereitos das traballadoras e os traballadores, no 'Día do Internacionalismo Proletario'. Pero na nosa comarca este 1º de Maio ten que ser de loita e vixilia ante a emerxencia social que estamos a vivir. É por iso que un grupo de cidad@s activos na defensa de Ferrolterra, convocamos a toda a cidadanía a participar nestas manifestacións, e inmediatamente despois, de 13 a 22hs,  RODEAR O CONCELLO, en defensa das seguintes reivindicacións:
1ª Inversión inmediata a través dos concellos para a contratación pública de traballadores/as para conservación do patrimonio, rehabilitación, limpeza de montes, da Ria...

2ª Paralización, ante situacións de paro, dos desafiuzamentos, cortes de auga e luz.

3ª Carga de traballo para os nosos estaleiros, incluído o dique flotante, e levantamento do veto.

4ª Plan de axuda ao pequeno e mediano comercio a través do creto, nova lei para regular e limitar a implantación das grandes areas comerciais.

5ª Recuperación da Ria a través do saneamento integral. Paralización do trazado da Malata e da actividade ilegal, perigosa e gravosa de Reganosa.

6ª Defensa dos servizos públicos, sanidade, educación, s. sociais, da dependencia, correos, xustiza...
CONTAMOS CONTIGO!

RODEA O CONCELLO!!!

O 1º de Maio de 13 a 22hs, no concello de Ferrol (trae velas).
______________

luns, novembro 18, 2013

Aberta unha conta de facebook e evento da campaña "Ferrolterra esixe solucións" para este venres 29 de Novembro

✔ Saúde e Liberdade ! Comment
FERROLTERRA ESIXE SOLUCIÓNS

Bos días:

Como sabedes o pasado venres arrancou a campaña "FERROLTERRA ESIXE SOLUCIÓNS" e xa comezarón as actividades preparatorias para a noite de defuntos do día 29 de novembro.

Esta semana comezamos co reparto de cartaces.

Hoxe (luns 18 de Novembro) quedaremos as 17:30 na parza do Concello de Ferrol.
Maña (martes 19 de novembro) quedaremos as 17:30 na praza do Concello de Naron.
E o mércores (20 de Novembro) quedaremos as 17:30 na praza do Concello de Fene.

Tamén informarvos de que xa comezou a funcionar, de maneira definitiva a paxina de facebook, dádelle gostame, curtir ou me gusta:
e que hai creado un evento para o día 29:
PARTICIPADE

Unha aperta

ANDRÉS RODRÍGUEZ
USTG- FERROL

Enviado por:
andresrs@ustg.es
-andresrs@ustg.es-
18 de novembro de 2013 13:50
_______________

martes, novembro 05, 2013

As centrais sindicais comarcais convocan unha xuntanza do movimento asociativo para presentar unha nova campaña reivindicativa que lle de continuidade ás demandas da pasada Folga Xeral Comarcal do 12 de Xuño - A reunión terá lugar o vindeiro xoves 7 de Novembro, ás 18:30hs no Centro Cultural Carvalho Calero do Inferniño

✔ Saúde e Liberdade ! Comment
Despois da Folga Xeral Comarcal do 12 de Xuño pasado, que tivo un grande suceso, cunha paralización case total da actividade na Comarca e unha das maiores manifestación da historia  de Ferrol, os Secretarios Comarcais da Unión Xeral de Traballadores -UGT, da Confederación Intersindical Galega -CIG, da Unión Sindical de Traballadores de Galicia -USTG, e a Secretaria Comarcal de Comisións Obreiras -CCOO, convocan unha reunión co movimento asociativo da Comarca a celebrar o vindeiro Xoves 7 de novembro ás 18:30hs, no Salón de Actos do Centro Cultural "Carvalho Calero" do Inferniño, para presentar a nova campaña reivindicativa, co obxecto de continuar demandando solucións á grave problemática socioeconómica e laboral que padece a nosa Comarca.

Información baseada na enviada por:
andresrs@ustg.es
-andresrs@ustg.es-
5 de novembro de 2013 19:00
_______________

Centrais Sindicais ___________________

mércores, xuño 12, 2013

A xornada de Folga Xeral Comarcal en Ferrol Terra foi total - Vídeos coas intervencións de Manel Grandal, Cesareo Fraga, Auri Vázquez e Gregorio Freire - 12 de Xuño de 2013

✔ Saúde e Liberdade ! Comment

Ao mediodía transcorría polas rúas de Ferrol unha grande manifestación onde miles de persoas demanban solucións para Ferrol Terra, Eume e Ortegal. De fondo o alto índice de desemprego, a crise en empresas medianas das comarcas, o comercio e a situación do sector naval, coa practica paralización dos dous estaleiros da Ría. Promesas incumpridas nunhas comarcas en declive industrial e social, nunha zona empobrecida polas políticas dos diferentes gobernos españois e da Troika europea.

A xornada de Folga Xeral Comarcal foi total, ao final da manifestación, sen ser posíbel que todas as persoas que participaran na marcha puideran entrar na Praza do Concello, comezou o acto co canto da Internacional, seguido das intervencións da representación sindical, rematando o acto co canto do Himno Galego, cos acordes da gaita do mestre Vitor Agulló.

Na Folga Xeral Comarcal, convocaba e estivo presente tamén a CNT, organización anarcosindicalista, que participou nos diferentes piquetes durante a xornada de folga e na marcha do mediodía. Ao non intervir na concentración final, non puidemos escoitar o seu argumentario e posicionamento, por iso achegamos o seguinte enlace [Ir a web CNT].

Nos vídeos que a continuación se publican, están as intervencións de Manel Grandal, pola CIG;  Cesareo Fraga, pola UGT; Auri Vázquez, por CCOO e Gregorio Freire, pola USTG. Estas intervencións resumen a situación e as demandas do pobo de Ferrol Terra. Ao final vai tamén o canto do Himno Galego. Por razóns técnicas no podemos ofrecer o momento onde se cantou a Internacional.


http://youtu.be/sYIOf0geb3I



http://youtu.be/SCWX7Fbt2-s



http://youtu.be/keM6b8y7LBA



http://youtu.be/P5UDXv--ac4



http://youtu.be/1SfjMjQlf7g


Enlaces de interese:
Confederacións Internacionais:
___________________
Subscribirse a: Publicacións (Atom)