Máis de 1000 persoas exixen xustiza e democracia na concentración de apoio ao cabo da Armada Jorge Miguel Gago Chao e e lembran a Erik e Francisco

Máis de 1000 persoas exixen xustiza e democracia na concentración de apoio ao cabo da Armada Jorge Miguel Gago Chao, lembran aos compañeiros falecidos no accidente, Erik Noval e Francisco Pérez Castrillón, e reclaman que se esclarezan os feitos do acontecido na Fragata Extremadura.

A concentración e posterior marcha pola contorna da Porta do Dique do Arsenal Militar foi toda un ha manifestación de apoio ao "Cabo Gago", baixo o lema conxunto dunha Plataforma Cidadá que se constituíu no seu apoio e para defender o dereito á "Liberdade de expresión", pola retirada do expediente e sanción, e pola "transparencia e claridade". Sindicatos, asociacións veciñais e sociais, así como algúns partidos políticos, forman parte desta Plataforma.

___________

Enlaces relacionados:

A noticia en Europa Press

O cabo Gago apela á súa presunción de inocencia ante o arresto por falar do accidente da Fragata Estremadura
__________

A Asociación Veciñal de Esteiro " Fontelonga" acorda formar parte da Plataforma Cidadá en Defensa do Cabo Gago

De:ASOCIACION VECIÑAL FONTELONGA -avvfontelonga@mundo-r.com-
Para: artabra21@gmail.com
Data: 5 de setembro de 2008 12:01
Asunto: Acordamos formar parte da Plataforma Cidadá en Defensa do Cabo Gago, convencidos de que defender ó cabo Gago é defender á Xustiza e a Democracia.



A Asociación Veciñal de Esteiro " Fontelonga", cando se van cumprir o vindeiro día 8 de decembro 30 anos da aprobación da Constitución do Estado Español que formaliza un réxime de liberdades políticas, poñendo fin á ditadura franquista, queremos DENUNCIAR que estas liberdades democráticas non existen nas Forzas Armadas e se quere mandar á cadea a unha persoa por cumprir co seu deber e sobre todo por deci-la verdade: O cabo Jorge Miguel Gago Chao o único que fixo foi cumprir co seu deber e non só non é merecente de ningún castigo senón que hai que agradecer o seu comportamento que evitou unha catástrofe, aínda maior, na fragata Extremadura que puido rebentar,a fectando á Reganosa e a Forestal del Atlántico, que puido ser mortal para a cidadanía de Ferrol e Mugardos como o foi para Erik Noval e Francisco Castrillón.

A Asociación Veciñal de Esteiro " Fontelonga" acordamos formar parte da Plataforma Cidadá en Defensa do Cabo Gago, convencidos de que defender ó cabo Gago é defender á Xustiza e a Democracia.

Expresamos con este comunicado ó noso apoio tanto a Jorge Miguel como á súa familia e facemos un chamamento á toda a cidadanía da comarca de Ferrol e de todo Galicia a que participen na concentración do vindeiro xoves día 11 de setembro ás 20 horas fronte ó Arsenal de Ferrol.

Ferrol a 5 de setembro de 2008.

Xunta Directiva da Asociación Veciñal de Esteiro " Fontelonga"

Asdo./Xosé Miguel López Pérez , presidente
________________
ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
____________

A Asociación de veciñ@s de Caranza forma parte desde hoxe da Plataforma Cidadá en defensa do Cabo Gago

De: Asociación Veciñal de Caranza -avvcaranza@mundo-r.com-
Para: artabra21@gmail.com
Data: 4 de setembro de 2008 15:32
Asunto: A Asociación de veciñ@s de Caranza forma parte desde hoxe da Plataforma Cidadá en defensa do Cabo Gago

A Asociación de veciñ@s de Caranza forma parte desde hoxe da Plataforma Cidadá en defensa do Cabo Gago, móstrase a disposición da familia para canto consideren oportuno e anima aos veciñ@s de Caranza e de toda a cidade a participar na manifestación do día 11 ás 20:00 hrs para defender a liberdade de expresión e a xustiza,"é importante concienciar aos cidadáns de que Jorge Miguel Gago evitou co seu bo facer profesional e a súa rápida reacción unha catástrofe que puido afectar a unha parte da poboación e ademais convencido de que a vida de seres humanos está por encima de calquera disciplina deu un claro exemplo de civismo digno non de castigar con carcel senón de tomar como bo exemplo".

Fdo. Pilar rodríguez Venancio

Presidenta

_____________
Asociación de Vecin@s de Caranza " Cuco Ruiz de Cortazar"
Centro Cívico de Caranza 2º Planta Apartado de Correos 1045
Avda. de Castelao s/n
15.406 FERROL (A Coruña)

Páxina web:
http://www.empresas.mundo-r.com/avvcaranza/index.htm

Teléfonos:
981 325 852 - 650 373 930

Fax:
981 325 500

Correos electrónicos:
correo@avvcaranza.es
secretaria@avvcaranza.es
avvcaranza@mundo-r.com
_____________

O BNG propón que o Pleno pida a retirada do expediente disciplinario ao cabo Jorge Gago

De: Correo electronico BNG -bng@ferrol.es-
Para: artabra21@gmail.com
Data: 23 de junho de 2008 11:09
Asunto: O BNG propón que o Pleno pida a retirada do expediente disciplinario ao cabo Jorge Gago
Información Iniciativas BNG

O BNG propón que o Pleno pida a retirada do expediente disciplinario ao cabo Jorge Gago

O grupo municipal do BNG rexistrou esta mañá unha moción ao Pleno da Corporación na que se solicita ao Ministerio de Defensa á retirada do expediente disciplinario aberto contra o Cabo Jorge Gago por terse filtrado a súa declaración como testemuña na causa aberta polo accidente da Fragata “Extremadura”.

Xoán Xosé Pita, portavoz nacionalista, afirmou que a actitude do Ministerio de Defensa é cando menos sorprendente pois evita posicionarse sobre o accidente da Fragata “Extremadura” escudándose na situación de “pendente de resolución xudicial” do caso e, ao mesmo tempo, ábrelle un expediente disciplinario ao cabo ferrolán Jorge Gago, unha testemuña clave neste proceso, o que pode chegar a entenderse como unha inxerencia que busca transmitirlle a esta persoa a mensaxe da obediencia e o silencio.

O BNG sostén na súa proposta que os mozos e mozas de Galiza que recorren ao ingreso nas Forzas Armadas, como saída laboral, merecen unha consideración, como cidadáns e traballadores, propia dun estado democrático, polo que insta, tamén, a que o Ministerio de Defensa proceda a realización dunha investigación seria e rigorosa que esclareza as causas do accidente da Fragata “Extremadura”.

Xoán Xosé Pita, portavoz nacionalista, sostén que cumpre modernizar e democratizar o funcionamento das Forzas Armadas. Cumpre entender que Defensa como parte da administración pública debe rexerse polos principios de servizo, transparencia e responsabilidade. A disciplina militar non pode ser obediencia cega á xerarquía, subordinación acritica e o mando autoritario despótico. As Forzas Armadas non poden ficar á marxe dos dereitos e deberes que teñen o resto de cidadáns e as administracións públicas.

Como se lembrará o 19 de decembro do ano 2005, explotaba unha caldeira na Fragata “Extremadura”, pertencente á armada española, provocando á morte de dous dos seus tripulantes. Os mozos galegos, Francisco Javier Pérez Castrillón e Eric Noval Gómez.

Ferrol a 20 de xuño de 2008

Grupo Municipal do BNG no Concello de Ferrol
_____________
Quen queira recibir o texto da Moción solicitala en bng@ferrol.es
___________