Amosando publicacións coa etiqueta Manolo Bacalhau. Amosar todas as publicacións
Amosando publicacións coa etiqueta Manolo Bacalhau. Amosar todas as publicacións

martes, maio 17, 2022

Músicas de Galiza e Portugal con Manolo Bacalhau, este xoves 19 de maio, ás 8 da tarde en Ferrol, no salón de actos da Escola Oficialde Idiomas (EOI)

Músicas de Galiza e Portugal con Manolo Bacalhau, este xoves 19 de maio, ás 8 da tarde en Ferrol, no salón de Actos da Escola Oficial de Idiomas (EOI), rúa Real, Nº 29.

Manolo Bacalhau é un dos representantes vivos da canción tabernaria ferrolá, alias autente e coñecedor da vida e obras dos bares de sempre de Ferrol.

Nace en Ferrol, na barriada d'A Ponte de Caranza, ao pe do río do Tronco... Medra o calor da familia da súa nai Clementina, (traballadora da PYSBE), composta de avós e irmáns (mulleres e homes), que tódolos domingos xuntábanse a xantar na casa materna e logo do café con chicoria, dábanse a facer a mellor dixestión do mundo..., cantar.

No 76 forma parte do Grupo Xarabal.

Alá polos 80, entra en contacto co grupo Saraivas, cos cales grava o LP , “Xa non podemos calar”.

En 1995 grava con Os Cempés o volume 2 de Le Printemps de la Cornemuse, Morvan, (Francia).

No ano 97 colabora no disco, Mas que un Oficio de Paco Diez,(La Bazanca).

El sempre participou cando se lle pediu en actos, homenaxes, actuacións nas folgas xerais, actos de solidariedade... é pois de xustiza que a colectividade lle axude a el tamén.

Logo dunha exitosa campaña de crowdfunding, promovida por amizades da contorna da Fundaçom Artábria, o seu primeiro traballo como protagonista foi Sondobar (2017) unha pequena mostra para comezar a recoller a súa obra, patrimonio cultural de Ferrolterra e da Galiza. Sondobar recolle 10 temas, e un DVD no 25 de abril nunha taberna, Cazadores, que pechou o día a seguir.

1.- O Cavaleiro e o Anjo, Zeca Afonso,  adaptación.
2.- As da boca, popular.
3.- Tango de Ferrol Vello, popular.
4.- Cantiga, Curros, versión con guitarra de Lisboa.
5.- Ya se va mi amor, versión habanera de tradición familiar.
6.- Fui colher uma Roma, popular alentejana.
7.- En Vuelo, música e letra propia.
8.- Foliada do Cadaval, popular, derradeira tocada de Antón Varela.
9.- A Emigración, Curros, música Xan Rubia.
10.- Mágoa no Corazón,  Rosalía de Castro, música propia.

A ilustración da capa do CD/DVD foi cousa de  Leandro Lamas.

O traballo audiovisual realizouno Juanpa Ameneiros.

Con Sondobar, Manolo Bacalhau debutou no mercado discográfico. Sintetiza a súa traxectoria de colaboracións no campo da música da raíz, Manolo aposta pola reivindicación dos cantos de taberna para o seu primeiro traballo. Temas populares galegos e portugueses, poemas musicados de Rosalía ou Curros ou unha versión de Zeca Afonso danse cita nos dez cortes que achega este traballo. Ademais do CD, o proxecto comprende un DVD cun documental sobre o músico e varios temas gravados ao vivo. O Teatro Jofre de Ferrol acolleu o 13 de xaneiro de 2018, o multitudinario recital de presentación, do que achegamos un vídeo co resumo deste importante acto sociocultural.




Canle Sondebar.

Manolo Bacalhau en Facebook. |

Sondobar en Facebook.

Sondobar en Twitter. |

correo-e: m.bacalhao@gmail.com

Manolo Bacalhau na rede. | Ir ao Buscador.

Fontes: propia, do Consello da Cultura Galega, Música en Galego e Colectivo do proxecto Sondobar.

Enviado por:
Inacio GZ
inaciogz@gmail.com
17 de maio de 2022 16:01

_______

domingo, novembro 21, 2021

Apresentaçom em Ferrol do livro 'José Afonso - Todas as Canções', obra imprescindível da autoria de Guilhermino Monteiro, José Mário Branco, João Lóio e Octávio Fonseca - No Ateneo Ferrolán a Sexta-feira, 26 de novembro, ás 7 da tarde - Com Antón Cortizas e coa música e as vozes de María Manuela e Manolo Bacalhau

Apresentaçom em Ferrol do livro "José Afonso - Todas as Canções"

Em Ferrol, no Ateneo Ferrolán, a Sexta-feira, 26 de novembro, ás 7 da tarde.

Apresenta: Antón Cortizas.

Intervenhem: Henrique Marqués, António Pimenta e Guilhermino Monteiro.

Intervençom musical: María Manuela e Manolo Bacalhau.

O livro "José Afonso – Todas as Canções", obra imprescindível da autoria de Guilhermino Monteiro, José Mário Branco, João Lóio e Octávio Fonseca, reúne as partituras, letras e diagramas de acordes de 159 canções de José Afonso. Depois de em 2010 ter sido dado à estampa pela “Assírio & Alvim”, onde teve duas edições, volta agora a estar disponível com edição / distribuição da Associação José Afonso. Viva!

Dos dias 23 ao 27 contaremos em várias localidades da #Galiza com as apresentaçons dum livro que consideramos fundamental para descubrir todas as facetas do José Afonso como mestre da cançom popular portuguesa.

Genial autor e intérprete de cançons e incansável luitador, a sua vasta obra discográfica, iniciada em 1953 e terminada em 1985, constitui um manancial inesgotável de inspiraçom e de aprendizagem.

Graças ao seu talento excepcional, renovou a cançom popular a partir da tradiçom musical em que se iniciou, integrando novas influências e marcando decisivamente as geraçons seguintes.

Rachando preconceitos sobre a cançom de intervençom, esta compilaçom que reúne as partituras de todos os temas que gravou, com as respectivas letras e diagramas, mostra toda a complexidade da sua obra que contribuiu para elevar os padrons de qualidade no uso da palavra cantada.

É pois de grande utilidade para quem quiger aprender e interpretar musicalmente os temas do Zeca. Depois de duas ediçons em 2010, está de novo disponível com ediçom e distribuiçom a cargo da Associação José Afonso e desde este mês chega também ao nosso país da mao dos autores.

Libraría Pedreira
Libraría Cartabón
Ateneo Ferrolán
Amigos dos Museos de Galicia - Portas Ártabras Asociación Cultural Pertenza
Rede da GaliLusofonia


Todas as canções

PRÉ-VENDA do livro "José Afonso – Todas as canções" (Envios a partir de dia 22 de novembro).
 
15€ + portes / correio registado nacional (6.50€ por 1 livro + 0.50€ por cada livro extra). Atenção: Para encomendas para o estrangeiro contacte-nos através do email:

ajacomprar@gmail.com

https://www.facebook.com/ajagaliza

Associaçom José Afonso - Galiza
http://aja.gal/

Associação José Afonso - Portugal
http://www.aja.pt/

Ateneo Ferrolán
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055 | Dirección Postal: Rúa Magdalena 202-204. CP.15402 | Ferrol (Galiza)
@ateneoferrolan | Blogger | Facebook | Faite soci@ on line! | Colabora con nos!
_______

mércores, xullo 21, 2021

Lembrando o concerto Sondobar no Teatro Jofre de Ferrol, a presentación dun traballo discográfico de Manolo Bacalhau - Vídeo

Manolo Bacallau, resumo do concerto Sondobar... no Teatro Jofre de Ferrol (Galiza)

Xa pasaron máis de tres anos, desde o 13 de xaneiro de 2018 que tiña lugar a presentación do traballo discográfico de Manolo Bacalhaou, Sondobar e unha homenaxe a un dos grandes referentes da música local e participativa de Ferrolterra, no Teatro Jofre de Ferrol. Foi un importante acontecemento para a Cultura na Comarca.


Presentador: Antón Cortizas
Cámaras: Juanpa Ameneiros e Xende López,  
Realización e edición: Juanpa Ameneiros
Produción: Sondobar...
Canción: O Cavaleiro e o Anjo ( Zeca Afonso )

Músicos en directo:

Acordeón: Josecho Martínez Balseiro. Contrabaixo: Óscar Painceiras. Gaitas: Fausto  Escrigas e Javier Fariña. Guitarra: Cabe García. Percusións: Ramón Dopico. Saxo: Fausto Escrigas.

Voces :

Leandro Lamas, Lorena Montero, Manolo Cuétara, Paula e Silvia Fojo.

Agradecementos a colaboración de: Antón Cortizas, María Manuela, Xoán Rubia e Xurxo Souto,

 E a minha nai Clementina Varela.

Ao Concello de Ferrol, concelleiro de cultura, Suso Basterrechea.

Aos técnicos de son e persoal do Teatro Jofre.

A Bruno L. Teixeiro, Gloria Martinez, Lan Couce, Xan Lópes e Xende López (Colectivo Sondobar...).

Podes atopar a Manolo Bacalhau no Facebook.

Sondobar no twitter e no facebook.
_______

mércores, agosto 22, 2018

O Ateneo Ferrolán, a Editorial Áncora de Lisboa e Aetinape convidan a coñecer a apaixonante aventura da pesca do bacallau nos mares de Terranova, este Venres 24 de agosto, ás 8 da tarde no Ateneo, con Valdemar Aveiro, un capitán portugués que se xubilou ao mando do bou “Coimbra”, o editor Antonio Baptista Lópes e o cantor ferrolán Manolo Bacallau


O Ateneo Ferrolán, a Editorial Áncora de Lisboa e Aetinape convidan a coñecer a apaixonante aventura da pesca do bacallau nos mares de Terranova

Historia da pesca do bacallau en Terranova

Venres 24 de agosto, ás 20hs. no Ateneo Ferrolán

Acto aberto a todo o público

Unha CONFERENCIA - PROXECCIÓN - COLOQUIO “Historia da pesca do bacallau en Terranova”, organizada pola Asociación Española de Titulados Náutico-Pesquera (AETINAPE) e a EDITORIAL ÁNCORA de Lisboa, ca colaboración do ATENEO FERROLÁN e o cantautor Manolo Bacalhau, que foi tripulante nos caladeiros de Terranova.

O seu autor é unha persoa entrañábel, Valdemar Aveiro, un capitán portugués que se xubilou ao mando do bou “Coimbra”, buque insignia da pesca portuguesa. Aos seus 84 anos aínda ten a ilusión de recoller a dura vida da pesca do bacallau. É un gran erudito na historia destas pesqueiras, con sete libros publicados pola editorial Áncora de Lisboa. É unha persoa culta, empática profesional, cunha gran dignidade, o que lle fixo colleitar importantes e profundas amizades con moitos profesionais galegos e vascos que tamén formaban parte desta flota.

Non esaxeramos se logo de coñecer a súa obra e manter varias conversas con el, recoñecemos que estamos probablemente ante unha das persoas con maiores coñecementos históricos da pesca do bacallau, que el manexa a través de datos históricos desde o século VIII.

Cabe recordar a gran importancia do porto de Ferrol nas épocas douradas do bacallau, xa que a PYSBE (unha das grandes empresas pesqueiras da época) tiña aquí unha das súas factorías máis importantes e parte da súa flota operaba desde Ferrol, que con A Coruña, Vigo e Pasajes, foi un dos portos e comarcas de referencia.

No evento, participará tamén o editor Antonio Baptista Lópes.

Durante este acto, proxectarase un vídeo con numerosos premios internacionais sobre a pesca do bacallau en Terranova con doris (embarcacións que se transportaban nos grandes barcos bacaladeiros e desde as que se pescaba con anzol)

CONFERENCIA - PROXECCIÓN - COLOQUIO DE VALDEMAR AVEIRO

HISTORIA DA PESCA DO BACALLAU EN TERRANOVA

VENRES, 24 DE AGOSTO, ÁS 20 HORAS

ATENEO FERROLÁN (Rúa Magdalena, 202-204 Ferrol)

Este acto estará presentado polo presidente de AETINAPE, José Manuel Muñiz Ríos.
--

Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK:
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
20 de agosto de 2018 12:54
_____________

venres, marzo 09, 2018

Atelier de Origami com Antóm Cortizas esta sexta-feira, 9 de março, na Fundaçom Artábria e o sábado. 10 de março, concerto de Manolo Bacalhau no Dia da Classe Obreira Galega


Atelier de Origami com Antóm Cortizas esta sexta-feira

Nesta sexta-feira, 9 de março,  às 19hs, Antom Cortizas dará continuidade ao atelier de origami para crianças e famílias. A atividade é pensada para crianças a partir dos 5 anos. Precisa-se de inscriçom prévia, a qual é gratuita. Há um límite para 15 crianças. Podes inscrever-te no 671 200 160 (Lara) ou no correiodeartabria@gmail.com.


Concerto de Manolo Bacalhau no Dia da Classe Obreira Galega

No dia 10 de março, Dia da Classe Operária Galega, depois da mobilizaçom da CIG, haverá jamom assado com patacas e pam a  preços populares no Centro Social.

Às 22.30hs, o cantor ferrolano Manolo Bacalhau porá trilha sonora a esta jornada de reivindicaçom proletária e lembrança de março de 1972. O concerto é de graça.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.


Enviado por:
Fundaçom Artábria
-artabria@artabria.net-
8 de março de 2018 16:01
____________

xoves, decembro 28, 2017

Manolo Bacalhau presenta Sondobar, nunha actuación, onde tamén subirán ao escenario grandes amigos como María Manuela, Xoan Rubia, ... - O sábado, 13 de Xaneiro, ás 20:30hs, no Teatro Jofre de Ferrol


Manolo Bacalhau
Presenta Sondobar


Día: Sábado, 13 de Xaneiro de 2018.
Hora: Dende as 20:30 ata as 22:00.
Lugar: Teatro Jofre Ferrol (Praza de Galiza, S/N).

Manolo Bacalhau presenta Sondobar, nunha actuación, onde tamén subirán ao escenario grandes amigos como María Manuela, Xoan Rubia, ... nun concerto para presentar un disco que foi financiado mediante unha campaña de micro mecenado e que serve de homenaxe a un dos grandes referentes da música local e participativa do municipio. Entradas de balde até completar aforo.

Evento no facebook:

https://www.facebook.com/events/529206237436758/


https://youtu.be/IQRvsWLQukM

Podes atopar a Manolo Bacalhau no Facebook.

Sondobar no twitter e no facebook.
_____________

xoves, novembro 23, 2017

En decembro chega @Sondobar... de Manolo Bacalhau: CD+DVD - Un bon presente do Apalpador!


Un bon presente do Apalpador!

En decembro chega @Sondobar... de Manolo Bacalhau: CD+DVD.

@Sondobar

Sondobar... é o nome que leva o primeiro trabalho discográfico do cantor ferrolano Manolo Bacalhau.

En Xaneiro deste ano 2017: Apoiando o proxecto #Sondobar... - Unha singradura ten comezado, nun barco que se nun tempo foi peixeiro agora vai ser recreativo, cultural e participativo. Capitanea un vello mariñeiro coñecido polos mares mais tamén nos currunchos portuarios, nas movidas reivindicativas e nas noites de taberna compartida e cantos corais. | Ir á Web.
__________________

sábado, xaneiro 28, 2017

Apoiando o proxecto #Sondobar... - Unha singradura ten comezado, nun barco que se nun tempo foi peixeiro agora vai ser recreativo, cultural e participativo. Capitanea un vello mariñeiro coñecido polos mares mais tamén nos currunchos portuarios, nas movidas reivindicativas e nas noites de taberna compartida e cantos corais


#Sondobar...


Que sería de nós se non puidésemos cantar, se as nosas voces estivesen limitadas apenas ás mainas melodías dos sentimentos agochados na calma chicha da gorxa...

Cantamos no colo, cando nacemos, cantamos de crianzas na rúa cando brincamos e cando nos agrupamos nas voltas xiroscópicas dunha roda infantil e melódica; cantamos adolescentes cando amigamos e namoramos, cantamos adultos nos xantares familiares, nos patróns, nas festas, nas viaxes colectivas, cantamos cando facemos parroquia nas xuntanzas de bar e taberna.

E mais si, hai lugares e lugares para cantar, mais falando nun presente que por veces é pasado, se cadra podemos ter a sensación de que cantar en grupo, de forma improvisada mais premeditada, vén resultar unha práctica que se está a perder.

Cantamos para non perder o don de sermos quen somos, coas melodías propias que forman parte da ecoloxía cultural da beirarrúa atlántica que habitamos. Cantamos desde Ferrol coas letras anónimas que xentes anónimas cantaron de forma anónima para darlle nome á nosa música.

Cantamos dende o sur do Miño, coas melodías e a fala dos que falan o que nós mesmos imaxinamos no pentagrama da lingua.

Cantamos porque cantar é sermos humanos. Cantamos porque cantar supón respirar melodías e lanzar as voces ao ar para bicármonos co alento das corcheas, para amolecer as limaduras da pel coas sinfonías do corazón.

Destes e doutros compases nace Sondobar..., dun costume familiar, da necesidade da beleza sonora, da busca da harmonía social. E Manolo Bacallau decídese a cantar na roda dun disco para dar ás ao discorrer da vida. E canta na lingua de noso, na que está no groto da gorxa, na que está no manancial dos beizos, que se estende máis aló do monograma fronteirizo da nosa xeografía, creando a aperta dos acentos e deixándonos no ámago o laimo da harmonía.
Cando sintas dor, canta;
cando sintas luz, canta;
cando sintas sede, canta;
cando sintas soños, canta...
Porque cantar é ser río
e ser río é amar o mar.
Cara a fóra, son de dentro,
cara a dentro, sondobar.
Antón Cortizas

Ferrol, Xaneiro de 2017

Web do proxecto:
http://www.verkami.com/locale/gl/projects/16786-sondobar


____________

luns, maio 16, 2016

Dia das Letras na Fundaçom Artábria e manifestaçom Nacional em Compostela


Segunda-feira 16, celebraremos na Fundaçom Artábria o Dia das Letras. Desde as 19.30hs, decorrerá umha grelhada a preços populares.

À noite, o cantor ferrolano Manolo Bacalhau porá música à jornada.

No dia 17 de maio, participaremos junto ao reintegracionismo de base na mobilizaçom nacional que decorrerá em Compostela, convocada por Queremos Galego, na defesa da nossa língua.

A cita é às 12.00hs ao pé das Marias.

Desde a Fundaçom Artábria apelamos à nossa base social a participar na mobilizaçom e nutrir o cortejo reintegracionista.

Reproduzimos a seguir o texto comum que será distribuído polos coletivos reintegracionistas:

Como cada ano, saímos às ruas para afirmar que nom nos vam deixar sem língua.

Desta vez, fazemo-lo brandindo a imagem, a obra e a memória de Manuel Maria, poeta da Pátria em galego.

Como quase sempre, um autor nom só de prática normalizadora, como também defensor da conveniência de a orientarmos para o ámbito em que mehor afondar nas raízes e melhor garantir um novo florescer: o da comunidade lingüística que, a partir da Galiza, ecoa em centenas de milhons de gorjas e fortalece a nossa fronteira de segurança frente à imposiçom do espanhol.

A identidade lingüística galego-luso-brasileira é o melhor recurso para que a Galiza se emancipe da submissom mental que nos impede um pleno desenvolvimento como povo. Sabia-o bem Manuel Maria, como antes o soubérom Murguia, Vilar Ponte, Castelao, Carvalho Calero... e hoje o sabem Teresa Moure, Séchu Sende e tantas escritoras e escritores. O reintegracionismo prático é umha ferramenta insubstituível para a plena normalizaçom.

Porém, nem chega com termos, como temos, a razom, nem com a adesom da inteletualidade mais comprometida com a língua e o País. É preciso estender o movimento pola recuperaçom plena do direito à língua no tecido associativo, mediático, sindical, educativo, popular...

As entidades e pessoas que juntas nos manifestaremos neste 17 de Maio fazemo-lo para afirmar essa necessidade, erguendo a Escola em galego, construindo centros sociais, meios de comunicaçom, coletivos e espaços de ócio em galego: exercendo a plena galeguidade lingüística em cada ato da nossa vida social.

Agindo como comunidade nacional viva e ativa: Essa será a melhor, a única, garantia de futuro para a nossa língua.

Avante, pois!

Compostela, Galiza, 17 de Maio de 2016
--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
15 de maio de 2016 17:40

_______________