A eurodeputada Lídia Senra, candidata de En Marea - Compromiso por Europa, estivo en Ferrol, acompañada por membros de Marea de Ferrol, onde mantivo dúas reunións: Unha primeira con operadores dos mercados da cidade (A Magadalena, Caranza e Recimil) e unha segunda con membros do Movemento Galego pola Defensa das Pensións Públicas (MODEPEN)

MAREA DE FERROL E A EURODIPUTADA LIDIA SENRA XÚNTANSE COS OPERADORES DE MERCADOS E MODEPEN

A eurodeputada Lídia Senra, candidata de En Marea - Compromiso por Europa ás eleccións europeas do 26 de maio, estivo este luns pola tarde en Ferrol, no local da Marea de Ferrol, acompañada por membros da candidatura municipal, onde mantivo dúas reunións: Unha primeira con operadores dos mercados da cidade (A Magadalena, Caranza e Recimil) e unha segunda con membros do Movemento Galego pola Defensa das Pensións Públicas (MODEPEN).

En declaracións aos medios, Lídia Senra aproveitou para facer un chamamento ao voto para este domingo e cualificou de moi importantes as eleccións europeas, xa que o 80% das decisións políticas que afectan directamente ás persoas tómanse na UE.

A europarlamentaria e candidata defendeu que para o mercado local é preciso un impulso da comercialización do produto local e de proximidade.
Desde Marea de Ferrol, recollimos tamén as diferentes demandas que se realizaron sobre a deplorable situación na que se atopan os mercados de Recimil e Caranza, e salientaron a ausencia de convocatorias da Mesa Local de Comercio por parte do goberno municipal durante todo o anterior mandato.

Nese sentido, e como vimos facendo en todas as xuntanzas que estamos realizando co movemento asociativo, Bernardo Lorenzo fixo a proposta en firme de crear mesas de traballo con representación tanto do concello como dos diferentes sectores do comercio ferrolá, para recoller demandas, e pensar xuntas o modelo de cidade que queremos.

Desde Marea de Ferrol, consideramos a necesidade de potenciar a capacidade competitiva e o comercio local e de proximidade.

Por outro lado, tivo lugar unha moi enriquecedora xuntanza con MODEPEN, na que se dialogou e compartiron demandas e preocupacións con respecto ás pensións e outros dereitos sociais. Lidia Senra comprometeuse a seguir loitando duramente, igual que fixo neste mandato, na defensa dos sistemas públicos de pensións e das pensións dignas para que ningunha persoa entre na pobreza unha vez que chega ao remate da súa vida laboral.

Desde Marea de Ferrol, recordamos a importancia que ten para unha candidatura municipalista e veciñal como a nosa, manter lazos de colaboración con organizacións a nivel galego e neste caso europeo, dado que hai moitas competencias que están fóra do ámbito municipal pero que inciden fortemente sobre a vida das persoas, que nós propoñemos acompañar con propostas a nivel local como a Renda Mínima Municipal.

En Marea - Compromiso por Europa | Ir á Web.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
21 de maio de 2019 11:26
_____________

Previsión de actividades de Marea de Ferrol para o martes 21 de maio: reunión co Club Ría de Ferrol e coa asociación veciñal de Canido, e na tertulia 'Un pincho co candidato', do bar Sur

PREVISIÓNS DE MAREA DE FERROL PARA O MARTES

Detallamos a continuación a previsión de actividades de Marea de Ferrol para  mañá martes 21 de maio:

1. Ás 17.00 horas, manteremos unha reunión co Club Ría de Ferrol, no seu local situado no Pavillón de Deportes da Malata.

2. Ás 19.00 horas xuntarémonos coa AVV Canido no CC Canido.

3. Ás 21.30 horas, participaremos en "Un pincho co candidato", organizado polo bar Sur, para manter o "debate de taberna" que os seus propietarios lle propuxeron a todas as candidatas para as municipais de Ferrol.

4. Así mesmo, o noso local electoral (Rúa Dolores, 20) permanecerá aberto mañá e tarde -en horario de 10:00 a 14:00 hh. e de 17:30 a 19:30 hh.- como espazo de encontro e de conversa con todos os/as veciños/as que queiran achegarse.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
20 de maio de 2019 11:23
____________

Marea de Ferrol contou coa visita de Luís Villares, voceiro de En Marea no Parlamento Galego, vistando o Mercado da Magdalena e mantendo xuntanzas - Dentro das previsión para o luns 20 de maio, contarán coa eurodeputada Lídia Senra

PREVISIÓNS DE MAREA DE FERROL PARA O LUNS 20 DE MAIO

Detallamos a continuación a previsión de actividades de Marea de Ferrol para  mañá luns 20 de maio.

1. Ás 10.00 horas, o noso candidato Bernardo Lorenzo Cuétara será entrevistado na COPE.

2. A partir das 11.30, estaremos repartindo a síntese do noso programa electoral no Barrio de Recimil.

3. Durante a tarde, contaremos coa visita de LIDIA SENRA, candidata ao Parlamento Europeo por Compromiso por Europa - En Marea. Xunto con ela, manteremos dúas xuntanzas no noso local electoral (R/Dolores, 20):

➤Ás 18.00 horas, cos operadores e operadoras dos tres mercados municipais.

➤Ás 19.30 horas, con MODEPEN (movemento pola defensa das pensións).

4. Así mesmo, o noso local electoral (Rúa Dolores, 20) permanecerá aberto mañá e tarde -en horario de 10:00 a 14:00 hh. e de 17:30 a 19:30 hh.- como espazo de encontro e de conversa con todos os/as veciños/as que queiran achegarse.


MAREA DE FERROL, ACOMPAÑADA POR LUÍS VILLARES, MANTÉN UNHA XUNTANZA CO CENTRO COMERCIAL ABERTO

Onte sábado 18 de Maio, Marea de Ferrol contou coa visita de Luís Villares, voceiro de En Marea no Parlamento Galego.

Na súa compaña, visitamos o Mercado da Magdalena, para conversar cos vendedores e vendedoras e coa cidadanía. Alí o voceiro de En Marea destacou a “clara vocación industrial” dunha cidade que precisa de incentivos dende o ámbito municipal. “Por iso a Marea de Ferrol está comprometida coa creación dun viveiro de empresas que permita promover espazos de ámbito local capaces de seguir xerando oportunidades de emprego”, explica Villares. Que reivindica administracións locais activamente involucradas coas políticas laborais.

Pola súa banda, Bernardo Lorenzo Cuétara amosouse ilusionado coa posibilidade de acadar o goberno local despois do día 26. O candidato de Marea de Ferrol denunciou o estado de abandono dos tres mercados municipais e reivindicou a necesidade de actuacións que, dende o municipal, contribúan á mellora e posta en valor dos abastos locais e do comercio de proximidade. “Cremos que vai sendo hora de abrir unha interlocución clara cos mercados, poñer en marcha un plan de mantemento para que os pequenos detalles dos que se debe ocupar o Concello non sigan véndose desatendidos, e que se faga coa participación da xente”.

Máis tarde, mantivemos unha xuntanza na nosa sede electoral con representantes da Xunta Directiva dos comerciantes do Centro Comercial Aberto, na que Luís Villares explicou o traballo que En Marea vén realizando no Parlamento Galego na procura de protección do pequeno comercio fronte ás agresivas políticas neoliberais que representa a liberalización das prácticas das grandes superficies. Un proteccionismo que se define en tres claves: a social, a laboral e a ambiental.

Valorouse que o pequeno comercio é o tecido produtivo que máis emprego e de máis calidade crea, e defendeuse o comercio de proximidade.

Durante a xuntanza, quedou plasmada a preocupación, que Marea de Ferrol comparte, sobre a necesidade de recuperar a cidade planificadamente tendo en conta sectores como o do pequeno comercio. Defendeuse, nese sentido, que se está a favor dunha peonalización do centro feita coa participación de todos os sectores afectados, o que nos últimos anos de goberno municipal non foi posible, sentíndose vetados e coa porta pechada ao diálogo e á exposición das propostas e necesidades do sector.

Unha vez máis constatamos a desidia e a falta de diálogo coa cidadanía imperante nos últimos mandatos municipais, en contraposición á participación cidadá que constitúe un dos eixos fundamentais das propostas programáticas de Marea de Ferrol.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook
Enviado por:
Marea de Ferrol
-mareadeferrol@gmail.com-
19 de maio de 2019 10:34
19 de maio de 2019 11:03
_____________

No día das Nosas Letras, a Marea de Ferrol realizou unha ofrenda floral na Praza de Rosalía de Castro, ademais de participar na Concentración organizada pola Plataforma Queremos Galego e realizar unha homenaxe a Ricardo Carvalho Calero - As previsión de actividades de Marea de Ferrol para domingo 19 de maio

PREVISIÓNS DE MAREA DE FERROL PARA O DOMINGO 19 DE MAIO

Detallamos a continuación a previsión de actividades de Marea de Ferrol para  mañá domingo 19 de maio:

1. Desde as 11.30 horas, estaremos visitando a Feira de Ferrol.

2. Arredor das 12.30 horas, participaremos na Entrega de Trofeos da XIII Carreira do Ensanche A.


MAREA DE FERROL NO DÍA DAS LETRAS GALEGAS

Na xornada do Día das Letras Galegas, Marea de Ferrol realizou unha ofrenda floral na Praza de Rosalía de Castro, ademais de participar na Concentración organizada pola Plataforma Queremos Galego.

Durante a ofrenda floral, leuse un manifesto no que se reflexionaba sobre a falta de garantías do dereito a vivirmos na nosa lingua, dereito avalado por diversos organismos internacionais entre os que se atopa o Consello de Europa:

"Na encrucillada pola que atravesa arestora o noso idioma, non pedimos que se marxine a ninguén. Reivindicamos e comprometémonos coa aplicación daquelas medidas legais que permitan sermos aquelo que secularmente se nos negou: un pobo con lingua de seu. É hora de que todas teñamos os mesmos dereitos e deberes reais, tamén no que atinxe aos dereitos lingüísticos.

Mais a situación do galego, pese á súa protección por parte do Estatuto de Autonomía e da Lei de Normalización Lingüística, está moi lonxe de ser normalizada. É unha realidade obxectiva que tanto na Galiza como na nosa cidade non se están a dar garantías para o uso normal do galego en sectores tan importantes como a educación, a xustiza, os servizos públicos ou os medios de comunicación, incumpríndose de feito os tratados internacionais sobre dereitos lingüísticos. O verdadeiro problema non está na cooficialidade dos idiomas, senón na actitude de quen nega a existencia de pobos e linguas diversas. Esta actitude si é a negación da convivencia e da igualdade.

Desde Marea de Ferrol apelamos á conciencia democrática para que entre todas deamos pasos decisivos para que o galego sexa oficial a todos os efectos no seu ámbito territorial, e para que as galegofalantes teñamos o mesmo estatus legal que as falantes de calquera outra lingua no seu territorio."

Por último, durante a tarde, Marea de Ferrol fixo unha pequena homenaxe a Carvalho Calero diante da que fora a casa onde naceu, a carón da Praza Vella, onde se fixo fincapé na importancia da súa figura, e na nosa aposta decidida por que lle sexa dedicado o próximo día das Letras Galegas, como se vén reivindicando desde hai xa anos por moitos colectivos da cidade.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
18 de maio de 2019 10:55
17 de maio de 2019 22:58
_____________

Marea de Ferrol recibirá a Luís Villares e Ana Seijas, voceiro (tamén no Parlamento Galego) e vicevoceira respectivamente de En Marea, faran unha visita ao Mercado da Magdalena e manterán xuntanzas coa Asociación de Comerciantes do Barrio da Magdalena, Centro Comercial Aberto

LUÍS VILLARES E ANA SEIJAS VISITAN FERROL

Mañá sábado 18 de Maio, Marea de Ferrol recibirá a Luís Villares e Ana Seijas, voceiro (tamén no Parlamento Galego) e vicevoceira respectivamente de En Marea.

Durante a mañá, acompañarannos nunha visita ao Mercado da Magdalena, para despois, ás 12.30 horas, manter unha xuntanza no local electoral de Marea de Ferrol (R/Dolores, 20), coa Asociación de Comerciantes do Barrio da Magdalena, Centro Comercial Aberto. No transcurso da xuntanza, abordaranse temas que preocupan e concernen aos comerciantes do centro de Ferrol, e tratarase a Lei Galega de Comercio da que se ocupa o Parlamento Galego.

Como sabedes, Marea de Ferrol concorre ás eleccións municipais en colaboración con En Marea, posto que, sendo a nosa candidatura veciñal e municipalista, centrada no Concello de Ferrol, precisamos de apoios que nos avalen no ámbito supramunicipal para aqueles temas para os que os municipios non teñene competencias ou as teñen moi limitadas.que unha falta de vontade política e de absoluta desidia.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
17 de maio de 2019 10:28
_____________

Marea de Ferrol xuntouse coa Asociación Diversidade Funcional de Ferrol e Comarcas e mantivo un encontro no CC Torrente Ballester con diversas asociacións asentadas no Barrio de Magdalena, como Toxos e Froles, a Acociación de Hostalería, Cáritas, ou a Xunta Xeral de Confrarías da Semana Santa

MAREA DE FERROL REÚNESE CON DIVERFEC

Na mañá do xoves 16 de maio, Marea de Ferrol xuntouse coa Asociación Diversidade Funcional de Ferrol e Comarcas (Diverfec).

Unha vez máis, puidemos constatar o desleixo da xestión municipal dos últimos anos.

Entre outras moitas cousas, o colectivo demanda que se leve a cabo a tramitación e aprobación da ordenanza municipal de accesibilidade para a vida independete. Resulta imprescindible cumprir a lexislación vixente, que se vulnera sistematicamente en cuestións tan fundamentais como a accesibilidade no transporte público, nas paradas de autobús, nos parkings, nos equipamentos municipais de todo tipo (cultural, deportivo...), ou nas instalacións hospitalarias e educativas.

Así mesmo, resulta imprescindible ampliar o convenio co Concello, posto que o actual e absolutamente pírrico.
Como vimos constatando en cada xuntanza que mantivemos co tecido asociativo, todos estes anos acusouse unha grande falta de interlocución e visibilidade no Concello de Ferrol.


MAREA DE FERROL MANTÉN UN ENCONTRO CO MOVEMENTO ASOCIATIVO DO BARRIO DA MAGDALENA

Na tarde do xoves 16 de maio, Marea de Ferrol mantivo un encontro no CC Torrente Ballester con diversas asociacións asentadas no Barrio de Magdalena, como Toxos e Froles, a Acociación de Hostalería, Cáritas, ou a Xunta Xeral de Confrarías da Semana Santa.

Falouse da necesidade de pensar colectivamente no futuro do barrio da Magdalena, e sobre distintos aspectos que o afectan de forma particular: PXOM, acceso dende a saída da autoestrada (convenio de Defensa), peonalización, orzamentos participativos, plans de dinamización comercial, incentivos para a creación cultural...

Estivemos de acordo en que é fundamental o establecemento de redes entre entidades de diversos ámbitos, transversalizando cuestións como cultura, comercio, hostalería e atención social.

Queremos destacar que, sendo todas as asociacións de moi diferentes ámbitos de actuación, foi moi doado dialogar entre todas. Unha vez máis constatamos que a falta de comunicación e diálogo imperante nos últimos anos é nada máis que unha falta de vontade política e de absoluta desidia.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
16 de maio de 2019 22:39
16 de maio de 2019 22:43
_____________

Marea de Ferrol continuou as súas xuntanzas con diversas asociacións de veciñanza da zona rural de Ferrol, concretamente a de San Salvador de Serantes, A Cabana e A Graña - Previsión de actividades de Marea de Ferrol para mañá venres 17 de maio

PREVISIÓNS DE MAREA DE FERROL PARA O VENRES 17 DE MAIO

Detallamos a continuación a previsión de actividades de Marea de Ferrol para  mañá venres 17 de maio.

1. Ás 11.30 horas, faremos unha ofrenda floral na Praza Rosalía de Castro

2. Ás 12.00 horas na Praza Vella, participaremos na Concentración organizada pola Plataforma Queremos Galego.

3. Ás 18.00 horas, estaremos repartindo o noso programa electoral na Praza Vella, e faremos unha pequena homenaxe diante da casa de Carvalho Calero.

4. Así mesmo, o noso local electoral (Rúa Dolores, 20) permanecerá aberto mañá e tarde -en horario de 10:00 a 14:00 hh. e de 17:30 a 19:30 hh.- como espazo de encontro e de conversa con todos os/as veciños/as que queiran achegarse.

MAREA DE FERROL CONTINÚA AS SÚAS XUNTANZAS COA VECIÑANZA DA ZONA RURAL

Onte mércores 15 de maio, Marea de Ferrol continuou as súas xuntanzas con diversas asociacións de veciñanza da zona rural de Ferrol, concretamente a de San Salvador de Serantes, A Cabana e A Graña.

Ademáis de explicar en todos os casos as nosas propostas relacionadas co ámbito da zona rural e con aqueles servizos que o concello debe prestar ao conxunto do territorio, puidemos recoller as demandas e preocupacións máis latentes en cada parroquia.

Seguimos constatando que en todas as zonas do rural acúsase unha importante deixadez e abandono por parte do Concello.

Repítese a constante preocupación polo saneamento, malestar pola burocracia administrativa ou o recorte de subvencións. Coincidimos tamén co movemento asociativo do rural na imperiosa necesidade de establecer un plan de mantemento "do que hai", centros socioculturais, instalacións deportivas, zonas verdes, estradas, etc. É preciso eliminar a precariedade na que se atopan as infraestruturas propias do Concello.

Así mesmo, síntese en todos os casos as dificultades de comunicación e de operatividade que implica a imposibilidade de canalizar unha participación axeitada na toma de decisións que teñen que ver cos diferentes ámbitos de actuación e territorios que conforman o Concello.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
16 de maio de 2019 12:59
16 de maio de 2019 12:45
___________